Hirimyas 8:8 - Hanunuu

⁸ Kabitay niyu magkasabi kuntay madunung kamu, dahil aw alam niyu ti manga kasuguan Panginuun? Kay tutuu, binag-u tida niyu manga manugtudlu.

Hirimyas 8:8 Iomraidhean Croise

Hub 11:12

Ga balaw mahimu ti usa ka unman may intindi bumaliw madunung, katunda diman balaw mahimu ti talun asnu manganak tawu.

Hub 12:20

Pagpahim-ungun niya ti manga pagsarigan pag manugpaanyu, pagbul-un niya ti kadunungan manga gurangun.

Kanta 147:19

Itinultul niya kay manga bagaw, manga surundanun, ag manga sugu sa manga taga Israil kay manga linahi ni Hakub.

Kabagawan 17:6

Kadayawan gurangun kanda manga laki, katunda diman kadayawan manga anak kanda manga gurang.

Isayas 43:27

Nagkasala sa kangku kanmu un-an pag manga ginurang, naglaban sa kangku kanmu manga takinan.

Hirimyas 18:18

Bag-u magkun ti manga tawu, “Abala kamu, mamuwat kita paraan hampay maampara nita si Hirimyas! May manga manughandug diman manudlu kasuguan sa kanta, ag may mamaanyu diman manga madunung pag tawu sa kanta, hanggan may manga purupita diman magpaliwanag bagaw Diyus sa kanta. Nakan mamuwat kita manga tultulanun laban sa kanya, danga yi kita magpatingi sa kay manga pagsabihun.”

Hirimyas 19:7

Dautun niku sa inda pag rugar ti gayak manga taga Huda hanggan taga Hirusalim. Ipamatay niku sida sa kanda manga kalaban sa panab-anan girahan, ag ipakaun niku kanda manga bangkay sa manga manuk hanggan sa manga hayup sa talun.

Hirimyas 2:8

Una manga manughandug unman naghanap sa kangku. Ti manga manugtudlu Kasuguan unman magkilala sa kangku. Ti manga takinan nagalit laban sa kangku. Ti manga purupita nagpadakit sa ngaran ni Baal ag nagsunud sa manga diyus-diyusan unman may pulus.

Hirimyas 4:22

Magkun ti Panginuun, “busal ti manga nasakupan niku; unman nida aku magkakilala. Sida manga kurang-kurang pag kalay-awan ag unman makaintindi. Anad sida magbuwat daut, dapat unman madunung magbuwat mayad.”

Hirimyas 48:14

Ipagpadayaw manga taga Muab kuntay maraisug ti sundalu nida sa paglaban.

Husyas 8:12

Ipinasurat niku ti mayamu pag manga kasuguan para sa kanda, dapat binaliw nida tunda para sa iba balaw para sa kanda.

Matiyu 15:6

udyi kailangan siya maggalang sa kay ama sa kay ina. Dahil sa kanyu minana patayak layi kaumputan, unman yi ngap pagpahalgaan niyu ti Bagaw Diyus.

Huwan 9:41

Sinmagut si Hisus magkun, “Nu abi kamu manga buta unman mana kamu may kasalanan. Dapat taynguna kanyu pagsabihun magkun, ‘Kami maghiling’, nakan unman mab-ul kanyu kasalanan.”

Ruma 1:22

Magpanaguabi sida kuntay madunung, dapat ay unman ngap may kabuluhan kanda kadunungan.