Hirimyas 6:12 - Hanunuu

¹² Ipakaun sa iba kanda manga balay, hanggan ti manga tanman ag kanda manga asawa. Mangyari inda nu naparusahan yi niku ti manga mag-uli sa inda pag daga. Aku, ti Panginuun, ti magsabi inda.

Hirimyas 6:12 Iomraidhean Croise

1 Krunika 21:16

Nagtangda si Dabid ag nakitan niya ti anghil Panginuun matindugan sa pawa, sa karaw-an langit ag daga may paghiyaptan baladaw matudluan sa Hirusalim. Bag-u nagluhud si Dabid hanggan ti manga manugpamahala Israil, may sulung saku sa pagpakakit sa kanda karukuan.

Isayas 10:4

Unman may masawad sa kanyu. Bihagun ngatay matyun kamu, dapat ti pangagalit Panginuun dayu madura. Alistu di gid siya pumarusa sa kanyu.

Isayas 5:25

Nakan dahil sa masyadu pag galit Panginuun sa kanyu sa kay nasakupan, parusahan niya kamu. Matandug ti manga bantud ag magkarawayak sa manga baklayan kanyu manga bangkay ga manga paruk. Dapat udwaya gid maparaw kay pangagalit Panginuun. Nakaalistu di siya pumarusa sa kanyu.

Isayas 9:12

Ti Israil wayakun manga taga Aram baliwa sa butlakan, hanggan manga Pilistiyu baliwa sa isalpan, parihu sa maisug pag hayup ti mankub sa kanda. Dapat balaw waya madura ti pangagalit Panginuun, nakan alistu di siya pumarusa sa kanda.

Isayas 9:17

Nakan balaw magbaya ti Panginuun sa manga kalay-awan nida lalaki, ag balaw niya pagkaawaan ti manga ilu ag manga buranday nida. Dahil daut ti tanan ag balaw maka-diyus; makakaray-a ti tanan pagsabihun nida. Nakan balaw gid madura ti pangagalit Panginuun, alistu di gid siya pumarusa sa kanda.

Isayas 9:21

Mangarawayan ti Manasis ag ti Ipraim, ag girahun nida duwa ti Huda. Dapat ti pangagalit Panginuun balaw gid madura, alistu di gid siya pumarusa sa kanda.

Hirimyas 15:6

Dinayu niyu aku; pirmi niyu aku pagpatlikudan. Nakan aku, ti Panginuun, magkun ihunat yi niku kang manga kamang hampay rurisun kamu. Pagsawaan yi aku kaawaan kamu.

Hirimyas 21:5

Aku ngapu ti lumaban sa kanyu sa panab-anan kapangyarihan niku dahil sa masyadu pag pangagalit niku.

Hirimyas 38:22

Ti tanan babayi natayak sa balay nimu darahun manga takinan hari Babilunya. Bag-u sumabi sa kanmu inda pag manga babayi, ‘Dinaya duy kawu nimu manga suud pag kakilala. Taynguna matalnudan yi sa lutuk kanmu manga lulud, tinayakan yi nida kawu.’

Hirimyas 38:23

“Darahun duy nida ti tanan asawa ag anak nimu sa Babilunya. Kawu duy unman diman makapalagiw sa kanda; bihagun kawu hari Babilunya. Ag nida pag banwa irubun nida.”

Hirimyas 7:20

Nakan aku, ti Panginuun Diyus, magsabi, “Ipaagum niku sa inda pag rugar ti masyadu pag pangagalit niku — sa manga tawu, sa manga hayup, sa manga puun kayu, hanggan sa manga tanum. Kang pangagalit ga apuy unman magkapsa.

Hirimyas 8:10

Nakan ipakaun niku sa iba kanda manga asawa hanggan manga tanman. Dahil ginan sa pugri tugka sa may kaya pararihu nagbaliw maramuun sa kuwarta, hanggan yi ti manga purupita ag manga manughandug.

Karukuan 2:8

Ginayak Panginuun dautun ti alad batu sa sangput Hirusalim. Ginayak niya mayad ti pagdaut ag binuwat gid niya inda. Nakan nagkaradaut ti alad panangga hanggan ti alad batu.

Karukuan 3:3

Pinarusahan niya aku unman may apas sirang yabi.

Karukuan 5:11

Pinanlugus kanmi manga babayi hanggan kanmi manga daraga sa Hirusalim hanggan sa iba waya banwa Huda.

Karukuan 5:2

Kanmi manga daga hanggan manga balay bin-ul manga day-uhan.

Karukuan 5:3

Naulila kami, kanmi manga ina nagbaliw buranday.

Isikil 35:3

Sabihi sida aku, ti Panginuun Diyus magkun: Kalaban niku kamu, manga taga Bantud Siir. Parusahan niku kamu bag-u bumaliw mapung-aw kanyu rugar.

Isikil 7:24

Ipaagaw niku kanda manga balay sa pinakadaut pag manga nasyun. Paapasun niku ti pagpadayaw nida makapangyarihan pag manga tawu, ag pauringan niku kanda manga simbahan.

Mikas 2:4

Sa ati pag sirang, puyaan kamu manga tawu sa panab-anan maruku pag sanglitan, ‘Lubus yi kami naruris! Bin-ul Panginuun kanmi manga daga bag-u inayaw sa manga maradaya.’ ”

Sipanyas 1:13

Pamul-un ginan sa tunda pag manga tawu kanda manga kasiyunan ag wayakun kanda manga balay. Bukun sida ti mangulian sa manga ipinatindug nida pag balay. Ag bukun sida ti uminum intus ginan sa ubas nida itinanum.”

Sipanyas 1:4

“Parusahan niku ti manga nasakupan Huda, hanggan ti tanan nasakupan Hirusalim. Papasun niku ti manga nasawad pag manugsamba sa Baal pag diyus-diyusan, hanggan yi ti manga magsirbi pag manga manughandug siyun, hampay rargu yi sida malimtan.