Hirimyas 6:29 - Hanunuu

²⁹ Pagpainitun masyadu ti pugun hampay lunsayun ti galang ginan sa timga malakayan. Dapat unman diman nalunsay ti galang. Katida diman kang nasakupan, unman diman may pulus ti paglunsay sa kanda, dahil unman diman lubus nab-ul kanda kadautan.

Hirimyas 6:29 Iomraidhean Croise

Kabagawan 17:3

Pagsubukan Panginuun kanta tagipusuun parihu sa gintu ag pilak pag-ipalakaw sa apuy nu ungud lunsay ngatay unman.

Isayas 49:4

Dapat magkun aku, “Kang kakurian unman may pulus; inuyang niku kang kabisugan sa ud may pulus.” Dapat iinintirga niku inda sa Panginuun niku Diyus. Siya ti mamakaun pirimyu sa kang manga binwat.

Hirimyas 15:19

Nakan magkun sa kangku ti Panginuun, “Nu umampu kawu, pabalikun maan niku kawu sa arani niku hampay parargu di kawu makasirbi sa kangku. Nu mamagaw kawu manga matadlung pag bagay ag amanan ti manga bagay unman may pulus, buwatun maan niku kawu kang manugbagaw. Kailangan sida ti pumakarani sa kanmu, ag balaw kawu ti pakarani sa kanda.

Hirimyas 9:7

Nakan aku, ti Panginuun Makamaskihan, magkun lunsayun niku sida ga baul ag subukun. Hintay waya kang mabuwat sa kanda?

Isikil 24:12

Dapat una waya unhun nimu, ti kalawang unman gid mab-ul apuy.’

Isikil 24:13

“Hirusalim, kanmu binwat kahalayan ti nagpauring sa kanmu. Sinikap niku linisun kawu, dapat dayu kawu magpalinis. Nakan pumirmaminti kawu mauring tugka sa unman madura kang pangagalit sa kanmu.

Husyas 11:7

Sida kang nasakupan nagpasya yi pumakarayu sa kangku. Nakan una waya manawag sida tanan sa kangku, balaw niku awatan.

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.

1 Pidru 4:12

Mahal niku pag manga patar-ari, danga niyu kadulawan ti manga mabuyat pagsubuk kanyu magkalakawan. Kanyu aw lugud isip kamu lang ti pagsubukan?

Talaghusay 17:4

Bag-u nagbuul kay ina 200 pilak ag ipinakaun sa manugpanday pilak. Ag ginamit inda manugpanday pilak panpahaklup sa diyus-diyusan kayu. Pagka natapus yi, ipinauli inda pag diyus-diyusan sa balay ni Mikas.