Hirimyas 9:10 - Hanunuu

¹⁰ Magkun si Hirimyas: Manlumi gid aku kabisug para sa manga kabantudan ag mangamiraw aku para sa manga pasturan. Dahil mapanglaw yi inda ag unman yi gid may maglakaw. Udyi may madnugan mag-inga manga baka, nighit yi ti manga manuk hanggan ti manga hayup.

Hirimyas 9:10 Iomraidhean Croise

Isayas 41:15

Pagpatingi kawu! Buwatun niku kawu ga bag-u pag panggiuk, matarum ag mayamu kay ngipun. Giukun ag runutun nimu ti manga bantud hanggan tagudtud ag buwatun nimu ga upa.

Isayas 49:19

Nidamhak kawu ag nagbaliw mapanglaw, dapat taynguna ulianan yi kawu nimu nasakupan. Unman yi sida harus mag-itabu sa kanmu. Ti manga nagwayak sa kanmu pumakarayu yi.

Hirimyas 12:10

Dautun kayamuan takinan kang ubasan, hanggan kang tanman kanda tatatataan. Bumaliw pangawakawaan ti marinu niku pag daga.

Hirimyas 12:11

Buwatun nida inda mapung-aw pag rugar ag bumaliw unman may pulus sa kangku. Bumaliw pangawakawaan inda pag daga, dahil udyi may magkaawa siyun.

Hirimyas 12:4

Kapira duy nguna tugka ti pagkauga daga ag pagkarubay manga ilamnun? Magkaramatay yi duy ti manga hayup hanggan manga manuk dahil sa kadautan manga tawu mag-uli sa inda pag daga. Pagsabihun waya nida, “Unman may labut ti Diyus sa kanta malakawan.”

Hirimyas 14:6

Ti manga talun asnu matindugan sa arabwat pag rugar mag-alhal ga talun idu. Magdulum yi kanda pamantay dahil sa udyi may hararabun.”

Hirimyas 2:15

Kay manga kalaban ga manga liyun mag-ngurub sa kanya. Dinaut nida kay daga, inirub kay manga banwa ag balaw yi inda pag-ulian.

Hirimyas 2:6

Udyi nida aku hinanap una aku yi ti nagpalwas sa kanda sa Ihiptu hanggan ti nag-una sa kanda sa pangawakawaan unman may tanum — tigangan pag daga, may manga tuyungan, mahawag ag unman may mag-uli ngatay maglakaw.

Hirimyas 23:10

Napnu ti daga manga tawu magsamba sa manga diyus-diyusan, dahil magbuwat kadautan ti manga purupita ag pagsamantalahun kanda kapangyarihan. Ag dahil siyun sinaadan Panginuun ti daga, nakan nauga ag narubay ti manga tanum.

Hirimyas 50:3

Dahil girahun ti Babilunya usa ka nasyun ginan sa kanaway, ag bumaliw mapung-aw inda pag rugar. Unman yi may mangulian sitay dahil malagiw kay manga nasakupan hanggan ti manga hayup.

Hirimyas 7:29

Manga taga Hirusalim, pakalbuhan kanyu manga buhuk bag-u yamtan hampay ipakakit kanyu karukuan. Panlumi kamu ati sa arabwat pag rugar, dahil binugyahan ag pinabay-anan Panginuun kanyu manga linahi, ti nagpagalit sa kanya.”

Hirimyas 8:18

Bag-u magkun si Hirimyas: Balaw gid madura kang karukuan. Pagdamdamun niku tagipusuun.

Karukuan 1:16

Nakan ngani magtiktik kang manga luwa sa pakalumi. Unman gid may magpabisug sa kangku una di. Kaawaawa ti nasakupan Hirusalim dahil tinalu sida kalaban.”

Karukuan 2:11

Nagkarabaga kang manga mata sa lumi. Masakit kang mag-asaydan. Ga mabka kang dubdub dahil sa kadamhakan niku kasimanwa. Nagkaralipung sa manga karsada banwa ti manga anak hanggan ti manga lapsag.

Karukuan 5:18

Mapanglaw yi ti Bantud Hirusalim, pagpasyaran wadi inda manga talun idu.

Isikil 14:15

“Ngatay halimbawa, padaran-an niku maraisug pag manga hayup inda pag nasyun hampay panmatyun kay manga kasimanwa, ag bumaliw mapung-aw inda pag rugar ag unman yi may manlakaw siyun dahil sa kadalaan sa maisug pag manga hayup.

Isikil 27:2

“Anak tawu, manhinangbitun kawu tungkul sa Tiru,

Isikil 29:11

Unman may tawu ngatay hayup ti lumakaw sitay, unman diman may mangulian sa sulud upatpulu ka timpu.

Isikil 33:28

Buwatun niku mapung-aw ti daga Israil, ag duraun niku ti pag-ipayabang niya pag kabisugan. Una kay manga kabantudan bumaliw mapung-aw hanggan unman yi may lumakaw ati.

Isikil 6:6

Ti kada banwa niyu ipadamhak. Magkaratumpag kanyu manga simbahan sa abwat pag manga rugar, manga diyus-diyusan, manga harandugan, hanggan ti manga harandugan pagsunugan manga kamangyan, ag ti iba waya parihu sa inda pag pinanmuwat niyu.

Husyas 4:3

Dahil siyun, magkaramara kanyu daga hanggan ti tanan mag-uli siyun magkaramatay, hanggan ti tanan hayup — ti maglakaw, ti maglayang, ag ti maglanguy.

Huwil 1:13

Kamu pag manga manughandug magsirbi sa harandugan niku Diyus, pagsulung kamu saku bag-u pag-atag sa Balay Diyus ag paglumi buu yabi. Dahil unman yi may butir maani aw ngatay intus handug sa Balay niyu Diyus.

Huwil 1:19

Nandarangin si Huwil. Magkun siya, “Panginuun, magtawag duy aku sa kanmu, dahil nalayung yi ti manga hararabun hanggan ti tanan puun kayu sa katanmanan, ga nairub yi apuy.

Amus 5:1

Nasakupan Israil, patingihi niyu inda pag hirinangbitun tungkul sa kanyu:

Amus 5:16

Nakan inda ti pagsabihun Panginuun Diyus Makamaskihan: “Rumas-ug ti kaudasan masaydan ti manga lulumian hanggan aramirawan sa kanyu manga baklayan ag manga buruybuyahan. Ti manga manugtanman tawagan hampay manlumi sa manga namatay kaibahan manga tawu inupahan hampay manlumi.

Mikas 2:4

Sa ati pag sirang, puyaan kamu manga tawu sa panab-anan maruku pag sanglitan, ‘Lubus yi kami naruris! Bin-ul Panginuun kanmi manga daga bag-u inayaw sa manga maradaya.’ ”

Mikas 3:12

Nakan dahil sa kanyu dautun ti Siun, ti banwa Hirusalim. Bumaliw parihu sa inaradu tanman, ag bumaliw tumpuk manga nagkarapugdak batu. Ag bumaliw kapuruan ti bantud nabungsudan Balay Diyus.”