Hirimyas 7:30 - Hanunuu

³⁰ Magkun ti Panginuun, “Nagbuwat daut ti nasakupan Huda. Ipinauli nida ti manga mayagting nida pag manga diyus-diyusan ati sa Balay Diyus, ti pinili niku pag rugar nu naan aku pag sambahun, nakan nauringan inda.

Hirimyas 7:30 Iomraidhean Croise

2 Hari 21:3

Ipinatindug niya utru ti manga simbahan sa abwat pag manga rugar ti ipinadaut kaybi niya ama ni Isikyas. Nagpatindug diman siya manga harandugan para sa kan Baal ag nagpabuwat manga tulduk tanda diyusa si Asira, parihu sa binuwat ni Hari Akab taga Israil. Nagluhud siya ag nagsamba sa tanan pag bagay sa kalangitan.

2 Hari 21:4

Namabwat waya gid siya manga harandugan sa Balay Diyus Panginuun, angay sa Panginuun, ti Balay Diyus sa Hirusalim imaw ti rugar nu naan pag dayawun siya.

2 Hari 21:7

Ipinauli niya sa Balay Diyus kay ipinabwat pag tulduk tanda diyusa si Asira. Nu tungkul sa inda pag Balay Diyus magsabi ti Panginuun sa kan Dabid hanggan sa kay anak si Sulumun, “Dayawun aku hanggan aban sa inda pag Balay Diyus hanggan sa Hirusalim, ti rugar kang pinili sa tanan pag linahi Israil.

2 Hari 23:12

Ipinadaut niya ti manga harandugan ipinatindug manga hari Huda sa maratag pag atup sa tungud sa sulud-sulud ni Akas, hanggan ti manga harandugan ipinabwat ni Manasis sa duwa ka sugkadan Balay Diyus Panginuun. Ipinarunut niya inda dinariit ag isinabwag ti dapug sa Luung Kidrun.

2 Krunika 33:15

Ipinaighit niya ti manga diyus-diyusan taga iba nasyun ag ti histuda sa Balay Diyus Panginuun. Ipinaighit diman niya ti manga harandugan ipinatindug niya sa bantud pagtindugan Balay Diyus ag ti manga harandugan sa iba pag bahagi Hirusalim, ag ipinayamut niya inda sa luwas banwa.

2 Krunika 33:3

Utru niya ipinatindug ti manga simbahan sa abwat pag manga rugar, ti ipinadaut kaybi niya ama ni Isikyas. Nagpatindug diman siya manga harandugan para sa kan Baal ag nagbuwat manga tulduk tanda diyusa si Asira. Nanluhud siya ag nagsamba sa tanan pag bagay sa kalangitan.

2 Krunika 33:7

Ipinauli niya sa Balay Diyus ti histuda kay ipinabwat, nu naan magkun ti Panginuun sa kan Dabid ag sa kay anak kan Sulumun, “Dayawun aku tugka aban sa inda pag Balay Diyus ag sa Hirusalim, ti rugar niku pinili ginan sa tanan rugar manga linahi ni Israil.

Isayas 66:4

Bukud waya siyun, padarahan niku sida kaparusahan subra gid nida kadalaan. Dahil katpung aku nagtawag unman sida nagsagut; katpung aku nagbagaw balaw sida namatingi. Nagbuwat sida daut sa kang pamantay ag nu hintay kang pagdayuun, imaw ngap kanda pagbuwatun.”

Hirimyas 16:18

Nakan pabayadun niku sida dubli sa kanda kadautan ag kasalanan, dahil inuringan nida kang daga sa panab-anan mayagting ag tigbak pag manga diyus-diyusan nida.”

Hirimyas 23:11

Dahil inda ti pagsabihun Panginuun: “Ti manga manughandug parihu diman sa manga purupita. Parihu sida mauring ag magbuwat diman kadautan una sa kang Balay.

Hirimyas 32:34

Inuringan nida ti Balay Diyus niku nu naan pagdayawun ti ngaran niku. Ipinauli nida ati ti manga diyus-diyusan mayagting.

Hirimyas 32:35

Nagpatindug sida manga simbahan para kan Baal ati sa Luung Bin Hinum, ati diman nida pag-isagda sa kan Muluk kanda manga anak. Balaw niku inda pag-isugu sa kanda; balaw diman inda sinmulud sa kang isip kuntay buwata nida inda pag mayagting pag bagay imaw ti pinun-an kasalanan manga taga Huda.

Isikil 7:20

Nagpadayaw waya sida sa kanda marinu pag manga pamarinu, ag ginamit nida inda sa pagbuwat mayagting pag manga diyus-diyusan nida. Nakan buwatun niku kanda manga kayamanan mauring pag manga bagay para sa kanda.

Isikil 8:3

Ihinunat niya kay ga kamang ag hiniyaptan niya aku sa buhuk. Ipinaabwat aku Ispiritu sa kapawaan ag dinara sa Hirusalim, sa salatan baliwa pag sabian sa sulud sugkadan Balay Diyus, nu naan nakapauli ti usa ka diyus-diyusan nakapagalit gid sa Diyus.

Danyil 11:31

“Suguun hari Sirya ti manga sundalu hampay uringan ti Balay Diyus sangput alad batu. Paapasun niya ti sirang-sirang pagsagda ag ipauli ti mayagting pag bagay imaw kay kadahilanan mapabay-anan ti Balay Diyus.

Danyil 9:27

Tunda pag hari mamuwat matibay pag kasunduan sa kayamuan tawu sa sulud pitu ka timpu. Dapat pagkalawuy tulu ka timpu may tunga, amparahun niya ti manga handug ag ipauli niya sa Balay Diyus ti manga mayagting pag bagay, nakan pabay-anan ti Balay Diyus. Pumirmaminti inda ati tugka sa rumas-ug ti katapusan hari, angay sa itinagka Diyus.”