Hirimyas 7:8 - Hanunuu

⁸ “ ‘Dapat ay bantayi niyu nu hintay kanyu binwat! Magpaniwala kamu sa manga kapudilan unman may pulus.

Hirimyas 7:8 Iomraidhean Croise

Isayas 28:15

Dahil magpadayaw kamu ag magkumun, “Nagbuwat kami kasunduan sa kamatayan hampay balaw kami mamatay, ag nagkasundu kami sa rugar manga namatay hampay balaw kami madara ati. Nakan ngani, balaw kami mipadamhak una waya rumas-ug ti manga kadautan ga baha, dahil kami magsarig maribri sa panab-anan nimi pamudil ag pagdaya.”

Isayas 30:10

Magkun sida sa manga purupita, ‘Danga yi niyu sabihun sa kanmi ti tungkul sa manga ipinaburayhaw Diyus sa kanyu. Danga yi niyu sabihun sa kanmi ti matadlung. Sabihun niyu sa kanmi ti manga bagay makapasulung sa kanmi ag ti manga balaw matupad pag pangakakitun.

Isayas 59:4

Balaw niyu pag-isipun ti katadlungan; ti manga bangdan niyu sa kanyu manga kaparihu pudu kapudilan. Daut kanyu manga pag-isipun, bag-u imaw tida kanyu pagbuwatun.

Hirimyas 23:26

Tugka kapira waya nguna sida mamagaw kapudilan ginan sa sadili nida naisipan?

Hirimyas 23:32

Magtultulanun sida manga tagin-up balaw tutuu, nakan pagpatalangun nida kang manga nasakupan sa kanda manga kapudilan. Balaw niku sida pagsuguun ngatay pag sabihan pagbagaw, nakan unman sida may kaayadan maipakaun sa manga tawu. Aku, ti Panginuun, ti magsabi inda.

Hirimyas 28:15

Bag-u sinabi ni Purupita Hirimyas sa kan Purupita Hananiyas, “Hananiyas, pagpatingi kawu! Balaw kawu sinugu Panginuun, dapat pinabuyu nimu inda pag nasyun sa kapudilan nimu.

Hirimyas 4:10

Pagkatapus magkun aku, “Panginuun Diyus, nadaya duy ti manga tawu sa sinabi nimu kaybi, dahil nanaratu kawu pirmaminti ti kahusayan sa Hirusalim. Dapat ti baladaw maaw nakaalistu yi mumatay sa kanmi.”

Hirimyas 5:31

Ti manga purupita magpaburayhaw kapudilan. Ti manga manughandug magdumara angay sa sadili nida kapangyarihan. Katida ti pagkaibgan manga nasakupan niku. Dapat unu ti buwatun nida nu rumas-ug yi ti katapusan?”

Hirimyas 7:4

Danga kamu magpadaya sa manga tawu paulit-ulit magsabi kuntay unman may daut mangyari sa kanyu dahil sa kanyu ti Balay Panginuun. Magkun sida, “Atay sa kanta ti Panginuun! Atay sa kanta ti Panginuun!”

Hirimyas 8:10

Nakan ipakaun niku sa iba kanda manga asawa hanggan manga tanman. Dahil ginan sa pugri tugka sa may kaya pararihu nagbaliw maramuun sa kuwarta, hanggan yi ti manga purupita ag manga manughandug.