Hirimyas 9:15 - Hanunuu

¹⁵ Nakan aku, ti Panginuun Makamaskihan, ti Diyus Israil, magkumun pakan-un niku inda pag manga tawu mapait karan-unun bag-u painmun danum may hilu.

Hirimyas 9:15 Iomraidhean Croise

Kanta 60:3

Pagpakurianan gid nimu masyadu kami kanmu nasakupan. Magdampiray kami; ga linangu nimu kami irinmun makalangu.

Kanta 69:21

Pinaulian nida makahilu kang karan-unun, ag katpung magkauwaw aku pinakan-an nida aku langgaw.

Kanta 75:8

Dahil ti Panginuun ti may hiyaput sa ungut punu magbura intus masyadu maisug imaw tunda kay pangagalit. Pagtigisun niya tunda, ag mag-inum ti tanan daut pag tawu sa kalibutan tugka sa matabu nida.

Kanta 80:5

Pinunu nimu kami karukuan, harus mainum yi nimi kanmi manga luwa.

Isayas 2:17

Ipakababa ngani niya ti manga marapayabang hanggan ti marapadayaw. Ti Panginuun lang ti maipaabwat sa ati pag sirang.

Isayas 2:22

Danga kamu magpiyar sa tawu. Mamatay diman waydi sida. Hintay waydi ti mabuwat nida?

Hirimyas 23:15

“Nakan ngani, aku, ti Panginuun Makamaskihan, magkumun tungkul sa inda pag manga purupita: Pakaunun niku sida mapait pag karan-unun ag painmun niku sida irinmun may hilu dahil sa kanda naglantap ti kadautan sa buu daga.”

Hirimyas 24:10

Padaran-an niku sida gira, lun-us ag sakit tugka sa mamatay sida sa daga ipinakaun niku sa kanda hanggan sa manga kagurangan nida.”

Hirimyas 25:15

Magkun sa kangku ti Panginuun, ti Diyus Israil, “Bul-a nimu sa kang kamang ti ungut punu pangagalit niku, ipainum nimu sa tanan nasyun nu naan tag kawu pag-ipadara niku.

Hirimyas 44:27

Dahil bagkus ngap dahanan niku kamu hampay sa ikaayad niyu, ipadamhak niku kamu. Magkaramatay kamu atay sa Ihiptu sa girahan ngatay lun-us tugka sa matabu kamu tanan.

Hirimyas 49:37

Rurisun niku sida sa panab-anan manga kalaban nida magkaibug mumatay sa kanda. Ungud paras-ugun niku sa kanda ti kadamhakan dahil sa masyadu niku pag galit sa kanda. Aku, ti Panginuun, magsabi ipagira niku sida sa kanda manga kalaban tugka sa madura sida tanan.

Hirimyas 8:14

“Bag-u sabihun nida, ‘Unu waya ti pag-alagdun nita? Abala kamu, malagiw yi kita atabug sa manga inaladan batu pag banwa ag ati yi kita pag mamatay. Dahil pinihu yi kita mamatay Panginuun nita Diyus. Ga pinakan-an niya kita danum may hilu hampay inmun, dahil nagsalan kita sa kanya.

Karukuan 3:15

Pasay lang kakurian ti ipinakaun niya sa kangku.

Karukuan 3:19

Mapait isipun kang pag-agwanta ag pag patalang-talang.

Isikil 5:12

Tungaun niku kamu sa tulu ka bahagi. Kay usa ka bahagi magkaramatay sa panab-anan lun-us hanggan manga durungugun siyun sa banwa. Kay usa waya ka bahagi magkaramatay sa panab-anan baladaw sa luwas banwa. Ag ti masawad pag bahagi sarwagan sa durus, wayakun niku sa buu kalibutan, ag lagsun sida niku baladaw.

Isikil 5:2

Kay un-an pag bahagi ipauli nimu sa daga pinaganit kanmu ginuhitan Hirusalim, paulian kay usa ka bahagi buhuk sa daga pinaganit, ag sunuga inda siyun sa karaw-an banwa. Paulian kay usa ka bahagi sa palibut banwa ag pamulud-puluda nimu baladaw. Kay nasawad pag bahagi sarwagan sa durus, dahil kalatun niku kang nasakupan sa panab-anan baladaw.

Diyuturunumiyu 28:36

“Kamu hanggan kanyu pinili pag hari ipabihag Panginuun sa balaw niyu kilala pag nasyun una niyu manga ginurang. Ati pag mansamba kamu sa iba pag manga diyus buwat sa kayu ag batu.

Diyuturunumiyu 29:18

Pihua niyu unman una di usa sa kanyu, lalaki ngatay babayi, una magtal-anakan, ngatay lahi ti pumatlikud sa Panginuun nita Diyus ag mansamba sa ati pag manga diyus iba nasyun hampay unman may una di usa sa kanyu ti bumaliw ga gamut ilamnun magtubu mapait ag makahililu.

Ipinakakit 8:11

Inda pag pamgasan kay ngaran Kapaitan. Nagpait yi ti ikatlu pag bahagi danum. Mayamu pag tawu ti namatay pagka nakainum siti pag danum.