Hirimyas 6:14 - Hanunuu

¹⁴ Pagpabay-anan nida ti biyag niku manga nasakupan una masyadu yi. Pagsabihun di nida kuntay mayad di ti tanan una unman.

Hirimyas 6:14 Iomraidhean Croise

2 Samwil 17:3

ag ibalik niku sa kanmu ti tanan niya tawuhan parihu sa pagbalik lalaki sa kay asawa. Nu mamatay si Dabid, unman yi makalaban kay manga tawuhan.”

Isayas 1:6

Ginan sa ulu tugka sa raprapa, pasay yi biyag, lahub ag magkarabaga. Unman may mag-ugas, ngatay magtampul, ngatay magbulung.

Isayas 30:10

Magkun sida sa manga purupita, ‘Danga yi niyu sabihun sa kanmi ti tungkul sa manga ipinaburayhaw Diyus sa kanyu. Danga yi niyu sabihun sa kanmi ti matadlung. Sabihun niyu sa kanmi ti manga bagay makapasulung sa kanmi ag ti manga balaw matupad pag pangakakitun.

Isayas 30:26

Rumayaw ti bulan ga init. Ti init waydi rumayaw pitu ka dubli, parihu sa rayaw pitu ka init mininsan sa usa lang ka init. Mangyari inda sa sirang bulungun ag paayadun Panginuun ti biyag manga nasakupan niya.

Hirimyas 14:13

Dapat ay magkun aku, “Panginuun Diyus, alam duy nimu kuntay pirmi pagsabihun sa kanda manga purupita kuntay unman kunu may gira aw ngatay lun-us rumas-ug dahil magkun kunu kawu pakan-an nimu sida kahusayan sa kanda nasyun.”

Hirimyas 14:17

“Hirimyas, sabihun nimu inda sa manga tawu: Sirang yabi, unman may apas kang maglumi dahil garabi ti biyag niku manga nasakupan kang pagkilalan-un tugnaw pag anak, ag tutuu gid magkasaktan aku.

Hirimyas 23:17

Inda ti pirmi nida pagsabihun sa manga tawu dayu magpatingi sa kang manga bagaw ag magsunud sa maganit nida tagipusuun: ‘Bumaliw mayad kanyu kahamtangan. Unman may daut mangyari sa kanyu.’

Hirimyas 28:3

Sa sulud duwa ka timpu, ibalik yi niku sitay ti tanan garamitun sa kang Balay, ti bin-ul ni Hari Nabukudunusur ag dinara sa Babilunya.

Hirimyas 4:10

Pagkatapus magkun aku, “Panginuun Diyus, nadaya duy ti manga tawu sa sinabi nimu kaybi, dahil nanaratu kawu pirmaminti ti kahusayan sa Hirusalim. Dapat ti baladaw maaw nakaalistu yi mumatay sa kanmi.”

Hirimyas 5:12

Unman sida magbagaw tutuu tungkul sa kangku. Magkun sida, ‘Balaw kita pakurianan Panginuun! Unman may madala rumas-ug sa kanta. Unman diman may gira ngatay lun-us rumas-ug.’

Karukuan 2:14

Ti manga barita niyu manga purupita bukun tutuu, unman may kabuluhan ag magpatalang sa kanyu. Unman nida itinultul kanmu kasalanan hampay balaw mana kawu mabihag.

Isikil 13:10

“Inda pag manga purupita magpatalang sa kang nasakupan sa panab-anan pagsabi, ‘Mayad ti tanan’, dapat balaw maaw mayad. Ga parihu lang sa magpatindug ti manga tawu matpuk pag alad batu, ag paglitisun lang inda manga purupita.

Isikil 13:16

ti manga purupita Israil magpanhula bumaliw kunu mayad ti kahamtangan Hirusalim, una unman maaw. Aku, ti Panginuun Diyus, ti magsabi inda.

Isikil 13:22

“Pagparukuun niyu ti manga matadlung sa panab-anan niyu kapudilan, una aku ngani mismu unman nagparuku sa kanda. Paggaryahun niyu ti manga daut danga sida mag-apas sa kanda daut pag buruwatun sa panab-anan pagtaratu sa kanda kuntay maribri sida sa kamatayan.

Isikil 14:9

“Dapat nu ti usa ka purupita naibug pumakaun sa inda pag tawu paanyu ginan sa kangku, inda dahil aku, ti Panginuun, imaw ti nagdaya sa kanya. Parusahan niku siya ag ipasaman sa kang nasakupan manga Israilita.

Mikas 2:11

Kanyu pagkaibgan pag manugbarita imaw ti manugbarita unman may pulus, maradaya, pudilun, ag kaindaay kay pagsabihun: ‘Umabunda kamu sa intus ag sa iba waya pag manga irinmun.’ ”

Mikas 3:5

“Inda waydi ti pagsabihun Panginuun tungkul sa manga purupita magdaya sa kay manga nasakupan, magtaratu mayad pag kahamtangan sa manga magsagpun sa kanda, dapat pagpadalaun nida sa kadamhakan ti dayu magsagpun sa kanda.

1 Tisalunika 5:3

Nu pagkumnun manga tawu, “Kita may kahusayan unman may pagkadalaan!” tunda ngap bigla pag mangyari ti kadamhakan. Dayu gid sida umiwas dahil inda mangyari parihu sa udas nu magpanamdam ti babayi manganak.

2 Pidru 2:1

Dapat kaybi may naglutaw diman sa nasakupan Israil manga pudilun pag purupita. Una sa kanyu may lumutaw diman aban manga pudilun pag manga manugtudlu. Itudlu nida sa lihim kanda salan pag manga adal, imaw tigdaut sa pagsarig manga tawu, pagdayuun nida ti Panginuun ti naglukat sa kanda. Nakan ngani bigla sida ipadamhak sa kamatayan.