Hub 17:4 - Hanunuu

⁴ Tinakluban nimu ti kaisipan niku manga kaibahan agud unman sida umintindi. Nakan danga sida pasnui manalu sa kanda manga magbangdan sa kangku.

Hub 17:4 Iomraidhean Croise

2 Samwil 15:31

May nagsabi sa kan Dabid kuntay si Ahitupil kinmuyug sa kan Absalum. Nakan nandarangin si Dabid, “Panginuun, buwata duy nimu unman may pulus kay patigayun ni Ahitupil.”

2 Samwil 17:14

Magkun si Absalum hanggan ti tanan manugpamahala Israil, “Mayad gid ti patigayun ni Husay kaysa kan Ahitupil.” Kay tutuu, mas mayad kay patigayun ni Ahitupil, dapat ipinahintulut Panginuun balaw sundun ni Absalum tunda hampay ipadamhak siya.

2 Krunika 25:16

Habang magbagaw ti purupita, sinmagut ti hari, “Hayga pagpaanyuan nimu aku? Binwat aw kawu niku tagapaanyu? Paghim-ung kawu, dahil nu unman, ipamatay niku kawu.” Nakan naghim-ung ti purupita makalawuy niya sabihun: “Pihu rurisun kawu Diyus dahil sinamba nimu ti manga diyus-diyusan ag unman kawu namatingi sa kangku.”

Hub 12:20

Pagpahim-ungun niya ti manga pagsarigan pag manugpaanyu, pagbul-un niya ti kadunungan manga gurangun.

Hub 17:5

Parihu sida sa tawu magpaulam sa kay manga kakilala hampay makakuwarta, imaw kay dahilan pag-agwanta niya manga anak.

Isayas 19:14

Pagguluhun Panginuun ti isip manga Ihipsiyu. Pasalan-salan kanda pagbuwatun pag manga tiklang. Sida ga manga langu magdampiray magsuruka waya.

Matiyu 11:25

Sa ati katpung magkun si Hisus, “Magpasalamat aku sa kanmu, Amang, kawu ti Panginuun sa langit hanggan sa daga. Magpasalamat aku dahil unman ipinaalam nimu inda pag manga bagay sa manga madunung ag sa manga mapininsarun, ipinakilala ngapu nimu sa manga tawu ga anak kay tagipusuun.

Matiyu 13:11

Sinmagut si Hisus, “Ipinahintulut sa kanyu ti makatau sa manga katutuuhanan unman nihayag tungkul sa kaharian langit, dapat unman ipinahintulut inda sa kanda.

Ruma 11:8

Kainda ti sinabi sa Banal Kasuratan magkun, “Pinakan-an Diyus inda pag manga tawu sa unman yi lang makaintindi. Kanda manga mata unman yi lang kumakit. Kanda manga tuli udyi lang dumungug hanggan taynguna tugka.”

1 Kurintu 1:20

Naan yi nguna ti madunung, naan ti manga manugtudlu Kasuguan? Naan ti marahusay magdibati sitay sa kalibutan? Unman aw binwat Diyus unman may kabuluhan ti kadunungan taga kalibutan?