Hirimyas 8:15 - Hanunuu

¹⁵ Nag-alagad kita kahusayan, dapat unman may rinmas-ug kahusayan. Nag-alagad kita kaayadan, dapat kadalaan ti rinmas-ug.

Hirimyas 8:15 Iomraidhean Croise

Hub 30:26

Dapat pagka magsarig aku buwatan kaayadan, daut ngap ti binuwat sa kangku. Maghanap aku marayaw, dapat madlum ti rinmas-ug sa kangku.

Hirimyas 12:12

Rumas-ug ti manga manugdaut sa tanan arabwat pag rugar sa pangawakawaan. Gamitun niku sida pinagkabaladaw mandaut sa buu daga, ag unman may makapalagiw.

Hirimyas 14:19

Panginuun, ungud aw dinayu yi nimu ti Huda? Ungud aw magkagalit kawu sa Hirusalim? Hayga duy pinarusahan nimu kami kainda ga udyi kami may pag-asahan maayadan? Magsarig duy kami pakan-an nimu kahusayan, dapat unman waydi inda may rinmas-ug. Magsarig duy kami umayad ti kahamtangan nimi, dapat ay kadalaan ti rinmas-ug sa kanmi.

Hirimyas 4:10

Pagkatapus magkun aku, “Panginuun Diyus, nadaya duy ti manga tawu sa sinabi nimu kaybi, dahil nanaratu kawu pirmaminti ti kahusayan sa Hirusalim. Dapat ti baladaw maaw nakaalistu yi mumatay sa kanmi.”

Hirimyas 6:25

Danga yi kamu magluwas hampay umatag sa tanman ngatay lumakaw sa manga dalan, dahil may manga kalaban una naan alistu manmatay. Madala sa kanta palibut.

Hirimyas 8:11

Balaw nida pag ungdun kay magbulung sa biyag niku manga nasakupan, una masyadu yi inda. Pagsabihun nida mayad di ti tanan una balaw mayad.

Isikil 7:25

Rumas-ug sa kanda ti kadalaan ag manhanap kahusayan, dapat unman nida inda makitan.

Mikas 1:12

Sa tutuu, ti manga nasakupan Marut dugay yi magpatigagad umapas ti girahan. Dapat mibuyu sida dahil ipinahintulut Panginuun makaras-ug ti manga kalaban sa puwirtahan Hirusalim.

1 Tisalunika 5:3

Nu pagkumnun manga tawu, “Kita may kahusayan unman may pagkadalaan!” tunda ngap bigla pag mangyari ti kadamhakan. Dayu gid sida umiwas dahil inda mangyari parihu sa udas nu magpanamdam ti babayi manganak.