Hirimyas 9:16 - Hanunuu

¹⁶ Bululagun niku sida una naan pag nasyun sa balaw nida magkakilala una manga kaumputan nida. Mamadara aku gurupu man-gira sa kanda hampay lubus sida maruris.”

Hirimyas 9:16 Iomraidhean Croise

Nihimyas 1:8

“Alalahana duy nimu kanmu sinabi kaybi sa kan Muysis magkun: ‘Nu kamu pag manga Israilita balaw magmatinupadun sa kangku, wayakun niku kamu sa tuhay-tuhay pag manga nasyun.

Kanta 106:27

ag wayakun niya kanda manga linahi sa tuhay pag manga nasyun nu naan magkaramatay sida.

Manugtudlu 12:5

Magkadala yi kawu magdayik sa abwat pag rugar ngatay maglakaw usa-usa sa karsada. Manlagti yi kanmu manga buhuk ag madura yi kanmu kabisugan hanggan manga pagkaibgan. Aban sa uryan, atabug yi kawu sa kanmu ulian unman may katapusan, ag mayamu ti manrukuan sa kanmu sa manga karsada.

Hirimyas 13:24

Magkun ti Panginuun, “Wayakun niku kamu parihu sa upa pag-ipayag durus ginan sa pangawakawaan. Tunda ti patabgan niyu. Buwatun niku inda sa kanyu dahil kinalimtan niyu aku ag nagsarig kamu sa manga diyus-diyusan.

Hirimyas 24:10

Padaran-an niku sida gira, lun-us ag sakit tugka sa mamatay sida sa daga ipinakaun niku sa kanda hanggan sa manga kagurangan nida.”

Hirimyas 25:27

Bag-u magkun sa kangku ti Panginuun, “Sabihun nimu sa inda pag manga nasyun kuntay aku, ti Panginuun Makamaskihan, ti Diyus Israil, magsabi: ‘Sigi, pag-inum kamu sa ungut pangagalit niku tugka sa malangu, mansuka, ag maplid kamu, ag udyi makabangun dahil padarahan niku kamu girahan.’

Hirimyas 29:17

Padaran-an niku sida girahan, lun-us ag sakit. Miparihu sida sa lugu igus sida unman makaun.

Hirimyas 44:27

Dahil bagkus ngap dahanan niku kamu hampay sa ikaayad niyu, ipadamhak niku kamu. Magkaramatay kamu atay sa Ihiptu sa girahan ngatay lun-us tugka sa matabu kamu tanan.

Hirimyas 7:29

Manga taga Hirusalim, pakalbuhan kanyu manga buhuk bag-u yamtan hampay ipakakit kanyu karukuan. Panlumi kamu ati sa arabwat pag rugar, dahil binugyahan ag pinabay-anan Panginuun kanyu manga linahi, ti nagpagalit sa kanya.”

Hirimyas 8:19

Patingihi niyu ti lulumian manga kasimanwa niku kuntay mag-adnugan inda sa buu daga. Magkun sida, “Unman yi aw lugud ti Panginuun sa Hirusalim? Unman yi aw lugud ati ti Diyus, ti Hari sa Hirusalim?” Sinmagut ti Panginuun, “Hayga niyu aku ginalit sa panab-anan niyu pagsamba sa manga diyus-diyusan unman may pulus?”

Isikil 11:17

Nakan aku, ti Panginuun Diyus, magbagaw magkun tipunun niku kamu ginan sa manga nasyun nu naan pag nagkarawayak kamu, ag ipakaun maan niku sa kanyu ti daga Israil.

Isikil 12:15

Ag nu wayakun yi niku sida sa manga nasyun, maalaman nida aku ti Panginuun.

Isikil 14:17

“Ngatay nangus, padaran-an niku gira inda pag nasyun hampay panmatyun kay manga nasakupan hanggan manga hayup.

Isikil 20:23

Dapat nagsumpa aku sa kanda ati sa pangawakawaan wayakun niku sida sa tuhay-tuhay pag manga nasyun,

Isikil 27:2

“Anak tawu, manhinangbitun kawu tungkul sa Tiru,

Isikil 5:12

Tungaun niku kamu sa tulu ka bahagi. Kay usa ka bahagi magkaramatay sa panab-anan lun-us hanggan manga durungugun siyun sa banwa. Kay usa waya ka bahagi magkaramatay sa panab-anan baladaw sa luwas banwa. Ag ti masawad pag bahagi sarwagan sa durus, wayakun niku sa buu kalibutan, ag lagsun sida niku baladaw.

Isikil 5:2

Kay un-an pag bahagi ipauli nimu sa daga pinaganit kanmu ginuhitan Hirusalim, paulian kay usa ka bahagi buhuk sa daga pinaganit, ag sunuga inda siyun sa karaw-an banwa. Paulian kay usa ka bahagi sa palibut banwa ag pamulud-puluda nimu baladaw. Kay nasawad pag bahagi sarwagan sa durus, dahil kalatun niku kang nasakupan sa panab-anan baladaw.

Libitiku 26:33

Padaran-an niku kamu gira imaw ti gumuba sa kanyu manga banwa. Kalatun niku kamu tabug sa iba pag manga nasyun, bag-u bumaliw mapanglaw kanyu daga.

Amus 5:16

Nakan inda ti pagsabihun Panginuun Diyus Makamaskihan: “Rumas-ug ti kaudasan masaydan ti manga lulumian hanggan aramirawan sa kanyu manga baklayan ag manga buruybuyahan. Ti manga manugtanman tawagan hampay manlumi sa manga namatay kaibahan manga tawu inupahan hampay manlumi.

Mikas 2:4

Sa ati pag sirang, puyaan kamu manga tawu sa panab-anan maruku pag sanglitan, ‘Lubus yi kami naruris! Bin-ul Panginuun kanmi manga daga bag-u inayaw sa manga maradaya.’ ”

Sakaryas 7:14

Parihu aku sa buhawi manwayak sa kanda sa tuhay-tuhay pag rugar sa unman waya nida naatagan. Tinayakan yi nida kanda marinu pag daga tugka sa udyi nida inda mapakinabangan ag udyi maulian.”

Diyuturunumiyu 28:25

“Ipatalu kamu Panginuun sa kanyu manga kalaban. Magkarausa kamu man-gira sa kanda, dapat mamululagan kamu malagiw ginan sa kanda. Kadat-an kamu tanan kaharian sa kalibutan.

Diyuturunumiyu 28:36

“Kamu hanggan kanyu pinili pag hari ipabihag Panginuun sa balaw niyu kilala pag nasyun una niyu manga ginurang. Ati pag mansamba kamu sa iba pag manga diyus buwat sa kayu ag batu.

Diyuturunumiyu 28:64

“Wayakun kamu Panginuun sa tanan nasyun, sa kada suuk kalibutan. Ag ati pag mansamba kamu sa iba pag manga diyus buwat sa kayu ag batu, balaw niyu kilala una niyu manga ginurang.

Diyuturunumiyu 32:26

Nagbagaw aku wayakun niku sida tugka sa balaw yi sida maalaman sa kalibutan.

Diyuturunumiyu 4:27

Panwayakun kamu Panginuun tabug sa iba manga nasyun, ag pira wadi ti masawad sa kanyu ati sa manga nasyun nu naan kamu pag ipinauli Panginuun.

Santiyagu 1:1

Aku si Santiyagu, kay panawuhun Diyus hanggan nita Panginuun Hisu-Kiristu. Ipadangat niku kang surat pangamusta sa kanyu sa sampulu may duwa ka linahi nangalat sa tuhay-tuhay pag nasyun, nu kabitay waydi kamu asan.