Hirimyas 9:19 - Hanunuu

¹⁹ Patingihi ti manga lulumian sa Hirusalim. Magkun ti manga tawu, ‘Winasak yi kita! Makakaray-a inda ti nangyari sa kanta! Kailangan tayakan yi nita kanta daga dahil winasak yi kanta manga ulian!’ ”

Hirimyas 9:19 Iomraidhean Croise

Isayas 32:9

Kamu pag manga babayi masalimpayaan lang ud may pag-isipun, patingihi niyu kang sabihun sa kanyu! Bag-u matapus ti timpu, mataranta kamu dahil unman yi mamurak ti ubas ag udyi kamu may putihun.

Hirimyas 15:1

Magkun sa kangku ti Panginuun, “Una sida ni Muysis ni Samwil waya ti mamakiawa sa kangku para sa inda pag manga tawu, balaw gid niku sida kaawaan. Nakan pakarayuan nimu sida sa kangku. Paighita nimu sida!

Hirimyas 2:14

Ti Israil balaw iinanak panawuhun. Hayga pagsibaun siya manga kalaban?

Hirimyas 4:13

Bantayi niyu! Magras-ug ti manga kalaban nita ga manga rurum. Kay manga kalisa niya ga buhawi kay manga kabayu niya maliksi waya kaysa manga agila. Kaawaawa gid kita! Inda yi kanta katugkaan!

Hirimyas 4:20

Dasun-dasun yi rinmas-ug ti kadamhakan. Tanan rugar nawayak. Hanggan kang manga turda kadaka nagba ag nagisi kay manga patakip.

Hirimyas 7:15

Kamu palayasun niku ginan sa kang atubangan parihu sa binwat niku sa manga katawuhan niyu, ti nasakupan Israil.’

Hirimyas 7:19

Dapat aku aw ngani ti kanda pagsaktan? Bukun! Kanda di waydi sadili ti pagsaktan ag ti pag-ipauli sa makakaray-a.”

Hirimyas 7:29

Manga taga Hirusalim, pakalbuhan kanyu manga buhuk bag-u yamtan hampay ipakakit kanyu karukuan. Panlumi kamu ati sa arabwat pag rugar, dahil binugyahan ag pinabay-anan Panginuun kanyu manga linahi, ti nagpagalit sa kanya.”

Karukuan 4:15

Pagringgitan sida manga tawu, “Pagpakarayu kamu! Manga mayagting kamu! Danga niyu kami paglabuta.” Nakan nagpalagiw sida ag una naan yi lang sida pag nasyun nag-atag; dapat unman gid may nagtanggap sa kanda.

Karukuan 5:2

Kanmi manga daga hanggan manga balay bin-ul manga day-uhan.

Isikil 27:2

“Anak tawu, manhinangbitun kawu tungkul sa Tiru,

Libitiku 18:25

Una tunda pag daga nayagtingan dahil sa kanda binwat, nakan pinadaran-an niku manga sarut tunda pag daga hampay mighit sida siyun ginan. Dapat kamu pag manga Israilita hanggan pag manga day-uhan mag-ulian kaibahan niyu, danga gid niyu pagbuwata ti mayagting pag manga bagay, bagkus ngap tupadun gid niyu kang manga surundanun hanggan manga kasuguan. Dahil nu yagtingan diman niyu ti daga sa pagbuwat mahalay, paighitun diman niku kamu siyun ginan pag daga parihu sa manga tawu un-an man sa kanyu.

Libitiku 20:22

Tupada niyu ti tanan niku manga surundanun hanggan manga sugu hampay dayu kamu mapaighit sa daga inalistu niku sa kanyu imaw kanyu ulian.

Mikas 2:10

Nakan kainda, pag-ighit yi kamu sitay ginan sa Israil dahil inda pag rugar unman yi makapakaun kahusayan sa kanyu. Dahil inuringan niyu inda niyu manga kasalanan. Madaut inda pag banwa ag udyi makinabangan.

Mikas 2:4

Sa ati pag sirang, puyaan kamu manga tawu sa panab-anan maruku pag sanglitan, ‘Lubus yi kami naruris! Bin-ul Panginuun kanmi manga daga bag-u inayaw sa manga maradaya.’ ”

Diyuturunumiyu 28:29

Mangarapgap kamu una sirang parihu sa usa ka buta. Udyi kamu mag-unlad una hintay kanyu buwatun. Pirmi kamu apihun ag takawan, bag-u unman may mangawat sa kanyu.