Hirimyas 7:33 - Hanunuu

³³ Ti manga bangkay niku nasakupan tindukun manga manuk ag kan-un manga maraisug pag hayup, unman may mamugaw una si unu sa kanda.

Hirimyas 7:33 Iomraidhean Croise

Isayas 18:6

Rurisun Diyus ti manga taga Itiyupya, ag kanda manga bangkay pabay-anan sa manga manuk manugdagit ag maraisug hayup. Bumaliw karan-unun sida manga manuk sa tungud sa udas tig-irinit ag maraisug pag hayup sa udas tigraramig.

Hirimyas 12:9

Nagbaliw sida mayagting sa kangku ga manuk manugdagit. Ag sida ngapu magkasangputan manga manuk manugdagit. Tipunun niku ti maraisug pag hayup hampay kan-un sida.

Hirimyas 14:16

Ag tungkul waydi sa manga tawu magpasnu sa kanda pagsabihun, kanda manga bangkay ipanyamut sa manga baklayan Hirusalim. Magkaramatay sida sa gira hanggan lun-us. Unman may manlubung sa kanda, sa kanda manga asawa, hanggan manga anak. Padapatan niku sida parusa angay gid sa kanda.

Hirimyas 15:3

Aku, ti Panginuun, magkun ipadara niku sa kanda ti upat ka kalasi manugpapas: Magkaramatay sida sa girahan, guyudun manga idu kanda manga bangkay, tindukun sida manga manuk ag ti magkasawad pag manga bangkay nida hirutun maraisug pag hayup.

Hirimyas 16:4

Magkaramatay sida sa mahigpit pag sakit. Unman may manhimanglaw ngatay may manlubung sa kanda manga bangkay. Mangalat kanda manga bangkay sa babaw daga ga manga ugat. May manga magkaramatay sa girahan ag lun-us, kanda manga bangkay kan-un manga manuk ag manga maraisug hayup.”

Hirimyas 19:7

Dautun niku sa inda pag rugar ti gayak manga taga Huda hanggan taga Hirusalim. Ipamatay niku sida sa kanda manga kalaban sa panab-anan girahan, ag ipakaun niku kanda manga bangkay sa manga manuk hanggan sa manga hayup sa talun.

Hirimyas 22:19

Ilubung siya parihu sa maglubung sa namatay asnu; guyudun kay bangkay ag iyamut sa luwas puwirtahan Hirusalim.”

Hirimyas 25:33

Sa ati pag sirang, mayamu ti matyun Panginuun, kanda manga bangkay manwayak-wayak una naan sa buu kalibutan. Unman yi may manhimanglaw, manipun ag manlubung sa kanda. Pabay-anan yi lang sida ga ugat sa babaw daga.

Hirimyas 34:20

Ipakaun niku sida sa manga kalaban nida magkaibug mumatay sa kanda. Ag bumaliw karan-unun manga manuk hanggan maraisug pag hayup kanda manga bangkay.

Hirimyas 9:21

Rinmas-ug ti kamatayan sa kanta magtal-anakan hanggan sa mapag-un pag bahagi nita banwa. Minatay ti manga anak magbuybuya sa manga baklayan hanggan ti manga kalay-awan lalaki magtiripnan sa manga buruybuyahan.

Hirimyas 9:22

Bag-u magkun ti Panginuun, “Mawayak ti manga bangkay ga manga paruk sa tanman, ga manga butir natayakan manga manug-ani, udyi may mamunpun tunda.”

Isikil 29:5

Iyamut niku kawu sa pangawakawaan hanggan ti manga isda, bag-u mihamyang kawu sa daga unman may manbuul sa kanmu ag manlubung. Ipatinduk niku kawu sa talun hayup hanggan sa manga manuk maglayang sa tungud.

Isikil 39:4

maruris kawu ati sa manga bantud Israil ag ti tanan nimu sundalu, hanggan ti tanan kaibahan nimu pag manga nasyun. Ipatinduk niku kanyu manga bangkay sa tuhay-tuhay pag kalasi manuk magkaun bangkay hanggan sa maraisug pag manga hayup.

Diyuturunumiyu 28:26

Kanyu manga bangkay kan-un manga manuk ag maisug pag manga hayup, ag unman may manbugaw sa kanda.

Diyuturunumiyu 8:20

Parihu sa pagruris Panginuun sa manga nasyun sa kanyu atubangan, katunda diman rurisun niya kamu nu balaw kamu magsunud sa Panginuun niyu Diyus.