Hirimyas 7:26 - Hanunuu

²⁶ Dapat ay unman niyu sida pagpatingihan ngatay pagbatiun. Mas maganit waya kanyu manga ulu ag mas daut waya kanyu manga binwat kaysa kanyu manga ginurang.

Hirimyas 7:26 Iomraidhean Croise

1 Hari 14:22

Nagbuwat kadautan ti manga nasakupan Huda sa magbantay Panginuun, ag mas subra waya ti galit Panginuun sa kanda kaysa kanda manga ginurang, dahil subra gid kanda manga kasalanan.

1 Hari 14:9

Mas daut ti binwat nimu kaysa binwat manga takinan nag-una sa kanmu. Dinayu nimu aku ag ipinalabi waya nimu ti manga diyus-diyusan baul.

2 Hari 17:14

Dapat unman sida magtupad. Maganit kanda manga ulu parihu sa kanda manga ginurang unman magsarig sa Panginuun nida Diyus.

2 Hari 17:15

Ipinurya nida kay manga surundanun hanggan kasunduan kay binwat sa kanda manga ginurang, binaliwala nida ti manga pasandam sa kanda. Sinunud nida ti manga unman may pulus pag manga diyus-diyusan, ag sida nagbaliw diman unman may pulus. Sinunud nida ti manga nasyun sa kanda sangput una pagsabihan sida Panginuun danga magsunud. Binwat gid nida ti pag-irangan Panginuun pag manga bagay kanda buwatun.

2 Krunika 30:8

Nakan danga maganit kanyu ulu parihu sa kanyu manga ginurang, nu unman pagpasakup kamu sa Panginuun. Pag-atag kamu sa Balay Diyus kay pinabanal hanggan aban. Ag pagsirbi kamu sa Panginuun niyu Diyus, hampay madura ti masyadu niya pag galit sa kanyu.

2 Krunika 33:10

Una pinasandaman Panginuun si Manasis ag kay manga nasakupan, unman diman sida namatingi sa kanya.

2 Krunika 33:23

Dapat balaw parihu sa kay ama, unman siya nagpakumbaba sa Panginuun. Bagkus ngap, dinugangan waya gid niya kay kasalanan.

Nihimyas 9:29

Pagpasandaman nimu sida kuntay pagtupad maan sa kanmu Kasuguan, dapat marapalabaw sida ag unman nida pagtupadun kanmu manga sugu. Nagsalan sida laban sa kanmu manga sugu magpakaun tutuu pag buhi sa magtupad inda. Sa kaganitan nida manga ulu nagpatlikud sida sa kanmu, ag dayu sida mamatingi sa kanmu.

Kabagawan 29:1

Ti tawu magpaganit waya gid kay tagipusuun una pira yi ginan siya tamyawun midamhak lang rargu ag unman yi makabangun waya.

Isayas 48:4

Alam niku nu kabitay ka ganit kanyu ulu. Kanyu liug parihu kay ka ganit sa baul, kanyu bangas parihu kay kaganit sa galang.

Isayas 5:4

Hintay waya kang nalimtan buwatun para sa kang ubasan? Matagsing pag burak ti pagsarigan niku, dapat pagka pinuti niku maaslum inda.

Hirimyas 11:8

Dapat ay balaw sida namatingi ag balaw nida binati ti pagsabihun niku. Bagkus ngap, napaangay sida sa kanda kaganitan ag kadautan tagipusuun. Pagsabihun niku sa kanda sunda nida inda pag kasunduan, dapat unman nida sinunud. Nakan ipinadara niku sa kanda ti tanan saad pagsabihun sa kasunduan.’ ”

Hirimyas 16:12

Mas subra waya kamu daut kaysa manga kaumputan niyu. Ti kadautan ag kaganitan niyu manga tagipusuun ti sinunud niyu, bagkus aku mana di kanyu sundun.

Hirimyas 17:23

dapat balaw sida nagpatingi sa kangku. Maganit gid kanda ulu! Balaw nida pagtanggapun kang manga pag-itudlu sa kanda.

Hirimyas 19:15

“Pagpatingi kamu, dahil inda ti pagsabihun Panginuun Makamaskihan, ti Diyus Israil: Ipadara niku sa inda pag banwa hanggan sa manga baryu sa kay kalibut ti pagsabihun niku pag parusa dahil maganit kanda ulu ag dayu sida mamatingi sa manga pagsabihun niku.”

Hirimyas 22:21

Pinakan-an niku kamu pasandam kaybi sa mayad waya kanyu kahamtangan, dapat unman kamu namatingi. Ungud katunda ti ugali niyu ginan kaybi sa anak waya kamu; unman gid kamu magsunud sa kangku.

Hirimyas 25:3

Sa sulud 23 ka timpu ginan sa ika-13 pag timpu kay maghari sa Huda ni Husyas kay anak ni Hari Amun tugka taynguna, ti Panginuun maghampang sa kangku. Ag parargu waydi pagsabihun niku sa kanyu ti pag-ipasabi niya, dapat unman kamu namatingi.

Hirimyas 25:7

Dapat unman kamu namatingi sa Panginuun. Lalu waya niyu siya ginalit sa panab-anan manga binuwat niyu diyus-diyusan. Nakan kamu diman ti nagdara parusa sa kanyu sadili.

Hirimyas 26:5

ag nu dayu kamu magpatingi sa pagsabihun manga manugsirbi niku pag purupita ti pirmi niku pagsuguun tag sa kanyu dapat unman niyu pagpatingihan,

Hirimyas 29:19

Dahil balaw nida pinatingihan kang manga bagaw ti pirmi niku pagsabihun sa kanda sa panab-anan niku manga manugsirbi pag manga purupita. Ag hanggan kamu pag manga binihag balaw diman naniwala.” Aku, ti Panginuun, ti magsabi inda.

Hirimyas 3:13

Akua lang nimu kanmu kasalanan, kuntay naglaban kawu sa kangku, sa Panginuun nimu Diyus, hanggan sa pagsunud nimu sa tuhay pag manga diyus sa panab-anan pagsamba sa kanda sa sirung kada maraybung pag puun kayu. Akua nimu kuntay unman kawu nagsunud sa kangku. Aku, ti Panginuun, ti magsabi inda.’ ”

Hirimyas 32:23

Nagbaliw kanda inda dapat unman sida nagsunud sa kanmu ngatay sa kanmu manga kasuguan, bag-u balaw nida binuwat ti pag-ipabuwat nimu sa kanda. Nakan pinadaran-an nimu sida kadamhakan.

Hirimyas 34:14

‘Sa kada rumas-ug ti ikapitu pag timpu, kailangan palpasan niyu kanyu kaparihu Hudiyu ipinabili sa kanyu bilang panawuhun. Kailangan niyu sida palpasan pagkatapus nida magsirbi sa kanyu unum ka timpu.’ Dapat unman aku sinunud niyu manga ginurang.

Hirimyas 35:15

sa panab-anan manga manugsirbi niku purupita. Pagsabihun nida sa kanyu, ‘Patlikudi yi niyu kanyu manga daut ugali, bag-uhun yi niyu kanyu magpangabuhi, ag danga yi kamu magsamba sa manga diyus-diyusan, hampay parargu kamu mangulian sa iinayaw niku pag daga sa kanyu ag sa kanyu manga ginurang.’ Dapat unman kamu nagpasnu ngatay nagsunud sa kangku.

Hirimyas 35:17

Nakan aku, ti Panginuun Diyus Makamaskihan, ti Diyus Israil, magsabi: ‘Pagpatingi kamu! Kamu pag manga taga Huda ag Hirusalim. Paras-ugun niku sa kanyu ti pagsabihun niku pag kadamhakan laban sa kanyu. Nagpakihampang aku sa kanyu dapat unman kamu namatingi, nagtawag aku sa kanyu dapat unman kamu sinmagut.’ ”

Hirimyas 44:16

“Balaw kami magpasnu sa manga pagsabihun nimu sa kanmi sa ngaran Panginuun!

Hirimyas 5:3

Bag-u magkun aku, “Panginuun, magligaw duy kawu tawu matinupadun. Pinakurian nimu duy kanmu manga nasakupan dapat balaw mahalaga inda sa kanda. Pinarusahan nimu sida dapat dayu sida magpatudlu. Pinaganit nida kanda manga tagipusuun, dayu sida mag-ampu.

Hirimyas 6:10

Namaingana aku, “Dapat Panginuun, si unu duy kang pakan-an pasandam? Si unu duy nguna ti mamatingi sa kangku? Pinut-an duy nida kanda manga tuli hampay balaw sida makadnug. Pagkadat-an duy nida ti bagaw Panginuun, nakan dayu sida mamatingi.

Hirimyas 6:17

Nagpauli aku manga manugbantay bag-u magkun sa kanyu, ‘Patingihi niyu ti tunug budyung bilang pasandam.’ Dapat magkun kamu, ‘Balaw kami mamatingi.’

Hirimyas 7:24

“Pat-ay unman sinunud nida ngatay pinansin kang manga pagkumnun sa kanda. Bagkus ngap, sinunud nida ti gustu maraganit ag daut nida tagipusuun. Bagkus ngap, lalu waya sida nagpakarayu sa kangku.

Hirimyas 9:13

Sinmagut ti Panginuun, “Nangyari inda dahil unman nida sinunud ti manga sugu ipinakaun niku sa kanda. Balaw sida nagsunud sa kangku una sa manga sinugu niku.

Isikil 12:2

“Anak tawu, mag-ulian kawu kaibahan sa manga maglaban pag nasakupan. May manga mata sida dapat balaw makakit, may manga tuli sida dapat balaw makadnug, dahil manga maglaban sida pag nasakupan.

Isikil 12:3

Nakan anak tawu, pagpakakit kawu ga sa pagbihagun kawu. Pag-alistu kawu kanmu dararan-un ag paglakaw sa tuhay pag rugar. Buwata inda sa sirang hampay makitan manga tawu. Barang sa panab-anan waya inda maisip nida manga maglaban sida pag nasakupan.

Isikil 20:30

“Taynguna, sabihi ti nasakupan Israil aku, ti Panginuun Diyus, magbagaw: ‘Dagtaan diman aw lugud niyu kanyu sadili parihu sa binwat niyu manga ginurang, ag mansamba diman aw lugud kamu sa kanda mayagting pag manga diyus-diyusan?

Danyil 9:6

Unman kami namatingi sa kanmu manugsirbi pag manga purupita, kanmu sinugu manhampang sa kanmi manga hari, manga takinan, manga paggurangunun hanggan sa tanan nasakupan Israil.

Husyas 11:7

Sida kang nasakupan nagpasya yi pumakarayu sa kangku. Nakan una waya manawag sida tanan sa kangku, balaw niku awatan.

Sakaryas 7:11

“Dapat unman gid nida pinahalgaan kang sinabi. Binugyahan nida inda ag unman nida pinatingihan.

Malakyas 3:7

Parihu kamu sa kanyu manga ginurang; unman kamu nagsunud ag nagtupad sa kang manga surundanun. Kainda, pagbalik kamu sa kangku, sa Panginuun Makamaskihan, ag bumalik aku sa kanyu. Dapat magpaingana waya kamu, ‘Kabitay kami makabalik sa kanmu?’

Matiyu 21:38

Dapat pagka nakitan manga manugtarabahu ti anak nida amu, nagharampangan sida magkun, ‘Inda aban ti mumana ubasan, kanta yi matyun hampay kanta yi apuun kay ama pamana.’

Matiyu 23:32

Hala, tapusa yi lang niyu ti inumpisahan niyu ginurang kaybi.

Binwat 7:51

Sigi waya gid kan Istiban paalaala sa Katipunan manga Pinunu magkun, “Tutuu maganit kanyu manga ulu. Kanyu tagipusuun parihu lang ga tawu unman nagsarig sa Diyus. Unman niyu pagpatingihan ti katutuuhanan. Unman waydi kamu magpaniwala sa pagsabihun Ispiritu Banal. Parihu yi lang gid kamu ga kanyu manga ginurang.

Ruma 2:5

Dapat ay sa kaganitan nimu tagipusuun ud waydi mag-ampu sa kanmu kasalanan, pagpakadugangan nimu ti parusa kay ganti Diyus sa kanmu nu ipaburayhaw kay galit Diyus aban sa kaudasan niya matadlung pag sintinsiya.

Diyuturunumiyu 8:20

Parihu sa pagruris Panginuun sa manga nasyun sa kanyu atubangan, katunda diman rurisun niya kamu nu balaw kamu magsunud sa Panginuun niyu Diyus.