Hirimyas 6:7 - Hanunuu

⁷ Parihu sa bulbugan parargu kay magbulus danum, parargu diman kay magbuwat kadautan. Pirmi magkabaritaan sa inda pag banwa ti kadautan hanggan ti magpanrangga. Pirmi niku mag-akitan ti manga panakitun hanggan manga biyag nida.

Hirimyas 6:7 Iomraidhean Croise

Kabagawan 4:23

Alagai kaayad kanmu isip, dahil nu hintay kanmu pag-isipun imaw diman kanmu buhi.

Isayas 1:6

Ginan sa ulu tugka sa raprapa, pasay yi biyag, lahub ag magkarabaga. Unman may mag-ugas, ngatay magtampul, ngatay magbulung.

Isayas 57:20

Dapat ti daut ud may kahusayan. Parihu sida sa humbak dagat magdara lutuk hanggan manga uring tag sa baybay.

Hirimyas 20:8

Nu magbagaw aku, pag-ihuyaw niku ti itinultul nimu Panginuun tungkul sa karansa ag pagkawayak. Dahil sa ipagpasabi nimu inda, pagkasarin-an duy nida aku ag pagsurugun.

Hirimyas 30:12

Magkun waya ti Panginuun sa kay manga nasakupan, “Ungud dilikadu yi kanyu manga biyag ag balaw yi umayad. Udyi may makaawat ngatay makabulung sa kanyu. Udyi diman may bulung para sa kanyu.

Hirimyas 30:15

Danga kamu magdangup kuntay balaw yi mag-ayad kanyu biyag. Pagparusahan niku kamu dahil masyadu ag mayamu kanyu kasalanan.

Hirimyas 32:31

Ginan sa itinindug inda pag banwa tugka taynguna, paggalitun di aku manga nasakupan sitay. Nakan wayakun yi niku inda.

Hirimyas 8:22

Udyi aw may bulung sa Gilyad? Udyi aw may manugbulung ati? Hayga unman mag-ayad ti biyag manga kasimanwa niku?

Isikil 21:29

Balaw tutuu ti manga ipinakakit ag manga hula kanyu nasaydan tungkul sa baladaw. Kay tutuu, alistu yi ti baladaw sa pagpulud liug manga daut pag tawu. Ti udas pagparusa sa kanda nagras-ug yi.

Isikil 24:7

Dahil kay pagmatay alam tanan. Ti dugu manga minatay niya pinabay-anan lang sa manga batu makitan tanan. Unman gid niya inda tinabunan daga.

Isikil 45:9

Dahil aku, ti Panginuun Diyus, magkun: Kamu pag manga takinan Israil, subra yi kanyu pagbuwatun! Apasi yi niyu kanyu mag-unuunu ag pagpan-api, ag buwata niyu ti matadlung ag hustu. Danga yi niyu pagbul-a ti daga niku nasakupan.

Isikil 7:11

Kanda kahigpitan bumalik sa kanda bilang parusa sa kanda kadautan. Unman may masawad sa kanda, ag ti tanan nida kayamanan malyam.

Isikil 7:23

“Bihagun kang nasakupan dahil pirmi lang may magmaratyan ag kahigpitan sa kanda banwa.

Sipanyas 3:1

Magkun si Sipanyas, “Kaawaawa ti Hirusalim! Ti manga nasakupan niya manuglaban sa Diyus ag magbuwat mayagting pag manga bagay. Kay manga takinan maihid-ihid.