Hirimyas 7:10 - Hanunuu

¹⁰ Bag-u pumakarani kamu ag tumindug sa atubangan niku sitay sa Balay Diyus, nu naan pagdayawun ti ngaran niku. Sabihun niyu, “Ribri kita sitay”. Pagkatapus, pagbuwatun yi maan niyu ti mayagting pag manga buruwatun.

Hirimyas 7:10 Iomraidhean Croise

1 Hari 9:3

Magkun ti Panginuun sa kanya, “Nasaydan niku kanmu darangin hanggan paghagadun sa kangku. Inda pag Balay Diyus kanmu ipinatindug pinili niku bilang rugar nu naan pag dayawun aku hanggan aban. Bantayan niku inda ag pirmi alagaan.

2 Hari 21:4

Namabwat waya gid siya manga harandugan sa Balay Diyus Panginuun, angay sa Panginuun, ti Balay Diyus sa Hirusalim imaw ti rugar nu naan pag dayawun siya.

2 Krunika 33:4

Nagpabuwat waya gid siya manga harandugan sa Balay Diyus Panginuun, sa Hirusalim, angay sa Panginuun ti rugar nu naan pagdayawun siya tugka aban.

2 Krunika 33:7

Ipinauli niya sa Balay Diyus ti histuda kay ipinabwat, nu naan magkun ti Panginuun sa kan Dabid ag sa kay anak kan Sulumun, “Dayawun aku tugka aban sa inda pag Balay Diyus ag sa Hirusalim, ti rugar niku pinili ginan sa tanan rugar manga linahi ni Israil.

Kabagawan 15:8

Pagkadat-an Panginuun ti manga handug manga daut pag tawu, dapat magbaya siya sa manga darangin manga matadlung.

Isayas 48:2

Pagsabihun waya niyu kamu manga nasakupan banal pag banwa, ag magpaniwala kamu sa Diyus Israil, kay ngaran Panginuun Makamaskihan.”

Hirimyas 32:34

Inuringan nida ti Balay Diyus niku nu naan pagdayawun ti ngaran niku. Ipinauli nida ati ti manga diyus-diyusan mayagting.

Hirimyas 34:15

Katpung sa nakalawuy pag manga sirang, nag-ampu kamu ag binuwat niyu ti matadlung sa kang magbantay. Nagpasnu kamu tanan kuntay palpasan kanyu manga kasimanwa kanyu binuwat panawuhun. Nagbuwat waya ngani kamu kasunduan sa kangku tungkul siyun ati gid ngap sa Balay Diyus nu naan niyu pagdayawun kang ngaran.

Hirimyas 44:9

Nalimtan yi aw niyu ti manga kadautan binwat niyu manga kaumputan, manga hari, manga rayna sa Huda, ti manga kadautan binwat niyu hanggan niyu manga asawa sa daga Huda ag Hirusalim?

Hirimyas 7:11

Hayga, unu kanyu hantup inda pag Balay Diyus kang pinili agud sambahun aku, paratag-an aw manga mananakaw? Mag-akitan niku ti manga pagbuwatun sa Balay Diyus. Aku, ti Panginuun, ti magsabi inda.

Hirimyas 7:14

Nakan nu hintay kang binwat sa Silu buwatun diman niku sa inda pag Balay Diyus, kang pinili hampay sambahun aku, ti pagsarigan niyu pag Balay Diyus kang ipinakaun sa kanyu hanggan sa kanyu manga ginurang.

Hirimyas 7:30

Magkun ti Panginuun, “Nagbuwat daut ti nasakupan Huda. Ipinauli nida ti manga mayagting nida pag manga diyus-diyusan ati sa Balay Diyus, ti pinili niku pag rugar nu naan aku pag sambahun, nakan nauringan inda.

Isikil 20:39

Magkun waya gid ti Panginuun Diyus sa nasakupan Israil, “Sigi, parargu kamu sa pagsirbi sa kanyu manga diyus-diyusan nu balaw kamu magkaibug sumunud sa kangku. Dapat rumas-ug ti udas balaw yi gid niyu pakay-ahun kang ngaran sa panab-anan pagsagda sa kanyu manga diyus-diyusan.

Isikil 23:29

Parusahan kawu nida sa kanda kahigpitan, ag bul-un nida ti tanan nimu manga pinanbudlayan. Tayakan kawu nida uba, ag makitan manga tawu ti makakaray-a pag kahamtangan nimu dahil sa kanmu mahalay pag buruwatun ti pagpabili sa kanmu bilug.

Isikil 23:37

Dahil nanguragin sida ag nanpanmatay. Nanguragin sida sa pagsamba sa manga diyus-diyusan, ag kanda manga anak, ipinablag nida sa kangku katpung iinanak sida, ihinandug nida sa manga diyus-diyusan bilang karan-unun inda.

Isikil 33:25

Sabihi nimu aku, ti Panginuun Diyus magkun: ‘Kanyu aw isip kamu ti umapu tunda pag daga una magkaun kamu taguban may dugu waya, ag magsamba sa kanyu manga diyus-diyusan, bag-u magpanmatay tawu?

Isikil 33:31

Nakan magpakarani kang nasakupan sa kanmu ag ga magkaibug gid sida magpatingi sa kanmu, dapat kay tutuu unman nida pagtupadun kanmu pagsabihun. Mayad lang sida magbagaw kuntay pagmahalun nida aku, dapat ti sa sulud nida tagipusuun imaw ti maramuun sa kuwarta.

Isikil 5:11

Aku, ti buhi pag Panginuun Diyus, magsumpa kang ipadamhak kamu sa unman may pangaawa dahil inuringan niyu kang Balay Diyus sa panab-anan pagsamba sa manga diyus-diyusan hanggan pagbuwat mayagting pag manga bagay.

Danyil 9:18

Diyus, patingihi aku. Bantayi kanmi kaawaawa pag kahamtangan hanggan ti pagkadaut nimu banwa nu naan pagkilalan-un kanmu ngaran. Unman kami magdarangin sa kanmu dahil matadlung kami, nu unman dahil alam nimi kuntay maawaun gid kawu.

Husyas 6:9

Kanyu manga manughandug ga gurupu manga tulisan magtanud kanda unu-unuhun. Magmatay sida sa dalan atabug sa Sikim, ag una wadi hintay pag makakaray-a buwat kanda pagbuwatun.

Amus 4:5

Pagsunug kamu tinapay may pamadaka bilang handug pasalamat sa kangku. Malu, ipadayaw niyu tunda hanggan kanyu manga buluntad pag handug, dahil tunda kanyu pagkaibgan buwatun. Aku, ti Panginuun Diyus, ti magsabi inda.

Sipanyas 1:5

Papasun diman niku ti manga tawu magdayik sa bubungan nida manga balay hampay mansamba sa init, sa bulan, hanggan sa manga pamgasan. Papasun niku ti manga magsamba ag magpanumpa mansirbi sa kangku, dapat magpanumpa diman mansirbi sa diyus-diyusan sa kan Muluk.

Malakyas 3:15

Masabi waya ngani nita mapalad ti mayabang pag manga tawu. Sa kay tutuu, sida ti manga magbuwat daut mag-unlad. Una pagsubukan nida ti Diyus unman diman sida pagparusahan.’ ”

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

Huwan 13:18

“Inda kang manga pagsabihun bukun tungkul sa kanyu tanan. Kilala di niku daan nu hintay pag manga tawu kang pinili. Dapat kailangan tupadun ti pagsabihun sa Banal Kasuratan magkun, ‘Tunda pag tawu ti kasaru niku sa lamak, imaw yi ngap ti nagdayi sa kangku.’

Huwan 18:28

Pagka surip yi dinara nida si Hisus ginan sa kan Kaipas balay tag sa balay gubirnadur. Ti manga pinunu Hudiyu unman nagsaka, dahil daut sa kanda tun-anun nu sumaka sa balay balaw Hudiyu, barang unman sida mahimu makakaun sa karan-an sa Pag-alaala sa Karibrihan.