Hirimyas 7:11 - Hanunuu

¹¹ Hayga, unu kanyu hantup inda pag Balay Diyus kang pinili agud sambahun aku, paratag-an aw manga mananakaw? Mag-akitan niku ti manga pagbuwatun sa Balay Diyus. Aku, ti Panginuun, ti magsabi inda.

Hirimyas 7:11 Iomraidhean Croise

2 Krunika 6:33

patingihi nimu sida asan sa kanmu ulian sa langit. Ag buwata una hintay ti paghagadun nida, hampay ti tanan tawu sa kalibutan kumilala sa kanmu ag gumalang parihu sa kanmu manga nasakupan Israilita. Ag hampay maalaman nida pagdayawun kawu sa inda pag Balay Diyus kang ipinatindug.

Isayas 1:12

Si unu ti nagsugu sa kanyu kuntay daran-a inda tanan nu magsamba kamu sa kangku? Si unu ti nagsugu sa kanyu pagtata sa kang Balay?

Isayas 56:7

Darahun niku sida sa kang banal pag bantud ag ati pag pasulungun sa kang balay dararanginan. Tanggapun niku sa kang harandugan kanda manga handug pagsunugun hanggan ti tuhay waya pag handug, dahil kang Balay Diyus ingarnan balay dararanginan manga tawu ginan sa tanan nasyun.”

Hirimyas 2:34

Ti manga rutay niyu may dagta dugu manga tawu unman may kasalanan ag manga pugri. Minatay niyu sida una unman niyu sida natakdan sinmulud sa kanyu manga balay hampay manakaw. Dapat ay una binuwat niyu inda,

Hirimyas 23:24

Una si unu unman may makapatagu sa kangku una naan pag lihim rugar mag-akitan di niku. Balaw aw alam niyu kuntay aku ati sa langit, asan sa daga ag una naan? Aku, ti Panginuun, ti magsabi inda.

Hirimyas 29:23

Mangyari inda sa kanda dahil nagbuwat sida manga mayagting pag bagay sa Israil. Nanguragin sida sa asawa nida kaparihu ag nagbagaw kapudilan sa ngaran niku balaw kang pag-isugu kuntay buwatun nida. Magkaalaman niku kanda manga pagbuwatun, bag-u makapatutuu aku laban sa kanda. Aku, ti Panginuun, ti magsabi inda.”

Hirimyas 7:10

Bag-u pumakarani kamu ag tumindug sa atubangan niku sitay sa Balay Diyus, nu naan pagdayawun ti ngaran niku. Sabihun niyu, “Ribri kita sitay”. Pagkatapus, pagbuwatun yi maan niyu ti mayagting pag manga buruwatun.

Isikil 35:13

Nagpadayaw diman kamu ag una wadi unu kanyu pagbagawun laban sa kangku, bag-u nasaydan diman niku inda.

Danyil 9:18

Diyus, patingihi aku. Bantayi kanmi kaawaawa pag kahamtangan hanggan ti pagkadaut nimu banwa nu naan pagkilalan-un kanmu ngaran. Unman kami magdarangin sa kanmu dahil matadlung kami, nu unman dahil alam nimi kuntay maawaun gid kawu.

Matiyu 21:13

Sinabi ni Hisus sa kanda, “Nisurat sa Banal Kasuratan magkun, ‘Kang balay ingarnan balay darangin. Dapat binwat ngap niyu paratag-an manga mananakaw!’”

Markus 11:17

Bag-u nanudlu siya sa manga tawu magkun, “Unman aw nisurat sa Banal Kasuratan magkun, ‘Kang balay ingarnan balay dararanginan tanan manga nasyun.’ Dapat binwat ngap niyu paratag-an manga mananakaw.”

Huwan 2:16

Sinabihan niya ti manga magpabili kalampati magkun, “Bul-a niyu tunda atay ginan. Danga yi niyu pagbuwata palingkihan ti balay niku Ama.”

Hibriyu 4:13

Unman may milihim sa Diyus. Ti tanan nabulwat ag niburayhaw sa kay magbantay, ag sa kanya kita may saragtun.