Hirimyas 9:21 - Hanunuu

²¹ Rinmas-ug ti kamatayan sa kanta magtal-anakan hanggan sa mapag-un pag bahagi nita banwa. Minatay ti manga anak magbuybuya sa manga baklayan hanggan ti manga kalay-awan lalaki magtiripnan sa manga buruybuyahan.

Hirimyas 9:21 Iomraidhean Croise

2 Krunika 36:17

Ipinagira niya sida sa manga taga Babilunya. Pinanmatay manga taga Babilunya kanda manga kalay-awan lalaki una sa Balay Diyus. Unman gid sida may pangaawa una sa kantapu, lalaki man ngatay babayi, anak man ngatay gurangun, masakitun man ngatay bukun. Ipinabahala Diyus ti tanan niya nasakupan kan Nabukudunusur.

Isayas 40:30

Una ti manga kalay-awan magkagasa, ngatay magpanlubay ag magkagpu,

Hirimyas 15:7

Parusahan niku kamu ga upa pagtaphun sa manga puwirtahan banwa. Rurisun niku kamu hanggan kanyu manga anak, dahil unman niyu pagpatlikudan kanyu daut ugali.

Hirimyas 18:21

Dapat taynguna, pabay-ani duy nimu mamatay kanda manga anak sa lun-us hanggan sa girahan. Pabay-ani nimu maburanday ti manga babayi ag madura kanda manga anak. Pabay-ani duy nimu mamatay kanda manga lalaki sa sakit hanggan ti manga kalay-awan lalaki sa girahan.

Hirimyas 44:7

“Nakan aku, ti Panginuun Diyus Makamaskihan, ti Diyus Israil magpaingana, ‘Hayga niyu pagdautun kanyu sadili? Gustu aw niyu maruris ti manga tawu sa Huda — ti manga lalaki, ti babayi, ti anak hanggan manga lapsag?

Hirimyas 50:30

Sa ati pag manga sirang, magkaramatay sa manga baklayan ti manga kalay-awan lalaki hanggan ti tanan niya manga sundalu.

Hirimyas 6:11

Masyadu diman ti galit magkaramdaman niku parihu sa Panginuun ag balaw niku maampara.” Magkun ti Panginuun, “Ipadamdam niku kang galit hanggan sa manga anak magbuybuya sa karsada, sa manga kalay-awan lalaki magtiripnan, sa manga may asawa ag hanggan yi sa manga gurangun.

Hirimyas 6:21

Nakan aku, ti Panginuun magsabi kuntay mamauli aku karadayaanan sa lakawan tunda pag manga tawu. Nakan magpu ti manga ama, hanggan kay manga anak lalaki, una ti manga magkakilala ag manga kamalay.”

Hirimyas 7:33

Ti manga bangkay niku nasakupan tindukun manga manuk ag kan-un manga maraisug pag hayup, unman may mamugaw una si unu sa kanda.

Hirimyas 8:2

Bag-u wayakun inda sa daga mabuladan sa init, sa rayaw bulan, ag manga pamgasan kanda pagmahalun, sinirbihan, sinunud, pinaingan-an, ag sinamba. Udyi utru tipunun ti manga but-ul nida una ilubung, nu unman wayakun yi lang sa daga ga ugat.

Huwil 2:9

Pagsalakayun nida ti banwa, pagdaykun waya ti manga alad batu. Pagdaykun waya nida ti manga balay ag maglakaw sa manga gaha ga mananakaw.

Amus 5:2

Ti Israil parihu sa usa ka tugnaw daraga, naplid ag unman yi gid nakabangun uman. Pinabay-anan siya mabugtangan sa kay sadili daga, unman yi gid may nanbangun sa kanya.

Amus 6:9

Nu may sampulu ka tawu masawad sa usa ka balay, sida tanan mamatay diman.

Sipanyas 1:17

Magkun ti Panginuun, “Ipalakaw niku ti kakurian sa manga tawu, ag lumakaw sida parihu sa buta dahil nagkasala sida sa kangku. Bumulus ga danum kanda dugu, ag mabuyuk ga ugat kanda bangkay.