Hirimyas 6:16 - Hanunuu

¹⁶ Inda waya ti pagsabihun Panginuun, “Pagtindug kamu sa pagsalakan dalan bag-u pagbantay kamu kaayad. Pagpaingana nu naan ti dalan ag mayad lakawan, bag-u ati kamu pag lumakaw. Ag magkaimaw kamu kahusayan. Dapat ay magkun kamu, ‘Dayu kami manlakaw siti.’

Hirimyas 6:16 Iomraidhean Croise

1 Hari 8:36

patingihi sida asan sa langit. Patawada sida kanmu manga suruguun, kanmu nasakupan manga Israilita. Tudlui sida matadlung pagpangabuhi, ag padaran-i uran ti ipinakaun nimu sa kanda pag daga kanda apuun.

2 Krunika 19:11

Nu may manga kasaba tungkul sa Panginuun unman niyu magkahusay, si Amarya pangulu manughandug imaw ti humusay inda. Ag nu may kasaba tungkul sa gubirnu unman niyu magkahusay, si Sibadyas kay anak ni Ismail ag takinan lahi ni Huda imaw ti humusay inda. Ti manga Libita mangawat sa kanyu hampay masiguradu maipalantag ti katadlungan. Pagpakarig-un kamu sa pagbuwat kanyu katungkulan. Mana giyahan Panginuun ti manga tawu magbuwat matadlung.”

Kanta 116:7

Kailangan magpakarig-un aku dahil mayad gid ti Panginuun sa kangku,

Isayas 2:5

Abala kamu, manga linahi ni Hakub, mangabuhi kita sa katutuuhanan ipinakaun Panginuun sa kanta.

Isayas 28:12

Kaindaay kay sabihun, “Malakawan niyu ti kapaharihan sa kanyu daga. Dapat balaw diman gid sida mamatingi.”

Isayas 30:21

ag masaydan kay busis magtudlu sa kanyu, “Inda ti hustu pag dalan, paglakaw kamu sitay.”

Isayas 46:9

Alalahana niyu kang manga binuwat kaybi sa un-an pag udas. Aku lang ti Diyus, udyi may iba pumarihu sa kangku.

Isayas 57:2

Dahil nu namatay ti tawu matadlung, may kahusayan yi siya.

Isayas 8:20

Ti kasuguan ag ti itinudlu Panginuun ti kailangan niyu patingihan. Nu may magsabi manga bagay salumpang sa manga pag-itudlu Panginuun, magkadluman waya kay naisipan tunda pag tawu.

Hirimyas 12:16

Basta nu tanggapun nida buu tagipusuun ti pagsarig niku manga nasakupan ag nu manumpa sida sa ngaran niku, parihu sa itinudlu nida sa manga nasakupan niku kuntay pagsumpa sa ngaran ni Baal, mahimu miminsan diman sida sa nasakupan niku.

Hirimyas 18:12

Dapat sumagut ti manga tawu, ‘Balaw mahimu! Iparargu diman nimi kanmi gustu; sundun nimi ti daut ag kaganitan nimi tagipusuun.’ ”

Hirimyas 18:15

Dapat kang manga nasakupan magkalimut yi sa kangku. Magsunug sida kamangyan sa manga diyus-diyusan unman may pulus. Nagpatlikud sida sa insaktu ag daan pag dalan, linmakaw sida sa balaw mayad pag dalan nu naan nitalakpa sida.

Hirimyas 2:25

“Manga Israilita, nabuslut yi kanyu manga lapak ag namara yi kanyu tululnan sa pagsunud niyu sa tuhay pag manga diyus. Dapat pagsabihun niyu, ‘Balaw nimi mahimu dayuun ti tuhay pag manga diyus. Pagmahalun nimi sida ag sumunud kami sa kanda.’

Hirimyas 22:21

Pinakan-an niku kamu pasandam kaybi sa mayad waya kanyu kahamtangan, dapat unman kamu namatingi. Ungud katunda ti ugali niyu ginan kaybi sa anak waya kamu; unman gid kamu magsunud sa kangku.

Hirimyas 31:21

“Pagpauli kamu tanda sa dalan. Tandai niyu kaayad kanyu paglakawan pag dalan dahil tunda diman pag dalan kanyu lakawan sa kanyu pagbalik. Israil parihu sa usa ka tugnaw pag babayi, pagbalik yi kamu sa kanyu manga banwa.

Hirimyas 42:3

Pandarangin kawu sa Panginuun nimu Diyus hampay sabihun niya sa kanmi nu naan tag kami ag hintay ti dapat nimi buwatun.”

Hirimyas 44:16

“Balaw kami magpasnu sa manga pagsabihun nimu sa kanmi sa ngaran Panginuun!

Hirimyas 50:5

Mamaingana sida sa dalan atabug sa Hirusalim ag umati sida. Mamuwat sida unman may katapusan pag kasunduan sa kangku, ag unman yi gid nida inda kalimtan.

Hirimyas 7:23

sinugu diman niku sida kaindaay: ‘Sundun niyu aku, aku bumaliw yi kanyu Diyus ag kamu bumaliw yi nasakupan niku. Mangabuhi kamu angay sa palakaw pag-isugu niku sa kanyu hampay mayad kanyu kahamtangan.’

Hirimyas 7:24

“Pat-ay unman sinunud nida ngatay pinansin kang manga pagkumnun sa kanda. Bagkus ngap, sinunud nida ti gustu maraganit ag daut nida tagipusuun. Bagkus ngap, lalu waya sida nagpakarayu sa kangku.

Hirimyas 7:3

Inda ti pagsabihun Panginuun, Makamaskihan pag Diyus Israil: Bag-uha yi niyu kanyu ugali hanggan pangabuhi, hampay parargu niku kamu patahanun sa inda pag daga.

Malakyas 4:4

“Tupada niyu ti ipinakaun pag Kasuguan niku suruguun ni Muysis. Inda pag manga sugu ag manga turupadun ipinakaun niku sa kanya ati sa Bantud Sinai hampay ipatupad sa tanan nasakupan Israil.

Lukas 16:29

Dapat magkun si Abraham, ‘Sa kanda diman ti Kasuratan ni Muysis hanggan manga purupita. Paniwalaan nida tunda.’

Huwan 12:35

Sinmagut si Hisus magkun, “Udyi madugay aban sa kanyu ti sulu. Paglakaw yi kamu hanggan sa kanyu waya ti sulu hampay balaw kamu matakdan dulum. Dahil nu ti tawu maglakaw sa madlum, unman niya alam kay patabgan.

Huwan 13:17

Nu naintindihan yi niyu inda pag manga katutuuhanan, masulung kamu nu kanyu tupadun.

Huwan 5:39

Pirmi diman pag-adalun niyu ti manga Banal Kasuratan dahil kanyu pag-isipun siyun kamu pag makakit buhi unman may katapusan. Tunda pag manga Banal Kasuratan tigpakilala nu si unu aku.

Binwat 17:11

Lalu waya mayad kahampang ti manga Hudiyu sa Biriya balaw lang ga sa Tisalunika. Lubus paggustuhan nida magpatingi sa kan Pablu tudlu. Sirang-sirang pag-usisahun gid nida ti Banal Kasuratan hampay maalaman nida nu ngatay tutuu kan Pablu pagsabihun nu ngatay unman.

Ruma 4:12

Katunda diman si Abraham ti pinagkagurang manga tinuri bukun lang dahil sida tinuri nu unman dahil sida magsarig parihu sa kanta ginurang sa kan Abraham nagsarig una udwaya tinuri.

Diyuturunumiyu 32:7

Alalahana niyu ti nakalawuy pag manga timpu; isip-isipa niyu ti manga nakalawuy pag sinulput-lahi. Paingan-a niyu kanyu manga ginurang nu hintay ti manga nangyari dahil itultul nida inda sa kanyu. Paingan-a niyu kanyu manga manugpamahala dahil itultul nida inda sa kanyu.

Kulusas 2:6

Nagpasakup yi kamu sa kan Kiristu Hisus sa kanyu Panginuun, nakan pag-ugali kamu magpakiusa sa kanya.

Hibriyu 11:2

Kaybi pag manga ginurang pagbayaun Diyus dahil sa kanda pagsarig.

Hibriyu 6:12

Nakan danga kamu magbugya. Huwada ngap niyu ti manga matiniisun sa kanda magsarig sa Diyus dahil sida ngani tigtanggap sa kay itinaratu Diyus.

Talaghusay 2:17

Dapat unman nida binati kanda manga takinan. Bagkus ngap, nagpatlikud sida sa Panginuun ag nagsamba sa tuhay pag manga diyus. Balaw sida parihu sa kanda manga ginurang dahil madali lang sida magpatlikud sa manga sugu Diyus, ti sinunud kaybi nida manga ginurang.