Hub 11:8 - Hanunuu

^8-9 Mas abwat waya inda kaysa langit ag mas abasad waya inda sa ulian manga namatay. Maluang waya inda kaysa kalibutan ag mas daka waya kaysa dagat. Malu, maaput aw inda nimu naisipan?

Hub 11:8 Iomraidhean Croise

2 Krunika 6:18

“Dapat makaulian gid aw ngani duy kawu, Diyus, sitay sa kalibutan kaibahan manga tawu? Unman ngani kawu magkang-ud una sa pinakaabwat pag langit, sitay aw waya nguna sa ipinatindug niku pag Balay Diyus?

Hub 22:12

“Ti Diyus ati sa pinakaabwat pag langit, abwat man sa pinakaabwat pag manga pamgasan.

Hub 26:6

Burayhaw gid sa Diyus ti rugar manga namatay. Unman may makatabun sa rugar kadamhakan.

Hub 35:5

Pagtangda kawu sa langit ag bantayi kaayad nu kabitay kaabwat ti manga rurum.

Hub 37:23

Balaw nita masalman ti Makamaskihan pag Diyus abwat sa tanan, ag unman kita makapakarani sa kanya. Matadlung gid siya ag unman mag-api,

Hub 38:17

Naipakakit yi aw lugud sa kanmu ti manga sabian atag sa madulum pag ulian manga namatay?

Hub 7:9

Nu kabitay ti rurum magkaparaw ag unman yi mag-akitan, katida diman waydi ti magkamatay, udyi mag-ibalik.

Kanta 103:11

Dahil nu kabitay kay kaarayu ti agwat langit ag daga, katida diman kay kadaka kay pagmahal Diyus sa manga maggalang sa kanya.

Kanta 148:13

Magdayaw sida tanan sa Panginuun, dahil abwat siya sa tanan. Mas makamaskihan kay kadayawan sa tanan asan sa kalibutan ag sa kalangitan.

Kanta 36:6

Kanmu pagkamatadlung marig-un parihu sa abwat pag manga bantud. Kanmu paghusay balaw masalman parihu sa kalalawdan dagat. Pag-alagaan nimu, Panginuun, ti manga tawu ag manga hayup.

Kabagawan 30:4

May tawu aw lugud nakadayik sa langit ag nakadugsun sa kalibutan? May tawu aw lugud nakadakup durus ngatay nakasaput danum sa kay rutay? May tawu aw lugud nakapauli manga katugkaan kalibutan? Nu may kilala kawu, tultuli aku kay ngaran hanggan kay ngaran niya manga anak.

Isayas 55:9

Nu kabitay kay kaarayu ti langit sa daga, katida diman kaarayu kang pamaraan hanggan naisipan kaysa kanyu.

Amus 9:2

Una patagu waya sida sa sirung daga, ati sa rugar manga namatay, bul-un diman niku sida ati. Una dumayik waya sida sa langit, butungun diman niku sida atag sirung.