Hub 14:1 - Hanunuu

¹ “Kami manga tawu lang dag-ud kanmi buhi, ag mayamu kanmi kakurian.

Hub 14:1 Iomraidhean Croise

Gimpuunan 3:17

Sinabi diman niya sa kan Adam, “Dahil nagpaniwala kawu sa kanmu asawa, ag nagkaun kawu burak kayu kang pag-irangan sa kanyu, saadan niku ti daga dahil sa kanmu. Nakan sa buu nimu buhi manbudlay gid kawu sa hustu hampay may makaun.

Gimpuunan 47:9

Nagsagut siya, “130 yi duy ka timpu. Dag-ud ag makuri duy kang buhi sitay sa daga; unman inda nag-aput sa kadugayun buhi niku manga ginurang.”

2 Hari 4:19

Pagka ati yi, magkun siya sa kay ama, “Masakit kang ulu! Masakit kang ulu!” Magkun kay ama sa panawuhun, “Daran-a siya sa kay ina!”

Hub 10:20

Diit wadi ti nasawad pag udas sa kangku, nakan pabay-ani yi lang aku hampay una ngalay lang pag udas masulung diman aku,

Hub 15:14

Mahimu aw lugud tawu ti mabuhi malumpiyu ag matadlung?

Hub 25:4

Kabitay makasabi ti usa ka tawu kuntay matadlung siya sa atubangan Diyus? May imaw aw lugud nianak unman may alangan?

Hub 25:5

Nu ti bulan ag ti manga pamgasan unman marayaw sa kay pamantay,

Hub 5:7

Nu kabitay ti alimpatu maglayang tag tungud, katida diman ti tawu, imaw ti magdara kakurian sa kay sadili.

Hub 7:1

“Ti buhi tawu atay sa kalibutan makuri gid, parihu kay kakuri sa sirang-sirang tarabahu usa ka manugtarabahu,

Hub 7:6

“Maglawuy kang manga sirang sa unman may pagsarigan. Madali maglawuy subra waya kay kadali sa busali manughabul.

Hub 8:9

Dahil bilang kapira lang kita iinanak, pira-pira lang kanta magkaalaman, hanggan kanta manga sirang sitay sa kalibutan ga aninu balaw magdugay.

Hub 9:25

“Madali lang maglawuy ti manga sirang sa buhi niku; mas mabaskug waya sa manugpalagiw. Maglawuy inda unman gid may kasulungan.

Kanta 39:5

Hayga kainda lang kadag-ud pag buhi ti ipinakaun nimu sa kangku? Sa kanmu pamantay unman inda may pulus. Sa tutuu, ti buhi tawu ga durus lang maglawuy,

Kanta 39:6

ngatay parihu lang sa aninu magkalyam. Magkahilig ti tawu sa manga buruwatun unman may pulus. Magtipun siya kasiyunan, dapat balaw niya alam nu si unu ti manginabang inda nu mamatay yi siya.

Kanta 51:5

Daut aku ag nagsalan ginan waya sa kang pagkalusad.

Kanta 89:47

Alalahana duy nu kabitay ka dag-ud ti buhi tawu; alalahana binwat nimu ti tawu may kamatayan.

Manugtudlu 2:17

Nakan pagkadat-an niku ti buhi, dahil ti manga buruwatun sitay sa kalibutan magdara lang sa kangku kakurian. Inda tanan unman may pulus; ga parihu lang sa maglagas aku durus.

Manugtudlu 2:23

Ti tanan pagbuwatun niya sa buu niya buhi magpadaut lang sa kay nalub-anan. Nakan una sa yabi unman makapahari kay naisipan. Unman diman inda may pulus!

Hirimyas 20:18

Hayga waya aku ilinusad? Hampay lang aw makitan ti kalaguluhan ag kakurian, ag mamatay sa kakay-ahan?

Matiyu 11:11

Ungud duy kang pagsabihun sa kanyu, sa tanan nianak unman waya may linmuwang lalu waya mahalaga sa kan Huwan Manugtulbaw. Dapat sa kaharian langit ti pinakaababa pag tawu mataas man sa kan Huwan Manugtulbaw.