Hirimyas 6:21 - Hanunuu

²¹ Nakan aku, ti Panginuun magsabi kuntay mamauli aku karadayaanan sa lakawan tunda pag manga tawu. Nakan magpu ti manga ama, hanggan kay manga anak lalaki, una ti manga magkakilala ag manga kamalay.”

Hirimyas 6:21 Iomraidhean Croise

2 Krunika 36:17

Ipinagira niya sida sa manga taga Babilunya. Pinanmatay manga taga Babilunya kanda manga kalay-awan lalaki una sa Balay Diyus. Unman gid sida may pangaawa una sa kantapu, lalaki man ngatay babayi, anak man ngatay gurangun, masakitun man ngatay bukun. Ipinabahala Diyus ti tanan niya nasakupan kan Nabukudunusur.

Isayas 8:14

Aku ti kanyu palalan-iban. Dapat sa manga taga Israil ag taga Huda, parihu aku sa usa ka batu karadayaanan makapatalakpa sa kanda. Ag para sa manga taga Hirusalim, parihu aku sa usa ka suduk.

Isayas 8:15

Mayamu sa kanda ti madayaan, mitalakpa ag midamhak. Masduk sida ag mablay.”

Hirimyas 13:14

Panlintugun niku sida sa usa kag usa, ti gurang ag ti anak. Balaw gid aku maawa sa pagmatay sa kanda. Aku, ti Panginuun ti magsabi inda.’ ”

Hirimyas 13:16

Dayawa niyu ti Panginuun niyu Diyus habang udwaya niya pag-ipadara ti kadudulman, ag habang udwaya kamu mag-italakpa sa madlum pag manga bantud. Ti rayaw pagsarigan niyu buwatun niya pingit pag kadudulman.

Hirimyas 18:21

Dapat taynguna, pabay-ani duy nimu mamatay kanda manga anak sa lun-us hanggan sa girahan. Pabay-ani nimu maburanday ti manga babayi ag madura kanda manga anak. Pabay-ani duy nimu mamatay kanda manga lalaki sa sakit hanggan ti manga kalay-awan lalaki sa girahan.

Hirimyas 18:23

Dapat alam duy nimu Panginuun ti tanan nida gayak manmatay sa kangku. Nakan danga duy nimu sida pagpatawada sa manga kasalanan ag kadautan nida. Pabay-ani sida matalu nida manga kalaban habang mabantayan lang kawu. Ipasamit nimu sa kanda kanmu pangagalit.”

Hirimyas 21:7

Ag kawu Sidikyas, hari sa Huda, kanmu manga takinan, hanggan ti manga nasakupan nasawad balaw namatay sa sarut, sa girahan, ngatay sa lun-us ipakaun niku sa kan Hari Nabukudunusur sa Babilunya ag sa kanyu iba manga kalaban. Bag-u panmatyun niya kamu unman may pangaawa. Aku, ti Panginuun, ti magsabi inda.’

Hirimyas 8:12

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.

Isikil 3:20

Nu ti matadlung pag tawu pumatlikud sa matadlung pag buhi ag nagpakadaut, pabay-anan niku siya mamatay. Nu unman nimu siya pinaandaman, mamatay siya dahil sa kay kasalanan, ag balaw niku alalahanun ti mayad pag manga binwat niya. Dapat sagtun nimu kay pagkamatay.

Isikil 5:10

Kan-un manga gurang kanda manga anak, ag kan-un manga anak kanda manga gurang. Parusahan gid niku kamu, ag ti manga masawad sa kanyu wayakun niku sa buu kalibutan.

Ruma 11:9

Sinabi diman ni Dabid, “Mana kanda manga kapistahan ga bitik, ga bintuka yi kanda karan-an, karadayaanun nida tag sa kaparusahan.

Ruma 9:33

imaw ti nisurat sa Banal Kasuratan magkun, “Nagpauli aku sa banwa Siun usa ka batu karadayaanun, laun pag batu kanda matalakpahan. Dapat balaw mibuyu una si unu pag tawu nu sumarig sa kanya.”

1 Pidru 2:8

Ag “Ibinugtang ti usa ka batu karadayaanun, laun pagka batu kanda matalakpahan.” Ga nadayaan yi ngani sida, dahil unman sida naniwala sa Bagaw Diyus. Tunda yi ngani ti inalistu para sa kanda.