Hub 1:5 - Hanunuu

⁵ Kada matapus kanda handaan, maghandug si Hub para sa kay manga anak hampay sida malumpiyu. Madlum surip waya siya mag-ipulaw maghandug manga handug pagsunugun para sa kada manga anak niya, dahil mag-isip siya barang nagkasala kay manga anak ag barang tinikis magbagaw daut laban sa Diyus sa kanda tagipusuun. Pirmi gid katida kay pagbuwatun ni Hub.

Hub 1:5 Iomraidhean Croise

Gimpuunan 22:3

Nakan igu sa sunud pag sirang, surip waya gid si Abraham nantaris-ak manga kayu pamagba sa handug, bag-u ikinarga niya inda sa kay asnu. Linmakaw siya kaibahan si Isaak hanggan kay duwa ka suruguun lalaki atabug sa rugar sinabi Diyus sa kanya.

Gimpuunan 6:5

Pagka nakitan Panginuun ti manga pagbuwatun manga tawu sa kalibutan lunsay lang kadautan, ag kanda pag-isipun pirmi kadautan,

Gimpuunan 8:20

Nagbuwat harandugan si Nuwi para sa Panginuun. Bag-u nagbuul siya usa sa kada kalasi hayup malumpiyu hanggan diman sa kada kalasi manga manuk malumpiyu, bag-u sinunug niya inda sa harandugan bilang handug sa Panginuun.

1 Hari 18:31

Binmuul siya 12 ka batu, tanda 12 ka linahi manga anak ni Hakub, ti tawu pinaingarnan Panginuun Israil.

1 Hari 21:10

Bag-u patukawa niyu sa atubangan niya ti duwa ka daut pag tawu hampay bangdanan siya kuntay sinaadan niya ti Diyus hanggan ti hari. Pagkatapus, daran-un niyu siya sa luwas banwa ag bintukun tugka sa mamatay.”

1 Hari 21:13

Bag-u may rinmas-ug duwa ka daut pag tawu, tinmukaw sa atubangan ni Nabut, ag binangdanan nida inda sa atubangan manga tawu. Magkun sida, “Sinaadan ni Nabut ti Diyus hanggan ti hari.” Nakan dinara nida si Nabut sa luwas banwa, ag binintuk tugka sa namatay.

Nihimyas 12:30

Nagbuwat tun-anun sa paglumpiyu ti manga manughandug hanggan ti manga Libita hampay malumpiyu sida, ag katunda diman kanda binwat para sa manga tawu, sa manga puwirtahan banwa hanggan sa alad batu.

Hub 1:11

Dapat malu bul-a nimu tunda tanan sa kanya, pihu saadan gid niya kawu.”

Hub 1:4

Ugali yi waydi manga anak lalaki ni Hub ulublusan maghandaan sa kanda manga balay, bag-u pagban-awan nida kanda tulu ka patar-ari babayi.

Hub 2:9

Magkun sa kanya kay asawa, “Matinupadun di gid aw kawu sa Diyus? Saadi yi nimu siya hampay mamatay yi kawu!”

Hub 27:10

Makabaya aw siya sa Makamaskihan pag Diyus? Manawag aw nguna siya sa kanya sa tanan pag udas?

Hub 41:25

Nu magbangun siya, magkataranta sa kadalaan ti makapangyarihan pag manga tawu.

Hub 42:8

Nakan kainda pagbuul kamu pitu ka tudu baka ag pitu ka karanidu lalaki bag-u pag-atag kamu sa kan Hub, ihandug niyu inda bilang handug pagsunugun para sa kanyu sadili. Mandarangin si Hub para sa kanyu ag dungugun niku kay darangin; balaw niku kamu parusahan angay sa kanyu balaw may namuangan. Unman bay kamu nagbagaw kang-ud tungkul sa kangku parihu sa binuwat ni Hub, kang manugsirbi.”

Hub 6:14

“Bilang manga kakilala niku gustu niku ibahan niyu aku sa inda pag kahamtangan niku, una sa kanyu magbantay pagdayuun niku ti Makamaskihan pag Diyus.

Hub 8:4

Nagsalan kanmu manga anak laban sa Diyus nakan ngani kailangan lang parusahan niya sida.

Kanta 5:3

Sa madlum surip pag-ialistu niku kang sadili hampay mandarangin sa kanmu. Makalawuy darangin niku mag-alagad aku kanmu sagut.

Pag-ighit 18:12

Bag-u nagpakaun si Hitru manga handug pagsunugun ag tuhay waya pag manga handug sa Diyus. Pagka pagbuwatun niya inda, rinmas-ug si Aarun hanggan ti tanan manugpamahala sa Israil. Sinmaru sida sa kan Hitru hampay mangaun sa atubangan Diyus.

Pag-ighit 19:10

magkun waya ti Panginuun sa kanya, “Atiha nimu ti manga tawu ag sabiha sa kanda lumpiyuha kanda sadili taynguna hanggan aldaw. Kailangan pipian nida kanda manga rutay.

Pag-ighit 24:5

Bag-u sinugu niya ti manga kalay-awan lalaki hampay manhandug sa Panginuun manga handug pagsunugun ag manhandug diman manga tudu baka handug sa mayad pag pakiusa.

Manugtudlu 9:10

Buwata nimu buu kabisugan kanmu pagbuwatun, dahil ati sa ulian manga namatay, nu naan kawu tabug, unman yi may tarabahu. Udyi may manga paggayakun ati, ag unman diman may kadunungan ag kaalaman.

Hirimyas 4:14

“Manga taga Hirusalim, lumpiyuha niyu ti kadautan sa kanyu tagipusuun hampay maribri kamu. Tugka kapira kamu mag-isip sa daut?

Isikil 14:14

Una kaibahan waya nida asan si Nuwi, si Danyil, ag si Hub, sida lang ti maribri dahil sa kanda pagkamatadlung. Aku, ti Panginuun Diyus, ti magbagaw inda.

Lukas 1:75

Ipinasaman niya kita ginan sa kalibutan hampay banal ag matadlung sa kay magbantay, hanggan waya kita magkabuhi.

Lukas 18:7

Unman aw lugud awatan Diyus kay manga pinili hampay may matarung sida dahil magdangup sida sa kanya sirang yabi?

Huwan 11:55

Ati katpung arani yi ti Kapistahan sa Pag-alaala sa Karibrihan. Una naan ginan pag manga rugar mayamu tawu nag-ati sa Hirusalim hampay tupadun nida ti manga ibinilin sa Kasuguan agud malumpiyu sida sa kay magbantay Diyus bag-u magpista.

Binwat 21:26

Nakan pagka sa usa ka sirang, tinaban ni Pablu tunda pag manga lalaki bag-u tinupad nida ti kailangan buwatun hampay malumpiyu sida sa kay magbantay Diyus. Pagka nitupad yi ni Pablu tunda bag-u sinmaka siya sa Balay Diyus hampay magpaalam nu kapira pag matapus ti taning pag udas sa paglumpiyu bag-u ihandug yi nida sa Diyus kanda manga hayup matyun sunugun tungkul sa kada usa sa kanda.

Binwat 8:22

Nakan ngani kailangan iampu nimu inda pag kadautan. Pagdarangin duy kawu sa Panginuun hampay patawadun niya kawu sa inda pag daut kagustuhan nimu naisipan.

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

2 Kurintu 11:2

Aku hanggan ga sa Diyus kang mag-irang sa kanyu tabug sa kasalanan. Parihu kamu ga usa ka daraga mabuut, kang itinaratu sa usa ka lalaki, sa kan Kiristu ngani hampay siya ga kanyu asawa.

Ipisu 6:18

Tanan-tanan inda buwata niyu pag may darangin paghagad awat sa Panginuun. Pagdarangin kamu sa kada udas angay sa kay udyuk Ispiritu Banal. Nakan ngani pagpirmi gid kamu alistu, dag-apas kamu sa darangin sa tanan manga nasakup sa Diyus.

1 Samwil 16:5

Sinmagut si Samwil, “Hu, nag-ataytag aku hampay manhandug sa Panginuun. Lumpiyuha niyu kanyu sadili hampay umatubang sa kanya ag pagkuyug kamu sa kangku hampay minsan kita manhandug sa Panginuun.” Bag-u binwat ni Samwil ti buruwatun para sa paglumpiyu sa kan Isai kaibahan kay manga anak ag kinmuyug diman sida sa paghandug.