Hub 1:21 - Hanunuu

²¹ Magkun siya, “Iinanak aku unman may dara ag mamatay diman aku unman may dara. Ti Panginuun ti nag-ayaw una hintay pag kasiyunan niku, ag ti Panginuun diman ti bum-ul inda. Dayawun gid ti ngaran Panginuun!”

Hub 1:21 Iomraidhean Croise

Gimpuunan 3:19

Kailangan magbudlay gid kawu sa hustu agud may makaun, tugka sa bumalik kawu sa daga sa kanmu gininanan. Dahil ginan kawu sa daga, sa daga diman kawu pag bumalik.”

Gimpuunan 30:2

Nangisug si Hakub sa kanya ag magkun, “Hayga, Diyus aw aku? Siya ti nagpasya balaw kawu magkaanak.”

Gimpuunan 45:5

Taynguna, danga kamu magkataranta ag danga niyu pagsisiha kanyu sadili sa kanyu binwat sa kangku, dahil ti Diyus imaw ti nagpadara sa kangku atay hampay iribri kanyu buhi.

2 Samwil 16:12

Barang makitan Panginuun kang magkakurian, ag balusan niya kaayadan kang magkalakawan kakurian taynguna.”

1 Hari 12:15

Nakan unman pinakidnugan hari ti manga tawu, ipinahintulut inda Diyus hampay matupad kay pagsabihun sa kan Hirubuam, kay anak ni Nabat, sa panab-anan ni Ahiyas taga Silu.

2 Hari 20:19

Nag-isip si Isikyas balaw inda mangyari sa kanya pag timpu nu unman bumaliw mahusay ag unman may dilikadu habang buhi waya siya. Nakan magsabi siya sa kan Isayas, “Mayad tunda ti sinabi Panginuun ti binagaw nimu sa kangku.”

Nihimyas 9:5

Ti manga nagtawag pag Libita sa manga tawu hampay sumamba sida ni: Hisuwa, ni Kadmiyil, ni Bani, ni Hasabniya, ni Siribya, ni Hudiya, ni Sibanyas ag ni Pitahiyas. Magkun sida, “Pagtindug kamu ag dayawun ti Panginuun niyu Diyus magkabuhi sa unman may katapusan!” Bag-u magkun sida, “Panginuun, kadayaw-dayaw kanmu kamaskihan! Unman inda matupngan nimi pagdayaw.

Hub 1:11

Dapat malu bul-a nimu tunda tanan sa kanya, pihu saadan gid niya kawu.”

Hub 2:10

Sinmagut si Hub, “Magpakabagaw lang kawu sa unman may pulus. Kay lunsay mayad lang aw lugud pag bagay ti tanggapun nita ginan sa Diyus bag-u dayu kay daut?” Dapat una katida ti nangyari, balaw gid nagsalan si Hub sa pagbagaw daut.

Hub 9:12

Nu may gustu siya bul-un unman may makaampara sa kanya. Si unu lugud ti makariklamu sa manga pagbuwatun niya?

Kanta 34:1

Dayawun niku pirmi ti Panginuun; balaw umapas kang pagdayaw sa kanya.

Kanta 34:2

Ipadayaw niku ti Panginuun, ag kamu pag manga pag-api-apihun pagpatingi ag pagbaya.

Kanta 39:9

Manidungan yi lang aku; balaw yi lang aku manriklamu, dahil kawu ti magpakuri sa kangku.

Kanta 49:17

Dahil balaw nida inda madara nu mamatay sida; kanda kayamanan balaw nida madara sa lulubngan.

Manugtudlu 12:7

Nu katunda, bumalik kawu sa daga nu naan kawu ginan, ag kanmu ispiritu bumabalik sa Diyus imaw ti nagpakaun inda.

Manugtudlu 5:14

ngatay madura inda sa unman mayad pag nigusyu, ag unman yi may masawad para sa kay manga anak.

Manugtudlu 5:15

Inanak kita unman may dara, ag mamatay kita unman diman may dara. Unman gid kita may madara sa kanta manga binudlayan.

Manugtudlu 5:19

Pinakan-an Diyus ti tawu manga kasiyunan ag tuhay waya pag kayamanan, ag pinahintulutan niya siya kuminabang inda, hampay matanggap niya ti para sa kanya ag manpakasulung siya sa kay binudlayan. Pakaun inda Diyus sa kanya.

Isayas 24:15

Nakan kailangan diman dayawun manga tawu sa butlakan hanggan manga rugar arani sa dagat ti Panginuun, ti Diyus Israil.

Isayas 42:24

Si unu ti nagpakaun pahintulut takawan ag agawan kasiyunan ti Israil? Unman aw ti Panginuun, siya ti pinagkasaraan nita? Dahil balaw nita sinunud kay manga palakaw hanggan kasuguan.

Isayas 45:7

Aku ti naglalang rayaw hanggan dulum. Aku tig padara kaayadan ag kadamhakan. Aku, ti Panginuun, ti nagbuwat sa tanan.

Karukuan 3:38

Unman aw ti Kaabwat-abwatan pag Diyus ti mag-udyuk nu mangyari ti usa ka daut ngatay mayad pag bagay?

Amus 3:6

Balaw aw lugud pagtakigan sa kadalaan ti manga tawu kada patunugun ti budyung sa pagpasandam may manga kalaban maggira? Nu rumas-ug ti kadamhakan sa usa ka banwa, unman aw ti Panginuun ti nagpadara tunda?

Matiyu 20:15

Unman aw aku madunung diman kang kagustuhan tungkul sa kang sadili kasiyunan? Maghirak aw kawu sa kanmu magbantay sa kangku dahil aku balaw mairang?’

Binwat 4:28

Binwat nida tunda angay sa kanmu kagustuhan mangyari, ti daan ihinanda nimu pag gayak.

Ipisu 5:20

Pirmi kamu pagpasalamat sa Diyus Ama tungkul sa tanan bagay sa kay ngaran nita Panginuun Hisu-Kiristu.

1 Tisalunika 5:18

Una hintay ti mangyari pagpasalamat kamu sa Diyus. Dahil katida kay gustu Diyus kanyu buwatun nu kamu magpakiusa sa kan Kiristu Hisus.

1 Timutiyu 6:7

Unman kita may dara una hintay sa kanta pagkalusad sitay sa babaw daga, unman diman waydi kita may madara sa kanta pag-ighit sitay ginan.

Santiyagu 1:17

Kada mayad hanggan kang-ud pag pakaun pasay ginan sa langit, ginan sa Ama, sa naglalang sa manga init, bulan hanggan pamgasan sa langit. Balaw siya magkauman. Kay karayawan dayu bumaliw kadudulman.

Santiyagu 5:11

Pagkumnun nita mapalad ti manga matiniisun. Alam yi niyu si Hub matiniisun. Naalaman diman waydi niyu kay binwat Panginuun sa kanya pagka nakalawuy ti kakurian. Siti pag makilala nita kuntay ti Panginuun mapinasunaidun ag maawaun.

Rut 1:21

Pag-ighit niku sitay ginan atay yi sa kangku ti tanan, dapat ibinalik aku Panginuun unman gid may imaw. Nakan danga yi niyu aku pagtawaga Nuymi, dahil pinakurianan aku Panginuun Makamaskihan.”

1 Samwil 2:7

Siya diman ti magpapugri ngatay magpayaman sa tawu. Pag-ipaababa niya ti iba, ti iba kay pag-ipaabwat.

1 Samwil 2:8

Pagbangunun niya ginan sa kakurian ti manga makuri. Pag-ipatukaw niya sida kaibahan manga kilala pag manga tawu bag-u pagdayawun. Siya ti may apu paratukawan kalibutan.

1 Samwil 3:18

Itinultul ngani ni Samwil ti tanan sinabi sa kanya. Unman gid siya may ilinihim. Bag-u magkun si Ili, “Siya ti Panginuun. Buwatun niya nu hintay ti mayad sa kay magbantay.”