Hirimyas 7:34 - Hanunuu

³⁴ Amparahun yi niku ti kasulungan ag kabayaan sa manga baklayan Hirusalim. Ag udyi madnugan sa manga banwa Huda ti manga masulung pag busis manga bag-u ipinaasawa. Dahil bumaliw mapung-aw inda pag daga.”

Hirimyas 7:34 Iomraidhean Croise

Hub 3:7

Balaw yi mana aku iinanak sa ati pag yabi, mana udyi may nakabaya ati katpung.

Kanta 78:63

Sinunug kanda manga anak lalaki, nakan naduraan arasawan-un kanda manga daraga.

Isayas 1:7

Udyi makinabangan kanyu nasyun; kanyu manga banwa nagkarairub yi. Habang mabantayan kamu, pagbul-un manga taga iba daga ti burak niyu manga tanum sa kanyu tanman. Dinaut nida kanyu daga tugka sa udyi kamu may makinabangan.

Isayas 3:26

May manga maglulumian ag maghimanglaw sa manga puwirtahan banwa. Ag ti banwa miparihu sa babayi malubnangan sa daga, naduraan manga kasiyunan.

Isayas 6:11

Nagpaingana aku, “Panginuun, kabitay duy kay kadugay?” Sinmagut siya, “Tugka sa mawayak ti manga banwa Israil ag balaw yi may mangulian siyun. Tugka sa udyi may mag-uli sa manga balay ag ti daga bumaliw kapawaan ag udyi makinabangan.

Hirimyas 16:9

Dahil aku, ti Panginuun Makamaskihan, ti Diyus Israil, magkumun, ‘Makitan gid ngap nimu sa kanmu kaudasan amparahun niku ti kasulungan ag pagbarayaan sa inda pag rugar, hanggan ti kasulungan bag-u mag-asawa.’

Hirimyas 22:6

Inda ti pagsabihun Panginuun tungkul sa balay hari sa Huda: “Para sa kangku, kanmu karinuan parihu sa Gilyad ngatay sa katayungtungan bantud Libanun. Dapat buwatun niku kawu ga pangawakawaan, parihu sa usa ka banwa unman may mag-uli.

Hirimyas 25:10

Madura ti kasulungan ag kabayaan niyu. Unman diman madnugan ti kabayaan manga bag-u ipinaasawa. Udyi may man-galing tirigu hanggan manulu sulul-an nu yabi.

Hirimyas 27:17

Danga kamu magpasnu sa kanda. Pagsirbi kamu sa hari Babilunya hampay mabuhi kamu. Kailangan aw waya mawayak inda pag banwa?

Hirimyas 33:10

Magkun waya ti Panginuun, “Pagsabihun niyu kuntay mapung-aw ag unman may manga tawu ag manga hayup ti Huda ag Hirusalim. Dapat rumas-ug ti sirang madnugan maan sa inda pag manga rugar ti manga kabayaan ag kasulunggan.

Hirimyas 33:11

Masaydan maan ti kasulungan manga bag-u ipinaasawa, ag manga tawu magdara manga handug pasalamat sa Balay Diyus Panginuun. Sabihun nida, ‘Mamasalamat kita sa Panginuun Makamaskihan dahil mayad gid siya. Kay pangaawa balaw may katapusan.’ Ungud magbarayaan ti manga tawu dahil ibalik niku ti mayad pag kahamtangan sa inda pag daga parihu sa kaybi sa un-an. Aku, ti Panginuun ti magsabi inda.”

Hirimyas 4:26

Nakitan niku ti abunda pag tanman nagbaliw pangawakawaan. Nawasak ti tanan banwa dahil sa masyadu pag pangagalit Panginuun.

Hirimyas 4:27

Inda ti pagsabihun Panginuun, “Ti buu daga madaut, dapat balaw niku inda lubus dautun.

Hirimyas 44:6

Nakan ibinuhus niku sa kanda ti masyadu niku pag pangagalit. Ga apuy inda mag-irub sa manga banwa Huda ag Hirusalim, ag nagbaliw maruku inda pag manga rugar ag wayak tugka taynguna.

Karukuan 5:14

Ti manga kagurangunan udyi magtukaw sa puwirtahan banwa agud makapaanyu, ti manga kalay-awan lalaki udyi magpatunug manga pamatunug.

Isikil 26:13

Paapasun niku kanyu manga magkarantahan hanggan pagpatunug manga alpa.

Isikil 7:11

Kanda kahigpitan bumalik sa kanda bilang parusa sa kanda kadautan. Unman may masawad sa kanda, ag ti tanan nida kayamanan malyam.

Husyas 2:11

Paapasun yi niku ti tanan ipinasaman mahalaga pag sirang pagsamba pagtupadun niya kada timpu, kada bulan, hanggan kada Sirang Pamahari.

Husyas 2:13

Parusahan niku siya dahil may manga udas magtuub siya kamangyan sa manga diyus-diyusan ni Baal. Nansulung siya manga pamarinu ag nanlagas sa kay manga lalaki, ag kinalimtan niya aku. Aku, ti Panginuun, ti magsabi inda.

Libitiku 26:33

Padaran-an niku kamu gira imaw ti gumuba sa kanyu manga banwa. Kalatun niku kamu tabug sa iba pag manga nasyun, bag-u bumaliw mapanglaw kanyu daga.

Mikas 7:13

Bumaliw mapanglaw pag rugar ti manga nasyun sa kalibutan dahil sa kadautan manga mag-ulian siyun.”

Ipinakakit 18:23

Bumaliw madlum ati, dahil udyi may sulu una di usa. Udyi madnugan aban ti manga aguman babayi, ti manga aguman lalaki, magharampangan masulung. Dahil masyadu nagyaman kanmu manga manugnigusyu sa bilug kalibutan. Dinaya nimu ti tanan nasyun sa daut pag kadunungan nimu.