Hirimyas 9:24 - Hanunuu

²⁴ Una si unu nu magkaibug magpadayaw, kailangan lang niya ipadayaw kuntay nakilala niya ag magkaintindihan kuntay aku ti Panginuun maawaun ti magbuwat kang-ud ag matadlung sitay sa babaw daga, dahil imaw tida ti pagbayaun niku. Aku, ti Panginuun, ti magsabi inda.”

Hirimyas 9:24 Iomraidhean Croise

Kanta 20:7

Ti iba magsarig sa kanda manga kalisa, ti iba sa kanda manga kabayu, dapat kami magsarig sa Panginuun nimi Diyus.

Kanta 34:2

Ipadayaw niku ti Panginuun, ag kamu pag manga pag-api-apihun pagpatingi ag pagbaya.

Kanta 34:3

Pagkuyug kamu sa kangku sa pagdayaw sa Panginuun; magkausa kita sa pagdayaw sa kanya.

Kanta 44:8

Ipadayaw kawu nimi pirmi, Diyus, ag dayawun nimi sa unman may katapusan.

Kanta 44:9

Dapat kainda, binugyahan yi nimu kami ag pinaababa. Balaw yi nimu pag-ibahan kanmi manga sundalu.

Kanta 51:1

Diyus, kaawai nimu aku, angay sa kanmu pag pagmahal. Payida kang manga kasalanan angay sa kanmu daka pag pangaawa sa kangku.

Kanta 91:14

Magkun ti Diyus, “Iribri niku ag alagaan ti magmahal ag magkilala gid sa kangku.

Kanta 99:4

Makamaskihan siya pag Hari ag magkaibug sa katadlungan. Matadlung kay maghari; kang-ud kay pagbuwatun sa Israil.

Isayas 20:5

Manlubay ag mangay-a ti manga magsarig sa Itiyupya hanggan ti Ihiptu.

Isayas 41:16

Tahupun nimu sida ag ipayag sida durus; wayakun sida mabisug pag durus. Dapat kawu makabaya sa Panginuun; dumayaw kawu sa Banal pag Diyus Israil.

Isayas 45:25

Sa awat Panginuun ti tanan linahi ni Israil makalakaw panalu may katuwiran ag dumayaw sida sa kanya.

Isayas 61:8

“Dahil aku, ti Panginuun, magbaya sa katadlungan. Magkagalit aku sa manga mananakaw ag sa iba pag kadautan. Sa kang katapatan, pirimyuhan niku kang manga nasakupan ag mamwat aku usa ka kasunduan unman may katapusan sa kanda.

Hirimyas 22:16

Inapinan niya ti karampatan manga pugri hanggan ti manga magpangailangan, nakan nagbaliw mayad ti tanan para sa kanya. Katunda ti kang-ud pag magkilala sa kangku.

Hirimyas 4:2

ag nu manumpa kawu sa pangaran lang niku mangabuhi kawu matinupadun, matadlung ag kang-ud, bumaliw papalad kawu sa manga nasyun bag-u dayawun nida aku.”

Mikas 6:8

Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Matiyu 11:27

Pagkatapus, magkun si Hisus sa manga tawu, “Ti tanan bagay ipinabahala niku Ama sa kangku. Unman may nakakilala sa Anak nu unman ti Ama. Ag unman may nakakilala sa Ama nu unman ti Anak ag ti manga tawu gustu Anak makakilala sa Ama.

Lukas 10:22

Ipinabahala niku Ama sa kangku ti tanan manga bagay. Unman may nakakilala sa Anak nu unman ti Ama lang. Unman waydi may nakakilala sa Ama nu unman ti Anak lang, hanggan una hintay ti piliun Anak hampay ipakilala sa kanya ti Ama.”

Huwan 17:3

Inda yi ngani ti ibug sabihun buhi unman may katapusan nu kilalan-un tawu kawu lang ti tutuu gid pag Diyus ag nu kilalan-un niya si Hisu-Kiristu, ti sinugu nimu.

Ruma 5:11

Bukun lang tunda. Magbaya kita dahil sa kanta pakiusa sa Diyus sa panab-anan nita Panginuun Hisu-Kiristu. Dahil ginan sa kanya pinaunyun kita Diyus atag sa kay sadili.

1 Kurintu 1:31

Angay sa isinurat sa Banal Kasuratan magkun, “Nu may magkaibug magdayaw, pagdayaw yi siya sa Panginuun.”

2 Kurintu 10:17

Parihu sa pagsabihun sa Banal Kasuratan magkun, “Una hintay pag tawu nu magkaibug magpadayaw, pagti Panginuun gid kay ipadayaw.”

2 Kurintu 4:6

Dahil Diyus ti nagsabi magkun, “Ginan sa kadudulman pagsinggit ti karayawan.” Siya diman ti nagpakaun rayaw sa kanmi manga naisipan hampay makilala ti kadayawan Diyus mag-akitan sa uyahun ni Kiristu.

Galasya 6:14

Nu bay aku, kay kamatayan lang nita Panginuun Hisu-Kiristu sa kurus ti kang pag-ipakatultul. Dahil ginan sa kamatayan ni Kiristu ti ugali kalibutan bilang ga namatay yi nu sa kangku, ag aku ga namatay yi nu sa ugali kalibutan.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.

1 Samwil 15:22

Dapat nagsagut si Samwil, “Magbaya aw lugud ti Panginuun sa manga handug niyu kaysa pagsunud sa kanya? Ti pagsunud sa Panginuun mas mayad man kaysa manga handug. Ti pagpatingi sa kanya mas mayad man kaysa paghandug manga taba karanidu.