Hirimyas 9:18 - Hanunuu

¹⁸ Kadali gid sida pag-atag hampay lumian kang manga nasakupan tugka sa bumulus kanda luwa.

Hirimyas 9:18 Iomraidhean Croise

Kanta 119:136

Masyadu gid kang maglumi dahil unman pagsundun manga tawu kanmu kasuguan.

Isayas 22:4

Pabay-ani niyu aku manlumi para sa kang manga kasimanwa namatay. Danga niyu aku paglibanga.

Hirimyas 13:17

Dapat nu dayu waya gid mamatingi kamu, manlumi aku sa lihim dahil sa kanyu magpadayaw. Manlumi aku kabisug bumulus kang manga luwa dahil bihagun ti manga pinili Panginuun.

Hirimyas 14:17

“Hirimyas, sabihun nimu inda sa manga tawu: Sirang yabi, unman may apas kang maglumi dahil garabi ti biyag niku manga nasakupan kang pagkilalan-un tugnaw pag anak, ag tutuu gid magkasaktan aku.

Hirimyas 3:24

Ginan waya sa kanmi pag kaanak, ti manga makakaray-a pag diyus-diyusan imaw ti namakinabang sa manga binudlayan nimi manga kaumputan. Bin-ul kanda manga hayup hanggan kanda manga anak.

Hirimyas 3:25

Kailangan ngani duy kami patagu dahil sa kay-a dahil kami hanggan kanmi manga ginurang nagsalan sa kanmu, Panginuun nimi Diyus. Ginan waya sa pagkaanak nimi tugka kainda, unman duy kami sinmunud sa kanmu.”

Hirimyas 4:20

Dasun-dasun yi rinmas-ug ti kadamhakan. Tanan rugar nawayak. Hanggan kang manga turda kadaka nagba ag nagisi kay manga patakip.

Hirimyas 6:26

Manga kasimanwa, pagsulung kamu rutay panhimanglaw, ag pagpalilid sa dapug hampay ipakakit kanyu karukuan. Paglumi kamu ga namatay kanyu bugtung anak lalaki. Dahil kadaka kita girahun kalaban.

Hirimyas 7:29

Manga taga Hirusalim, pakalbuhan kanyu manga buhuk bag-u yamtan hampay ipakakit kanyu karukuan. Panlumi kamu ati sa arabwat pag rugar, dahil binugyahan ag pinabay-anan Panginuun kanyu manga linahi, ti nagpagalit sa kanya.”

Hirimyas 9:1

“Nu bubun lang mana danum kang ulu, ag kang manga mata bulbugan luwa, manlumi aku sirang yabi para sa namatay pag manga kasimanwa niku.

Hirimyas 9:10

Magkun si Hirimyas: Manlumi gid aku kabisug para sa manga kabantudan ag mangamiraw aku para sa manga pasturan. Dahil mapanglaw yi inda ag unman yi gid may maglakaw. Udyi may madnugan mag-inga manga baka, nighit yi ti manga manuk hanggan ti manga hayup.

Hirimyas 9:20

Taynguna, kamu pag manga babayi, patingihi niyu ti pagsabihun Panginuun. Patingihi gid niyu inda kaayad. Tudlui niyu kanyu manga anak babayi hanggan kanyu kaparihu kuntay paglumi hanggan pag-amiraw.

Karukuan 1:2

Parihu siya sa babayi magpakalumi buu yabi; kay manga luwa magbulus sa kay uyahun. Unman gid una di usa sa kay manga aguman lalaki ti nagpasulung sa kanya. Dinaya siya niya tanan kakilala ag nagbaliw kalaban niya sida.

Karukuan 2:11

Nagkarabaga kang manga mata sa lumi. Masakit kang mag-asaydan. Ga mabka kang dubdub dahil sa kadamhakan niku kasimanwa. Nagkaralipung sa manga karsada banwa ti manga anak hanggan ti manga lapsag.

Karukuan 2:13

Manga nasakupan Hirusalim, unu nguna ti masabi niku sa kanyu? Sa unu niku pag-ipaparihu kanyu kakurian? Kanyu biyag ga parihu sa dagat kay kaabasad. Kabitay niku kamu mapabisug? Si unu nguna ti pumaayad sa kanyu?

Karukuan 2:18

Manga nasakupan Hirusalim, pagtawag kamu sa Panginuun. Sirang yabi, pabulusan kanyu luwa, parihu sa sapa. Danga kamu mag-apas sa lumi.

Karukuan 3:48

Magbulus kang manga luwa dahil nidamhak kang manga kasimanwa.

Amus 5:16

Nakan inda ti pagsabihun Panginuun Diyus Makamaskihan: “Rumas-ug ti kaudasan masaydan ti manga lulumian hanggan aramirawan sa kanyu manga baklayan ag manga buruybuyahan. Ti manga manugtanman tawagan hampay manlumi sa manga namatay kaibahan manga tawu inupahan hampay manlumi.

Lukas 19:41

Pagka arani yi si Hisus ag magkaalantaw niya ti banwa Hirusalim, linumian niya ti banwa,