Hub 10:9 - Hanunuu

⁹ Isipa nimu, hinistuda nimu aku gin sa daga, nakan kainda ulian yi nimu aku sa daga?

Hub 10:9 Iomraidhean Croise

Gimpuunan 2:7

Linalang Panginuun Diyus ti tawu ginan sa daga. Inarupan niya sa irung ti tawu arup magpakaun buhi. Nakan ti tawu may buhi yi ngani.

Gimpuunan 3:19

Kailangan magbudlay gid kawu sa hustu agud may makaun, tugka sa bumalik kawu sa daga sa kanmu gininanan. Dahil ginan kawu sa daga, sa daga diman kawu pag bumalik.”

Hub 10:10

Kawu ti naghistuda sa kangku sa tiyan niku ina, parihu sa kisu binuwat ginan sa gatas.

Hub 17:14

Baliwun niku ama kang lulubngan, ag baliwun ina niku ag manga patar-ari babayi ti manga sapat mag-arit-it sa kangku.

Hub 33:6

Parihu lang kita sa atubangan Diyus. Hinistuda diman ga kanmu ginan sa daga.

Hub 34:15

magkaramatay ti tanan manga tawu ag bumalik sa daga.

Hub 4:19

lalu yi ti manga tawu binuwat lang niya ginan sa daga, malpus lang pisiun ga alibangbang!

Hub 7:21

Nu nagsalan gid aku sa kanmu, hayga balaw yi lang nimu aku patawadun? Udyi dumugay mighit yi aku. Una aku hanapun nimu, unman yi makitan.”

Hub 7:7

Diyus, alalahana duy nimu kang buhi ga arup lang, udyi duy niku magkalakawan ti kasulungan.

Kanta 103:14

Dahil alam niya nu kabitay kita binwat. Pag-alalahanun niya binwat kita ginan sa daga.

Kanta 104:29

Dapat nu pabay-anan nimu sida, magkadala sida; nu bul-un nimu kanda arup, magkamatay sida ag magbalik sa daga sa nagbul-an sa kanda.

Kanta 106:4

Panginuun, alalahana aku nu mag-awat kawu sa kanmu nasakupan; ribrihan diman aku nu magribri kawu sa kanda,

Kanta 22:15

Naduraan aku kabisugan, parihu sa tigangan daga; bag-u kang dila maghuput sa kang ngarus. Panginuun, pagpabay-anan nimu aku sa daga ga usa ka namatay.

Kanta 25:18

Bantayi nimu kang magkalakawan manga kakurian, ag patawada ti tanan niku kasalanan.

Kanta 78:39

Inisip niya manga tawu lang sida, parihu sa mag-arayhay durus magkalyam lang.

Kanta 89:47

Alalahana duy nu kabitay ka dag-ud ti buhi tawu; alalahana binwat nimu ti tawu may kamatayan.

Kanta 90:3

Kawu ti magpasya sa kamatayan tawu; pag-ibalik nimu siya sa daga sa kay gininanan.

Manugtudlu 12:7

Nu katunda, bumalik kawu sa daga nu naan kawu ginan, ag kanmu ispiritu bumabalik sa Diyus imaw ti nagpakaun inda.

Isayas 45:9

Kaawaawa ti tawu maglaban sa Diyus sa kay Manuglalang. Parihu siya sa anglit. Makariklamu aw ti lutuk sa manugbuwat anglit kuntay hintay kanmu buwatun? Makariklamu aw siya kuntay unman may kaya ti manugpanday anglit?

Isayas 64:7

Unman una di usa sa kanmi ti maghagad ag maghingbut makahiyaput sa kanmu. Dahil napakarayu kawu sa kanmi, ag pinabay-anan nimu kami sa kanmi manga kasalanan.

Isayas 64:8

Dapat Panginuun, kawu di gid kanmi Ama. Parihu kawu sa manugbuwat anglit, ag kami waydi parihu sa lutuk. Kawu ti nagbuwat sa kanmi tanan.

Hirimyas 18:6

“Malu, nasakupan Israil, balaw aw mabwat niku sa kanyu ti pagbuwatun manugpanday anglit sa inda pag pinkul daga? Nu kabitay ti pinkul daga sa kamang manugpanday anglit, kamu sa manga kamang diman niku.

Ruma 9:21

Unman aw madunung ti manugpanday anglit magbuwat usa ka mahalaga pag anglit, bag-u kay usa basta-basta lang, ginan sa usa lang ka pinkul daga?

2 Kurintu 4:7

Kami pinakan-an inda pag kayamanan, madi kami ga anglit lang, agud maipakakit ti balaw matupungan pag kapangyarihan ginan sa Diyus, balaw ginan sa kanmi sadili.