Hirimyas 8:13 - Hanunuu

¹³ Lubus niku sida rurisun ag dautun ti manga burak nida ubas hanggan igus; una kay manga labung magkararubay. Kang manga ipinakaun sa kanda magkaradura.

Hirimyas 8:13 Iomraidhean Croise

Isayas 5:10

Ti duwa ka iktarya ubasan tumubas lang unum ka galun intus. Ag ti sampulu ka takal binhi tumubas lang usa ka takal.”

Hirimyas 14:12

Una waya balaw sida manhandum karan-unun, balaw niku patingihan kanda maghagad awat sa kangku. Una manhandug waya sida manga handug pagsunugun ag handug pasalamat sa kangku, balaw niku tunda tanggapun. Bagkus ngap, matyun niku sida sa gira, lun-us, ag sarut.”

Hirimyas 14:15

Nakan aku, ti Panginuun, magkun parusahan niku ti manga pudilun pag manga purupita. Magbagaw sida sa ngaran niku una unman niku sida sinugu. Pagsabihun nida unman may rumas-ug gira ngatay lun-us sa inda pag nasyun, dapat sa gira ag lun-us sida pag midamhak.

Hirimyas 17:8

Miparihu siya sa puun kayu itinanum sa saruy sapa kay manga gamut mag-aput sa danum. Inda pag puun kayu balaw maunu una rumas-ug ti tag-init ngatay ti turungun. Pirmi malangba kay manga labung ag unman may apas kay magburak.

Hirimyas 5:17

Tabuhun nida kanyu manga ani, manga karan-unun, hanggan manga ubas ag manga igus. Matyun nida kanyu manga hayup hanggan kanyu manga anak. Dautun nida ti manga may alad batu pag banwa, imaw mana kanyu pagsarigan.

Hirimyas 7:20

Nakan aku, ti Panginuun Diyus, magsabi, “Ipaagum niku sa inda pag rugar ti masyadu pag pangagalit niku — sa manga tawu, sa manga hayup, sa manga puun kayu, hanggan sa manga tanum. Kang pangagalit ga apuy unman magkapsa.

Isikil 22:31

Nakan ipaagum niku sa kanda kang masyadu pag pangagalit. Ipadamhak niku sida dahil sa kanda manga binwat. Aku, ti Panginuun Diyus, ti magbagaw inda.”

Husyas 2:12

Dautun niku kay manga tanum ubas hanggan manga puun igus kay sabi ibinayad kunu niya manga lalaki sa kanya. Buwatun niku marikut inda ga kapuruan, kay manga burak inda kan-un talun hayup.

Huwil 1:7

Dinaut nida kang manga tanum ubas hanggan ti manga puun igus. Inarit-it nida kay lukub manga tanum tugka sa linmagti kay manga sanga.

Libitiku 26:20

Bumaliw unman may pulus kanyu magpangabudlay, dahil kanyu manga daga udyi magtubas hanggan kanyu manga puun kayu balaw magburak.

Habakuk 3:17

Una unman bumurak ti igus, ti ubas, ngatay ti ulibu, una unman pumatubas ti daga, una magkaramatay ti manga hayup sa tudiran,

Hagay 1:11

Pinamara niku ti manga katanmanan hanggan ti manga kabantudan. Nakan naapiktuhan ti manga ani, ti irinmun ubas, ti lana ulibu, hanggan ti iba waya pag manga tubas, una ti manga tawu, hanggan kanda manga hayup ag ti tanan nida manga binudlayan.”

Hagay 2:17

Dinaut Panginuun kanyu manga pananum sa panab-anan mainit pag durus, sarut, ag pagpauran manga yilu bilang yi manga batu. Dapat udwaya gid kamu magdangup sa kanya.

Malakyas 3:11

Balaw niku pahintulutan kan-un manga iyay kanyu manga pananum. Hanggan kanyu manga ubas balaw marabak.

Matiyu 21:19

Pagka nakitan niya ti usa ka puun igus sa saruy dalan kay dinuawan, dapat ud may nakitan siya burak, nu ud manga labung lang. Sinmabi siya sa igus, “Kainda ginan danga yi lang kawu magburak una hanggan aban.” Susun nalayung yi ngap ti puun igus.

Santiyagu 1:11

Ti ilamnun magkalayung pagka nasinggitan masyadu pag init. Magkarugnas kay busang, magpud-as kay rinu. Katunda diman waydi ti mayaman ud umapas sa asikasu sa kay kayamanan hanggan sa ud mamatay siya.