Hub 1:10 - Hanunuu

¹⁰ Pag-alagaan nimu siya hanggan kay magtal-anakan, kaibahan yi ti tanan niya manga kasiyunan. Pagpapaladan nimu una hintay kay pagbuwatun niya. Nakan lalu di gid mag-amat magyamu kay manga hayup sa buu daga.

Hub 1:10 Iomraidhean Croise

Gimpuunan 15:1

Pagkalawuy ati, nagbagaw ti Panginuun sa kan Abram sa panab-anan tagin-up. Magkun siya, “Abram, danga kawu magkadala dahil aku ti mag-alaga sa kanmu ag pakan-an niku kawu daka pag pirimyu.”

Gimpuunan 26:12

Sa tunda diman pag timpu nantanum si Isaak sa ati pag rugar ag nakaani siya 100 ka ulit, dahil pinapaladan siya Panginuun.

Gimpuunan 30:30

Sa kang magras-ug sitaay, pira-pira wata kanmu manga hayup, dapat taynguna mayamu yi, dahil pinapaladan kawu Panginuun dahil sa kangku. Taynguna, kailangan yi siguru aku magsikap para sa kang sadili magtal-anakan.”

Gimpuunan 30:43

Sa panab-anan tunda, nagyaman gid si Hakub. Yinmamu kay manga hayup hanggan kay manga kamilyu ag asnu. Yinmamu diman hanggan kay suruguun lalaki ag babayi.

Gimpuunan 39:5

Ginan sa umpisa si Husi ti magpamahala, pinapaladan Panginuun ti magtal-anakan niya amu, si Putipar taga Ihiptu hanggan ti tanan kasiyunan niya sa kay balay ag tanman. Binwat inda Panginuun dahil sa kan Husi.

Gimpuunan 49:25

Siya ti Makamaskihan pag Diyus niyu manga ginurang, ti mag-awat ag magpapalad sa kanmu. Papaladan niya kawu uran ag danum sa manga bulbugan. Ag pakan-an niya kawu mayamu pag anak hanggan hayup.

Hub 1:3

May 7,000 siya ka karanidu, 3,000 kay kamilyu, bag-u 500 mag-asawa baka, ag 500 kay asnu babayi. Mayamu diman kay suruguun. Siya ti pinakamayaman sa tanan tawu baliwa sa butlakan daga Israil.

Hub 29:2

“Nu maibalik lang mana ti manga nakalawuy pag manga sirang niku katpung pag-alagaan waya aku Diyus,

Hub 29:6

Kaybi pag udas, kang manga baka magkabul-an waya mayamu gid pag gatas, ag kang manga tanum ulibu magkabul-an waya mayamu gid pag lana ulibu.

Hub 31:25

Unman aku magpadayaw sa kang mayamu pag kayamanan hanggan sa tanan pag kasiyunan magkaapu niku.

Hub 42:12

Nakan pinapaladan Panginuun ti uryan pag buhi ni Hub subra waya kaysa kabag-u. Pinakan-an niya siya 14,000 karanidu, 6,000 kamilyu, 1,000 mag-asawa baka, ag 1,000 babayi asnu.

Kanta 107:38

Pagpapaladan sida Diyus, ag magyamu gid sida. Una kanda manga hayup balaw niya pagpahintulutan pumira.

Kanta 34:7

Ti anghil Panginuun magbantay sa manga maggalang sa Panginuun, ag pag-iribri niya sida sa kadamhakan.

Kanta 5:12

Dahil pagpapaladan nimu, Panginuun, ti manga matadlung. Kanmu pagmahal mag-alaga sa kanda parihu sa panangga.

Kanta 71:21

Buwatun nimu aku mas lalu waya kilala, ag pasulungun maan nimu aku.

Kanta 80:12

Diyus, dapat hayga dinaut nimu kay manga alad batu sa tunda pag ubasan? Nakan pagtakawun tanan lumalawuy inda kay manga burak.

Kanta 90:17

Panginuun nimi Diyus, mana papaladan nimu kami ag pakan-an kapanaluhan sa tanan nimi manga pagbuwatun.

Kabagawan 10:22

Magyaman ti tawu dahil sa pagpapaladan Panginuun, ag balaw may midugang sa kay magpangabudlay.

Isayas 5:2

Inaradu niya inda, ipinasaruy di ti manga batu, ag tinanuman pinakamayad gid pag ubas. Namatindug siya usa ka barantayan pag bantayaw sa inda pag ubasan, ag namabuwat pirigsan ubas sa batu. Siyun gin, mag-alagad siya mamurak inda matagsing, pat-ay namurak inda maaslum.

Isayas 5:5

“Sabihun niku sa kanyu ti buwatun niku sa kang ubasan. Bul-un niku ti manga halaman sa kay sangput magsirbi alad sa ubasan ag dautun niku kay alad batu hampay kan-un ag tatatataan manga hayup ti manga tanum ubas.

Sakaryas 2:5

Magkun ti Panginuun siya gid ngap ti bumaliw apuy pag alad sa palibut banwa Hirusalim, ag siya diman ti bumaliw kapangyarihan sa inda pag banwa.”

Sakaryas 2:8

Pagka nakitan niku ti manga ipinakakit tida, sinugu aku Panginuun mamagaw laban sa manga nasyun naggira ag nagbuul sa kanyu manga kasiyunan. Dahil una si unu ti bumuwat daut sa kanyu, ga magbuwat diman daut sa mahal pag Panginuun. Inda ti pagsabihun Panginuun Makamaskihan laban sa ati pag manga nasyun:

Diyuturunumiyu 33:11

Panginuun, papaladan nimu sida, ag mana magbaya kawu sa tanan nida pagbuwatun. Padamhakan kanda manga kalaban hampay balaw yi makabangun uman.”

Diyuturunumiyu 33:27

Ti unman may katapusan pag Diyus imaw ti kanyu darangpan; pag-alagaan niya kamu sa kay unman may katapusan pag kamaskihan. Ipatabug niya sa kanyu ti manga kalaban niyu, bag-u isugu niya sa kanyu padamhakan sida.

Diyuturunumiyu 7:13

Mahalun ngani niya kamu, papaladan ag payamuun. Pakan-an niya kamu mayamu pag manga anak, paabundahun kanyu manga ani sa kanyu daga: kanyu manga tirigu, irinmun ubas hanggan lana ulibu. Payamuun niya kanyu manga hayup ati sa kay itinaratu pag daga iayaw sa kanyu manga ginurang hanggan diman sa kanyu.

1 Pidru 1:5

Sinmarig kamu, nakan kay kamaskihan Diyus tig-ingat sa kanyu hanggan sa udwaya matanggap niyu ti karibrihan kay itinigana Diyus hampay ipaburayhaw nu katapusan yi panahun aban.

1 Samwil 25:16

Binantayan nida kami yabi ag sirang mintaras magbantay kami karanidu.