Hirimyas 6:20 - Hanunuu

²⁰ Unman may halaga sa kangku kanda manga pag-isagda kamangyan una ginan waya inda sa Shiba, ngatay manga pamanglu ginan waya sa arayu pag rugar. Balaw niku tanggapun kanda manga handug pagsunugun. Unman aku magbaya sa kanda manga handug sa kangku.

Hirimyas 6:20 Iomraidhean Croise

2 Samwil 15:12

Habang maghandug si Absalum, ipinab-ul niya si Ahitupil ati sa banwa Gilu, usa sa manga manugpatigayun ni Dabid. Habang magdugay, mag-amat di magyamu ti manga magsunud sa kan Absalum, nakan lalu di nagbaskug kay gayak laban sa kan Dabid.

1 Hari 10:10

Bag-u pinakan-an niya si Hari Sulumun manga lima ka tunilada gintu, mayamu pag panlakay hanggan mahalaga pag manga batu. Unman gid may makatupung sa kayamuun panlakay ipinakaun rayna Shiba sa kan Hari Sulumun.

Kanta 40:6

Balaw nimu pagkaibgan ti tuhay-tuhay pag kalasi manga handug. Balaw kawu maghagad manga handug pagsunugun hanggan handug sa paglumpiyu. Bagkus ngap, binwat nimu aku matinupadun sa kanmu.

Kanta 66:3

Sabihi niyu siya, “Diyus, makadululaw gid kanmu manga buwat. Dahil sa kanmu daka pag kamaskihan, kanmu manga kalaban magluhud sa kanmu sa kadalaan.

Pag-ighit 30:23

“Pagbuul kawu pinakamayad pag manga panlakay: unum ka kilu mira, tulu ka kilu mabanglu sinamun, tulu ka kilu mabanglu kalamus,

Kabagawan 15:8

Pagkadat-an Panginuun ti manga handug manga daut pag tawu, dapat magbaya siya sa manga darangin manga matadlung.

Kabagawan 21:27

Pagkadat-an Panginuun ti handug manga daut pag tawu, lalu waya gid nu pag-isagda nida inda may gayak daut.

Isayas 1:11

Magkun siya, “Ud may kabuluhan sa kangku ti mayamu niyu handug. Sawa yi aku sa kanyu manga handug pagsunugun — manga karanidu hanggan taba manga hayup kanyu pinatabul. Balaw aku magbaya sa dugu manga tudu baka, manga karanidu, hanggan manga kambing.

Isayas 60:6

Mapnu kanmu daga manga kamilyu manga taga Midyan hanggan manga taga Ipa. Rumas-ug sida sa kanmu ginan sa Shiba may dara manga gintu hanggan manga kamangyan para sambahun ti Panginuun.

Isayas 66:3

Dapat ay kaindaay kang kundisyun sa manga tawu magsunud sa kanda sadili kagustuhan ag magbaya sa kanda pagbuwatun subra daut laban sa kangku: Nu manmatay sida baka hampay ihandug, kilalan-un niku sida ga nakamatay tawu. Nu manhandug sida karanidu kilalan-un niku sida ga nakamatay idu. Nu mangayaw sida handug bilang pakaun, kilalan-un niku ga nanagda sida dugu babuy. Ag nu magtuub sida kamangyan bilang pag-alaala sa kangku, kilalan-un niku magdayaw sida sa diyus-diyusan.

Hirimyas 14:10

Inda ti sagut Panginuun sa manga tawu: “Ungud magkaibug yi gid kamu pumakarayu sa kangku; sadili lang niyu kagustuhan kanyu pagsundun. Nakan balaw yi niku kamu tanggapun bilang kang manga nasakupan. Balaw niku malimtan kanyu manga kadautan ag parusahan niku kamu.”

Hirimyas 14:12

Una waya balaw sida manhandum karan-unun, balaw niku patingihan kanda maghagad awat sa kangku. Una manhandug waya sida manga handug pagsunugun ag handug pasalamat sa kangku, balaw niku tunda tanggapun. Bagkus ngap, matyun niku sida sa gira, lun-us, ag sarut.”

Isikil 20:39

Magkun waya gid ti Panginuun Diyus sa nasakupan Israil, “Sigi, parargu kamu sa pagsirbi sa kanyu manga diyus-diyusan nu balaw kamu magkaibug sumunud sa kangku. Dapat rumas-ug ti udas balaw yi gid niyu pakay-ahun kang ngaran sa panab-anan pagsagda sa kanyu manga diyus-diyusan.

Isikil 27:22

“ ‘Magnigusyu diman sa kanmu ti manga manugnigusyu Shiba hanggan Raama. Kanda ibinayad sa kanmu ti tanan pinakamarinu pag pamanglu, manga mahalaga pag manga batu hanggan gintu.

Husyas 8:13

Magsagda sida sa kangku bag-u kanda diman pagkan-un kanda handug manga taguban, dapat unman aku magbaya sa kanda. Taynguna, alalahanun niku kanda manga kadautan; parusahan niku sida dahil sa kanda manga kasalanan. Bumalik sida sa Ihiptu.

Husyas 9:4

Balaw yi kamu pasnuan maghandug intus sa Panginuun. Kanyu manga handug unman makapasulung sa kanya. Una si unu ti kumaun inda pag manga handug ipaparihu sa mauring, dahil tunda parihu lang sa karan-unun sa balay namatyan. Kanyu manga karan-unun para lang sa kanyu sadili; balaw inda mahimu maisagda sa Balay Panginuun.

Malakyas 1:10

Magkun ti Panginuun Makamaskihan, “Mana may usa sa kanyu sa manga manughandug ti tumalakup sa manga sabian niku Balay, hampay balaw yi kamu magpamakut unman may pulus pag apuy sa kang harandugan. Balaw niku tanggapun kanyu manga handug, dahil balaw aku magbaya sa kanyu.