Hirimyas 9:4 - Hanunuu

⁴ “Pag-aman kamu sa kanyu kaparihu, danga kamu magpaniwala sa kanyu manga katawuhan, dahil ti kada usa magdaya ag maglibak sa kay kaparihu.

Hirimyas 9:4 Iomraidhean Croise

Gimpuunan 32:28

Magkun ti tawu, “Kainda ginan balaw yi Hakub kanmu ngaran nu unman Israil yi dahil nandumug kawu sa Diyus hanggan sa manga tawu, ag kawu nanalu.”

Kanta 101:5

Rurisun niku una si unu ti magpuya sa kay kaparihu. Balaw niku pasnuan ti manga buwat manga padayaw-dayaw hanggan palabi-labihun.

Kanta 15:3

Unman siya maglibak sa iba, unman siya magbuwat ngatay magbagaw daut sa kay kaparihu.

Kabagawan 10:18

Pudilun ti tawu magtagu kay pangagalit, ag kurang sa intindi ti maglibak.

Kabagawan 25:18

Ti tawu magkastigus kapudilan laban sa kay kaparihu makapadamhak parihu sa baladaw, sa pamakul, ag sa pamana.

Kabagawan 4:16

Dahil unman sida makaturug nu unman sida makabwat daut ngatay maipadamhak ti iba.

Kabagawan 4:17

Ti kadautan hanggan pagpuya ga karan-unun ag irinmun para sa kanda.

Kabagawan 6:16

May unum ngatay pitu ka kalasi buruwatun tawu ti pagkagalitan ag pagkadat-an Panginuun:

Kabagawan 6:19

ti magkastigus kapudilan, ag ti magpaaway sa kay kaparihu.

Isayas 59:13

Naglaban kita ag naglabag sa Panginuun. Binugyahan nita kanta Diyus. Pag-apihun nita ag paglugihun kanta kaparihu. Pagpinsaran nita mayad nu kabitay kita makabagaw kapudilan.

Isayas 9:16

Ti manga magtakinan sa nasakupan Israil ti manga manugdaya sa kanda, nakan magtalang ti manga nasakupan.

Hirimyas 12:6

Una kanmu manga patar-ari hanggan katawuhan nagdaya sa kanmu. Maggayak daut sida laban sa kanmu. Danga kawu magpaniwala sa kanda una mayad kanda pagsabihun.

Hirimyas 6:28

Malaban sida tanan ag maraganit kanda ulu, kay kaganit ga galang ag baul. Magpamuya ag magpanluku sida sa kanda kaparihu.

Hirimyas 9:8

Kanda dila ga ugyung makamatay. Lunsay yi lang pandaya kanda pagsabihun. Maghampang sida mayad sa kanda kaparihu dapat kanda tagipusuun daut ti paggayakun.

Isikil 22:9

May manga tawu asan sa kanmu magpamudil hampay ipamatay ti iba. May imaw diman magkaun manga handug sa manga diyus-diyusan sa manga simbahan sa manga bantud hanggan mahalay pag buwat.

Libitiku 19:16

Danga kamu maglilibakan sa kanyu kaparihu. Danga kamu magbuwat una hintay pag ikadamhak niyu kaparihu. Aku ti Panginuun.

Malakyas 2:10

Magkun si Malakyas sa manga Israilita, “Kabay kita tanan may usa lang ka ama? Unman aw usa lang ka Diyus ti naglalang sa kanta? Hayga bati nandarayaan kita sa usa kag sa usa? Sa inda pag binwat nita, pagduraun nita ti taratu Diyus sa kanta manga ginurang.

Matiyu 10:17

Pag-aman kamu, dahil dakpun kamu manga tawu bag-u darahun tag sa Katipunan manga Pinunu. Litusun nida kamu sa simbahan manga Hudiyu.

Matiyu 10:21

“Sa ati pag manga sirang, itudlu kay patar-ari tabug sa kalaban agud matyun. Katunda diman ti buwatun aban ama sa kay anak. Labanan manga anak kanda manga gurang kanda ipamatay.

Lukas 21:16

Dapat una kanyu manga gurang, una manga patar-ari, una manga katawuhan, una manga mayad pag kakilala pumakampi ngap sa kalaban bag-u kamu kanda itudlu. Ti iba sa kanyu ipamatay nida.

1 Tisalunika 4:6

Danga kamu magbuwat daut ngatay magdaya sa kanyu kaparihu, parihu sa magpanguragin niya asawa. Kanmi yi sinabi ag ipinaalam inda sa kanyu kaybi di waya, dahil parusahan Diyus una si unu ti magbuwat katunda.