Hirimyas 7:9 - Hanunuu

⁹ Kamu mananakaw, manugmatay, magpanguragin, magkastigus sa kapudilan, magtuub kamangyan sa kan Baal, bag-u magsamba sa iba manga diyus balaw niyu magkakilala.

Hirimyas 7:9 Iomraidhean Croise

1 Hari 18:21

Nagpakarani si Ilyas sa manga tawu ag magkun, “Tugka waya lugud kapira kamu pag magtalinduwa? Nu ti Panginuun ti tutuu Diyus, sundun niyu siya, dapat nu si Baal ti tutuu Diyus, sundun niyu inda.” Dapat unman sinmagut ti manga tawu.

Pag-ighit 20:3

“Danga kamu magsamba sa tuhay pag diyus purya sa kangku.

Isayas 1:13

Apasi yi niyu ti pagdara manga handug unman may pulus. Pagkadat-an niku ti hungaw niyu manga kamangyan. Udyi niku maagwanta kanyu magtiripun nu Pista Lapus Lati hanggan nu Sirang Pamahari, dahil una magtiripun kamu, magbuwat kamu kadautan.

Isayas 58:2

Magpakarani sida sa kangku sirang-sirang, gustu nida maalaman kang manga palakaw. Nu pagbantayan, bilang sida usa ka nasyun matadlung unman maglabag sa sugu niku. Pag-ipakakit nida ga magkaibug sida pumakarani sa kangku ag manhagad matadlung pag pasya.

Hirimyas 1:16

Parusahan niku kang manga nasakupan dahil sa kanda kadautan. Binugyahan nida aku, nagtuub sida kamangyan sa manga diyus-diyusan. Sinamba nida kanda binwat pag manga diyus-diyusan.

Hirimyas 11:13

“Kamu pag manga taga Huda, pagkayamu kanyu manga diyus-diyusan, parihu kay kayamu sa kanyu manga banwa. Ag nu kabitay kayamu ti manga baklayan sa Hirusalim, katida diman kay kayamu ti harandugan ipinatindug niyu hampay sunugan kamangyan para sa mayagting pag diyus-diyusan ni Baal.

Hirimyas 11:17

Ti Panginuun Makamaskihan ti nagpatindug sa Huda hanggan sa Israil, dapat ay taynguna pag-isugu niya wasakun inda, dahil daut ti pagbuwatun nida. Ginalit nida ti Panginuun sa panab-anan pagsagda kamangyan sa kan Baal.

Hirimyas 13:10

Dayu magsunud inda pag manga daut tawu sa manga pagsabihun niku. Pagsundun nida ti kagustuhan maganit nida tagipusuun magsirbi ag magsamba sa manga diyus-diyusan. Nakan miparihu sida sa tunda pag huragkus udyi mapakinabangan.

Hirimyas 18:15

Dapat kang manga nasakupan magkalimut yi sa kangku. Magsunug sida kamangyan sa manga diyus-diyusan unman may pulus. Nagpatlikud sida sa insaktu ag daan pag dalan, linmakaw sida sa balaw mayad pag dalan nu naan nitalakpa sida.

Hirimyas 19:4

Buwatun niku inda, dahil dinayu aku niku nasakupan. Inda pag luung binwat nida harandugan manga handug pagsunugun para sa iba manga diyus. Inda pag manga diyus balaw nida magkakilala, unman diman kilala nida manga ginurang, ngatay nida manga hari sa Huda. Magmatay waya sida siyun pag rugar manga ud may namuangan.

Hirimyas 32:29

Irubun nida inda, hanggan ti manga balay kay bubung pagsunugan manga kamangyan para kan Baal ag pagsagdahan manga handug irinmun para tuhay pag manga diyus-diyusan subra niku pag-ikagalit.

Hirimyas 44:3

dahil sa kadautan binwat manga nasakupan nida. Ginalit nida aku sa pagsunug nida manga kamangyan ag pagsamba sa manga diyus-diyusan balaw nida kilala ngatay nida manga kaumputan.

Hirimyas 44:8

Hayga niyu aku pag pagpagalitun sa pagbuwat niyu manga diyus-diyusan? Magsunug waya kamu manga kamangyan para siyun atay sa Ihiptu nu naan kamu taynguna pag mag-uli. Ipagpadamhak niyu kanyu sadili ag pagbuwatun niyu mayagting ag makakaray-a sa tanan pag nasyun sa kalibutan.

Hirimyas 44:9

Nalimtan yi aw niyu ti manga kadautan binwat niyu manga kaumputan, manga hari, manga rayna sa Huda, ti manga kadautan binwat niyu hanggan niyu manga asawa sa daga Huda ag Hirusalim?

Hirimyas 48:35

Pap-utun niku sa Muab ti manga maghandug sa manga simbahan sa abwat pag rugar ag magtuub kamangyan sa kanda manga diyus-diyusan. Aku, ti Panginuun, ti magsabi inda.

Hirimyas 5:2

Una paggamitun niyu kang ngaran sa kanyu magtaratu, magpudil diman kamu.”

Hirimyas 5:7

Magkun sa kanda ti Panginuun, “Hayga patawadun niku kamu? Una kanyu manga anak nagbugya sa kangku ag nagsumpa sa ngaran balaw tutuu pag diyus. Ipinakaun niku ti manga pangailangan nida, dapat nabwat waya nida ti panguragin hanggan ti pagdurutdutan sa balay manga babayi baraydan.

Hirimyas 7:6

ag danga yi niyu pag-apiha ti manga day-uhan, manga ilu, manga buranday babayi mag-uli asan sa kanyu daga. Danga niyu pagpihua ti manga unman may kasalanan, ag danga kamu magsamba sa iba pag manga diyus imaw ti mamadamhak sa kanyu.

Isikil 18:18

Dapat kay ama mamatay dahil sa kay kasalanan, dahil nanguwarta siya, nanakaw ag nagbuwat daut sa kay kasimanwa.

Isikil 20:30

“Taynguna, sabihi ti nasakupan Israil aku, ti Panginuun Diyus, magbagaw: ‘Dagtaan diman aw lugud niyu kanyu sadili parihu sa binwat niyu manga ginurang, ag mansamba diman aw lugud kamu sa kanda mayagting pag manga diyus-diyusan?

Isikil 5:11

Aku, ti buhi pag Panginuun Diyus, magsumpa kang ipadamhak kamu sa unman may pangaawa dahil inuringan niyu kang Balay Diyus sa panab-anan pagsamba sa manga diyus-diyusan hanggan pagbuwat mayagting pag manga bagay.

Husyas 2:13

Parusahan niku siya dahil may manga udas magtuub siya kamangyan sa manga diyus-diyusan ni Baal. Nansulung siya manga pamarinu ag nanlagas sa kay manga lalaki, ag kinalimtan niya aku. Aku, ti Panginuun, ti magsabi inda.

Husyas 6:9

Kanyu manga manughandug ga gurupu manga tulisan magtanud kanda unu-unuhun. Magmatay sida sa dalan atabug sa Sikim, ag una wadi hintay pag makakaray-a buwat kanda pagbuwatun.

Amus 4:5

Pagsunug kamu tinapay may pamadaka bilang handug pasalamat sa kangku. Malu, ipadayaw niyu tunda hanggan kanyu manga buluntad pag handug, dahil tunda kanyu pagkaibgan buwatun. Aku, ti Panginuun Diyus, ti magsabi inda.

Sipanyas 1:5

Papasun diman niku ti manga tawu magdayik sa bubungan nida manga balay hampay mansamba sa init, sa bulan, hanggan sa manga pamgasan. Papasun niku ti manga magsamba ag magpanumpa mansirbi sa kangku, dapat magpanumpa diman mansirbi sa diyus-diyusan sa kan Muluk.

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Ruma 2:2

Alam diman nita kay sintinsiya Diyus balaw magsalan laban sa manga tawu magbuwat katida.

Diyuturunumiyu 32:17

Nagsagda sida sa manga labang balaw tutuu pag diyus — manga diyus balaw nida kilala ag bag-u lang linmutaw, ag balaw ginalang nida manga ginurang.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

Ipinakakit 22:15

Dapat matayak sa luwas banwa ti manga daut pag tawu, ti manga magsarig sa kapangyarihan ni Satanas, ti manga magpanguragin, ti manga maglibun tawu, ti manga magsamba sa diyus-diyusan, ti tanan magbaya sa maradaya hanggan ti manga magdaya.

Talaghusay 5:8

Pagka nansamba ti manga Israilita sa manga bag-u diyus, rinmas-ug sa kanda ti gira. Dapat sa 40,000 Israilita unman una di usa ti may imaw panangga ngatay bangkaw.