Hirimyas 9:13 - Hanunuu

¹³ Sinmagut ti Panginuun, “Nangyari inda dahil unman nida sinunud ti manga sugu ipinakaun niku sa kanda. Balaw sida nagsunud sa kangku una sa manga sinugu niku.

Hirimyas 9:13 Iomraidhean Croise

2 Krunika 7:19

Dapat nu patlikud kamu ag balaw sumunud sa kang manga sugu hanggan manga surundanun ipinakaun niku sa kanyu, ag nu manirbi kamu ag mansamba sa tuhay pag manga diyus,

Isra 9:10

“Dapat taynguna, Diyus nimi, nagkasala kami. Unu waya ti masabi nimi? Dahil pag-ipalawuy nimi kanmu manga sugu

Kanta 119:53

Galit gid aku masyadu dahil sa manga daut, pag magbugya sa kanmu kasuguan.

Kabagawan 28:4

Ti manga unman magtupad sa Kasuguan magdayaw sa manga daut, dapat ti manga magtupad, maglaban sa manga daut.

Hirimyas 13:10

Dayu magsunud inda pag manga daut tawu sa manga pagsabihun niku. Pagsundun nida ti kagustuhan maganit nida tagipusuun magsirbi ag magsamba sa manga diyus-diyusan. Nakan miparihu sida sa tunda pag huragkus udyi mapakinabangan.

Hirimyas 22:9

Ag inda ti isagut sa kanda, ‘Dahil dinayu nida ti kasunduan Panginuun nida Diyus, bag-u nagsamba hanggan nagsirbi sida sa manga diyus-diyusan.’ ”

Hirimyas 5:19

Nu may magpaingana, ‘Hayga binwat Panginuun nita Diyus inda tanan sa kanta?’ Sabihun nimu sa kanda, ‘Dahil dinayu niyu ti Panginuun ag nagsirbi kamu sa iba pag diyus sa kanyu sadili daga. Nakan taynguna, sumirbi kamu sa manga day-uhan sa daga bukun kanyu.’

Hirimyas 7:26

Dapat ay unman niyu sida pagpatingihan ngatay pagbatiun. Mas maganit waya kanyu manga ulu ag mas daut waya kanyu manga binwat kaysa kanyu manga ginurang.