Hirimyas 7:23 - Hanunuu

²³ sinugu diman niku sida kaindaay: ‘Sundun niyu aku, aku bumaliw yi kanyu Diyus ag kamu bumaliw yi nasakupan niku. Mangabuhi kamu angay sa palakaw pag-isugu niku sa kanyu hampay mayad kanyu kahamtangan.’

Hirimyas 7:23 Iomraidhean Croise

Hub 36:11

Nu sumunud sida ag sumirbi sa kanya, mabuhi sida abunda ag masulung sa buu nida buhi.

Kanta 119:3

Unman sida magbuwat daut nu unman magsunud sida sa manga kagustuhan Diyus.

Kanta 40:6

Balaw nimu pagkaibgan ti tuhay-tuhay pag kalasi manga handug. Balaw kawu maghagad manga handug pagsunugun hanggan handug sa paglumpiyu. Bagkus ngap, binwat nimu aku matinupadun sa kanmu.

Kanta 81:13

Nu magpatingi lang mana kamu ag magsunud sa kang manga kagustuhan,

Pag-ighit 15:26

“Nu buu tagipusuun kamu sumunud sa kangku, ti Panginuun niyu Diyus, ag bumuwat mayad sa kang magbantay, ag sundun kang manga kasuguan hanggan surundanun, unman kamu padaran-an niku manga panakitun parihu sa ipinadara niku sa Ihiptu. Aku ti Panginuun kanyu manugbulung.”

Pag-ighit 16:32

Magkun sa kanda si Muysis, “Pag-isugu Panginuun paghamnu kamu usa ka gantang mana para sa sunud pag manga sinulput tawu, hampay makitan nida ti karan-unun ipinakaun niya sa kanyu sa pangawakawaan pagka ipinalwas niya kamu sa Ihiptu.”

Isayas 3:10

Sabihun niyu sa manga matadlung mapalad sida, dahil anihun nida ti burak manga mayad buwat nida.

Hirimyas 11:4

Isinugu niku inda sa kanyu manga ginurang pagka sa sirang ipinalwas niku sida sa Ihiptu, sa rugar ga maglabdaban pugun turunawan baul. Magkun aku sa kanda, ‘Nu sundun niyu aku hanggan ti tanan niku pag-isugu, kamu kang yi nasakupan ag aku yi kanyu Diyus.

Hirimyas 11:7

Sa udas ipinalwas niku kanyu manga ginurang sa daga Ihiptu taynguna tugka pag sirang, paulit-ulit niku sida pagbilinan kuntay kailangan nida aku sundun.

Hirimyas 13:11

Nu kabitay mana ti huragkus mahawudan maghut sa awak tawu, gustu diman mana niku ti tanan nasakupan Israil hanggan Huda mihawud maghut sa kangku. Pinili niku sida hampay dayawun nida aku ag galangun, dapat dayu sida mamatingi sa kangku. Aku, ti Panginuun ti magsabi inda.”

Hirimyas 22:21

Pinakan-an niku kamu pasandam kaybi sa mayad waya kanyu kahamtangan, dapat unman kamu namatingi. Ungud katunda ti ugali niyu ginan kaybi sa anak waya kamu; unman gid kamu magsunud sa kangku.

Hirimyas 22:3

Inda ti pagsabihun Panginuun: Ilantag niyu ti katadlungan hanggan ti katuwiran. Awati niyu ti manga tinakawan, iribri niyu sida sa kamang manga tawu mag-api sa kanda. Danga niyu paghigpiti ngatay pag sakti ti manga day-uhan, ulila hanggan manga buranday mag-uli kaibahan niyu. Danga diman kamu magmatay sa manga tawu unman may kasalanan.

Hirimyas 24:7

Pakan-an niku sida tagipusuun makakilala sa kangku kuntay aku ti Panginuun. Sida kang yi nasakupan ag aku kanda yi Diyus, dahil bumalik yi sida sa kangku sa buu nida tagipusuun.

Hirimyas 31:33

Magkun waya ti Panginuun, “Inda ti bag-u pag kasunduan kang buwatun sa manga taga Israil sa aratubangun pag udas: Ipauli niku ti manga kasuguan niku sa kanda manga naisipan ag isurat niku inda sa kanda manga tagipusuun. Aku bumaliw Diyus nida ag sida bumaliw manga nasakupan niku.

Hirimyas 32:23

Nagbaliw kanda inda dapat unman sida nagsunud sa kanmu ngatay sa kanmu manga kasuguan, bag-u balaw nida binuwat ti pag-ipabuwat nimu sa kanda. Nakan pinadaran-an nimu sida kadamhakan.

Hirimyas 38:20

Magkun si Hirimyas, “Balaw duy kawu ipakaun sa kanda nu sundun lang nimu ti Panginuun. Maribri di duy kanmu buhi ag unman may una hintay ti mangyari sa kanmu.

Hirimyas 42:6

Magustuhan nimi una unman, basta sundun nimi ti sabihun Panginuun nimi Diyus, hampay bumaliw mayad ti tanan sa kanmi.”

Sipanyas 3:2

Unman sida magpatingi una sa kantapu, ag dayu sida magpatudlu. Unman sida magsarig sa Panginuun kanda Diyus, unman magdangup sa kanya.

Sakaryas 6:15

May manga tawu rumas-ug sa Israil ginan sa arayu pag rugar mangawat sa pagpatindug sa Balay Diyus Panginuun. Nu mangyari yi inda, maalaman niyu ti Panginuun Makamaskihan imaw ti nagpadara sa kangku tag sa kanyu. Ag mangyari gid inda nu sundun niyu mayad ti Panginuun niyu Diyus.

Sakaryas 7:7

Inda diman pag tultulanun kang pagsabihun sa manga purupita kaybi, katpung abunda waya ti Hirusalim ag mayamu waya kay tawu hanggan sa manga banwa sa kay palibut, hanggan sa Nigib ag Sipila.”

Ruma 16:26

Taynguna bay tunda pag katutuuhanan niburayhaw yi ngap sa Kasuratan manga Purupita. Bag-u ti Diyus ti unman may katapusan imaw ti nagpatigayun hampay ipakilala tunda pag katutuuhanan sa tanan manga nasyun tawu agud sida sumarig sa Diyus ag sumunud sa kanya.

2 Kurintu 10:5

Dahil kanmi pagdautun ti salan pag manga baragawun, pagbinsilun nimi ti tanan magpalabaw laban sa kadunungan Diyus. Pagbihagun nimi ti kada pag-iisip hampay pasakup yi sa kan Kiristu.

Diyuturunumiyu 11:27

Papaladan kamu nu tupadun niyu ti manga sugu Panginuun niyu Diyus, ti pag-ipakaun niku sa kanyu kainda.

Diyuturunumiyu 13:4

Ti Panginuun lang kanyu Diyus ti sundun niyu ag igalang. Sunda siya hanggan kay manga sugu; sirbihi niyu siya ag pagsa kanya gid kamu.

Diyuturunumiyu 13:5

Matya tunda pag purupita ngatay manugtultul kahulugan tagin-up, dahil nagtudlu siya laban sa Panginuun niyu Diyus, ti nagpalwas sa kanyu sa Ihiptu hanggan nagribri sa kanyu sa pagkasuruguun. Inda pag tawu maggayak lang sa pagpakarayu sa kanyu sa manga palakaw pag-isugu Panginuun niyu Diyus kanyu sundun. Kailangan duraun niyu inda pag kadautan sa kanyu.

Diyuturunumiyu 30:2

Nu sa tunda pag udas bumalik nalub-anan kanmu hanggan kanyu manga anak sa Panginuun niyu Diyus, ag sundun niyu buu tagipusuun ag karadwa ti tanan pag-isugu niku sa kanyu kainda,

Diyuturunumiyu 30:20

Mahala niyu ti Panginuun niyu Diyus. Sunda niyu siya ag pagsa kanya di gid kamu, dahil siya kanyu buhi. Nu buwatun niyu inda, mabuhi kamu dugay ati sa daga kay itinaratu iayaw sa kanyu manga ginurang sa kanda ni Abraham, ni Isaak ag ni Hakub.”

Diyuturunumiyu 30:8

Sundun maan niyu ti Panginuun ag tupadun ti tanan niya manga sugu kang pag-ipakaun sa kanyu taynguna.

Diyuturunumiyu 4:10

Alalahanun niyu ti sirang tinmindug kamu sa atubangan Panginuun niyu Diyus ati sa Bantud Sinai, nu naan magkun siya sa kangku, ‘Tipunun nimu sa kang atubangan ti manga nasakupan para mamatingi sa kang manga pagsabihun hampay maanad sida maggalang sa kangku hanggan buhi waya sida, ag maitudlu nida inda sa kanda manga anak.’

Diyuturunumiyu 4:40

Tupada niyu kay manga sugu hanggan surundanun ipinakaun niku sa kanyu kainda, hampay balaw may daut mangyari sa kanyu tugka waya sa kanyu sinulput, ag hampay mabuhi kamu dugay sa daga pag-ipakaun Panginuun niyu Diyus agud maapu niyu inda hanggan waya aban.”

Diyuturunumiyu 5:16

“ ‘Paggalang kamu sa kanyu ama ag ina, angay sa kang pag-isugu sa kanyu, hampay mabuhi kamu dugay ag hampay mayad kanyu kahamtangan sa pag-ipakaun niku pag daga sa kanyu.

Diyuturunumiyu 5:29

Mana pag magsunud pirmi sida sa kangku ag magtupad sa kang manga sugu hampay mayad ti kahamtangan nida hanggan nida manga sinulput hanggan waya aban.

Diyuturunumiyu 5:33

Pagkabuhi kamu angay sa sugu Panginuun niyu Diyus sa kanyu hampay mabuhi kamu dugay ag abunda ati sa manahun niyu pag daga.”

Diyuturunumiyu 6:3

Pagpatingi kamu, manga nasakupan Israil, ag sunda niyu kaayad kay manga sugu hampay mayad kanyu kahamtangan ati ag hampay lalu waya kamu yumamu sa marinu ag abunda pag daga, angay sa itinaratu sa kanyu Panginuun, ti Diyus niyu manga ginurang.

Hibriyu 5:9

Natupad yi niya ti buu kagustuhan Diyus. Nakan ginan sa kanya pag makatanggap karibrihan unman may katapusan ti manga tawu nu magpaniwala sa kanya;

1 Samwil 15:22

Dapat nagsagut si Samwil, “Magbaya aw lugud ti Panginuun sa manga handug niyu kaysa pagsunud sa kanya? Ti pagsunud sa Panginuun mas mayad man kaysa manga handug. Ti pagpatingi sa kanya mas mayad man kaysa paghandug manga taba karanidu.