Hirimyas 8:9 - Hanunuu

⁹ Mangay-a ti manga mag-isip madunung sida. Madala gid sida dahil pamihagun sida. Dinayu nida kang manga bagaw — buwatun aw nida inda nu ungud gid madunung sida?

Hirimyas 8:9 Iomraidhean Croise

2 Hari 17:15

Ipinurya nida kay manga surundanun hanggan kasunduan kay binwat sa kanda manga ginurang, binaliwala nida ti manga pasandam sa kanda. Sinunud nida ti manga unman may pulus pag manga diyus-diyusan, ag sida nagbaliw diman unman may pulus. Sinunud nida ti manga nasyun sa kanda sangput una pagsabihan sida Panginuun danga magsunud. Binwat gid nida ti pag-irangan Panginuun pag manga bagay kanda buwatun.

Hub 5:12

Pag-ibuyu niya ti manga maradaya, hampay balaw sida manalu.

Hub 5:13

Pagsudkun niya ti madunung sa kanda kayabangan, ag pag-amparahun ti gayak manga maradaya.

Kanta 19:7

Ti kasuguan Panginuun balaw may salan. Magpakaun inda kabisugan nita buhi. Ti manga pag-itudlu Panginuun masarigan, magpakaun kadunungan sa manga balaw may alam.

Isayas 19:11

Ud may namuangan ti manga takinan sa Suan! Pagkilalan-un sida pinakamatinudukun pag manugpaanyu hari Ihiptu, dapat kanda manga paanyu unman may pulus. Kabitay nida masabi sa hari Ihiptu kuntay, “Linahi kami manga matinudukun hanggan manga hari kaybi sa un-an pag panahun.”

Isayas 29:14

Nakan utru aku bumuwat dasun-dasun pag makadululaw sa inda pag manga tawu. Ag madura ti kadunungan manga madunung hanggan ti pan-intindi manga may intindi.”

Isayas 43:27

Nagkasala sa kangku kanmu un-an pag manga ginurang, naglaban sa kangku kanmu manga takinan.

Isayas 8:20

Ti kasuguan ag ti itinudlu Panginuun ti kailangan niyu patingihan. Nu may magsabi manga bagay salumpang sa manga pag-itudlu Panginuun, magkadluman waya kay naisipan tunda pag tawu.

Hirimyas 15:6

Dinayu niyu aku; pirmi niyu aku pagpatlikudan. Nakan aku, ti Panginuun, magkun ihunat yi niku kang manga kamang hampay rurisun kamu. Pagsawaan yi aku kaawaan kamu.

Hirimyas 19:7

Dautun niku sa inda pag rugar ti gayak manga taga Huda hanggan taga Hirusalim. Ipamatay niku sida sa kanda manga kalaban sa panab-anan girahan, ag ipakaun niku kanda manga bangkay sa manga manuk hanggan sa manga hayup sa talun.

Hirimyas 2:8

Una manga manughandug unman naghanap sa kangku. Ti manga manugtudlu Kasuguan unman magkilala sa kangku. Ti manga takinan nagalit laban sa kangku. Ti manga purupita nagpadakit sa ngaran ni Baal ag nagsunud sa manga diyus-diyusan unman may pulus.

Hirimyas 49:7

Inda ti sinabi Panginuun Makamaskihan tungkul sa Idum: “Naan yi ti manga maradunung sa Timan? Udyi aw may nasawad madunung magpaanyu?

Hirimyas 6:15

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.”

Hirimyas 6:19

Buu kalibutan, pagpatingi kamu! Mamadara aku kadamhakan sa manga tawu sitay bilang parusa sa kanda manga daut paggayakun. Dahil balaw nida pinatingihan kang manga bagaw, dinayu nida ti manga kasuguan niku.

Isikil 7:26

Rumas-ug sa kanda ti sunud-sunud pag manga kadamhakan ag daut pag manga barita. Manhagad sida tultulanun sa manga purupita dapat unman sida may matanggap. Balaw sida patigayunun manga manughandug tungkul sa kasuguan, unman diman sida tamyawun manga paggurangunun.

Amus 2:4

Inda ti pagsabihun Panginuun tungkul sa Huda: “Dahil sa parargu pagbuwat kasalanan ti manga taga Huda, parusahan gid niku sida. Dahil binugyahan nida kang kasuguan ag unman nida sinunud kang manga surundanun. Pinatalang sida nida pagsirbi sa manga diyus-diyusan imaw diman ti sinirbihan nida manga ginurang.

Sakaryas 13:4

Tunda pag manga purupita mangay-a sa kanda manga pagsabihun ipinakakit sa kanda. Bukun yi sida manulung panrutayun purupita hampay mandaya,

Diyuturunumiyu 4:6

Sundun niyu inda maluag sa kanyu tagipusuun, dahil sa panab-anan niyu pagsunud maipakakit niyu kanyu kadunungan ag pan-intindi sa iba manga nasyun. Nu madnugan nida inda tanan pag surundanun sumabi sida, ‘Ungud duy maaw madunung ag maraintindihun ti manga tawu sa inda pag makapangyarihan pag nasyun.’

2 Timutiyu 3:15

Ginan sa diit di waya kawu, naanad yi kawu sa Banal Kasuratan, imaw ti makapakaun kadunungan sa kanmu sa ikaribri nimu nu kawu magsarig sa kan Kiristu Hisus.