Hirimyas 7:29 - Hanunuu

²⁹ Manga taga Hirusalim, pakalbuhan kanyu manga buhuk bag-u yamtan hampay ipakakit kanyu karukuan. Panlumi kamu ati sa arabwat pag rugar, dahil binugyahan ag pinabay-anan Panginuun kanyu manga linahi, ti nagpagalit sa kanya.”

Hirimyas 7:29 Iomraidhean Croise

2 Hari 17:20

Nakan ipinurya Panginuun ti tanan nasakupan Israil. Pinarusahan niya sida, ipinakaun sida sa manga maggira sa kanda tugka sa pinaighit niya sida sa kanda rugar pakarayu sa atubangan niya.

Hub 1:20

Pagka tida nadnugan ni Hub, tinmindug siya ag ginitas kay rutay dahil sa karukuan. Bag-u inuguy niya kay buhuk bag-u napadapa sa daga hampay sumamba sa Panginuun.

Isayas 22:12

Nagpatalahap sa kanyu ti Panginuun Diyus Makamaskihan kuntay kamu pagpanrukuan, paglumi, pagpakidkid ag pagsulung rutay panruku bilang tanda sa kanyu mag-ampu.

Hirimyas 12:7

“Dayuun niku kang manga nasakupan, ti magkaapu niku pag nasyun. Ipakaun niku kang pagmahalun pag manga nasakupan sa manga kalaban nida.

Hirimyas 14:19

Panginuun, ungud aw dinayu yi nimu ti Huda? Ungud aw magkagalit kawu sa Hirusalim? Hayga duy pinarusahan nimu kami kainda ga udyi kami may pag-asahan maayadan? Magsarig duy kami pakan-an nimu kahusayan, dapat unman waydi inda may rinmas-ug. Magsarig duy kami umayad ti kahamtangan nimi, dapat ay kadalaan ti rinmas-ug sa kanmi.

Hirimyas 16:6

Magkaramatay sida sa inda pag daga, mayaman man ngatay pugri, ag unman may manlubung sa kanda. Unman may tawu manmiyag sa sadili nida ngatay manpauguy hampay ipakakit kanda maghimanglaw sa manga namatay.

Hirimyas 3:2

“Bantayi niyu ti arabwat pag rugar nu naan asan kamu pag nagsamba sa kanyu manga diyus-diyusan. May rugar aw waya ati ti unman niyu inuringan? Pinayagting niyu ti daga dahil sa kadautan niyu. Kamu ga babayi baraydan matukawan sa saruy dalan mag-alagad lalaki. Parihu diman kamu sa usa ka mananakaw mag-alagad kay matakawan sa pangawakawaan.

Hirimyas 3:21

“May mag-adnugan yi manga iringayan sa arabwat pag rugar. Maglulumian ag magpaawa-awa ti nasakupan Israil dahil nagbaliw daut kanda magpangabuhi ag kinalimtan nida aku, ti Panginuun kuntay kanda Diyus.

Hirimyas 47:5

Ti manga taga Gasa mamakidkid, puruyba sa paghimanglaw nida, ag ti manga taga Askalun unman mag-ingay sa karukuan. Kamu pag manga nasakupan sa karatagan, tugka kapira niyu biyagan kanyu sadili hampay ipakakit kanyu karukuan?

Hirimyas 48:37

Ti kada usa nagpaburayhaw kanda karukuan sa panab-anan pagpakidkid, pag-uguy bungut, pagbiyag sa kanda manga kamang ag pagsulung manga rutay panhimanglaw.

Hirimyas 6:30

Ingarnan sida, ‘Dinayu pag Galang’ dahil dinayu niku sida.”

Hirimyas 9:10

Magkun si Hirimyas: Manlumi gid aku kabisug para sa manga kabantudan ag mangamiraw aku para sa manga pasturan. Dahil mapanglaw yi inda ag unman yi gid may maglakaw. Udyi may madnugan mag-inga manga baka, nighit yi ti manga manuk hanggan ti manga hayup.

Hirimyas 9:16

Bululagun niku sida una naan pag nasyun sa balaw nida magkakilala una manga kaumputan nida. Mamadara aku gurupu man-gira sa kanda hampay lubus sida maruris.”

Karukuan 5:22

Masyadu yi aw kanmu pangagalit sa kanmi ag ipinurya yi gid nimu kami?

Isikil 19:1

Magkun ti Panginuun sa kangku, “Kantaha inda pag hirinambitun tungkul sa manga takinan Israil:

Isikil 28:12

“Anak tawu, paghirinangbitun kawu laban sa hari Tiru. Sabihi siya aku, ti Panginuun Diyus, magkun: Kaybi usa kawu ka mustara kaayadan. Madunung kawu ag marinu gid.

Amus 5:1

Nasakupan Israil, patingihi niyu inda pag hirinangbitun tungkul sa kanyu:

Mikas 1:16

Kanyu pagmahalun pag manga anak bul-un sa kanyu ag darahun sa iba rugar, nakan mangamiraw kamu sa kanda, ag ipakakit niyu kanyu karukuan sa panab-anan pagpakidkid parihu ga ulu uling.”

Matiyu 12:39

Magkun si Hisus, “Daut kamu pag manga tawu unman magtupad sa Diyus. Maghanap kamu tanda dapat unman pakakitan tanda purya lang sa nangyari ati katpung sa kan Purupita Hunas.

Matiyu 16:4

Daut kamu pag manga tawu sa inda pag tinubu tawu, unman matinupadun sa Diyus. Maghanap aw kamu tanda? Dapat unman pakakitan kamu tanda purya lang sa nangyari sa kan Hunas.” Bag-u kay tinayakan yi lang sida siyun.

Matiyu 23:36

Ungud duy kang pagsabihun sa kanyu, ti parusa sa tanan inda mitama sa inda pag manga tinubu tawu.”

Matiyu 3:7

Pagka nakitan ni Huwan aduk pag manga Parisiyu hanggan Sadusiyu ti nagdulud diman sa kay magtulbaw, magkun siya sa kanda, “Kamu ga lahi manga ulay. Si unu ti magsabi sa kanyu kuntay makapalagiw kamu sa sintinsiya Diyus aban?

Binwat 2:40

Mayamu waya kay ipinaliwanag ni Pidru sa manga tawu magkun, “Pagpasaman kamu sa manga tawu magbuwat daut hampay kamu makaribri.”

Diyuturunumiyu 32:5

Dapat nagkasala kamu sa kanya, balaw yi niya kamu pagkilalan-un kay manga anak dahil sa kanyu kadautan. Manga makasalanan ag madaya pag sinulput-lahi!