Hirimyas 6:11 - Hanunuu

¹¹ Masyadu diman ti galit magkaramdaman niku parihu sa Panginuun ag balaw niku maampara.” Magkun ti Panginuun, “Ipadamdam niku kang galit hanggan sa manga anak magbuybuya sa karsada, sa manga kalay-awan lalaki magtiripnan, sa manga may asawa ag hanggan yi sa manga gurangun.

Hirimyas 6:11 Iomraidhean Croise

Isayas 40:30

Una ti manga kalay-awan magkagasa, ngatay magpanlubay ag magkagpu,

Hirimyas 15:17

Balaw duy aku magkuyug sa manga kasulungan ag kabayaan nida. Usa-usa lang duy aku dahil maghampang kawu sa kangku, ag pagsabihun nimu sa kangku tungkul sa kanmu pangagalit.

Hirimyas 15:6

Dinayu niyu aku; pirmi niyu aku pagpatlikudan. Nakan aku, ti Panginuun, magkun ihunat yi niku kang manga kamang hampay rurisun kamu. Pagsawaan yi aku kaawaan kamu.

Hirimyas 18:21

Dapat taynguna, pabay-ani duy nimu mamatay kanda manga anak sa lun-us hanggan sa girahan. Pabay-ani nimu maburanday ti manga babayi ag madura kanda manga anak. Pabay-ani duy nimu mamatay kanda manga lalaki sa sakit hanggan ti manga kalay-awan lalaki sa girahan.

Hirimyas 20:9

Nu kas-a, mag-isip aku dayi lang aku manultul tungkul sa kanmu manga bagaw. Dapat balaw duy niku maampara, dahil kanmu bagaw ga apuy maglabdab sa kang tagipusuun hanggan but-ul. Udyi niku inda kaya maampara.

Hirimyas 5:9

Aku, ti Panginuun magsabi: Unman aw dapat niku sida parusahan dahil siyun? Unman aw dapat niku balusan ti manga katunda pag nasyun?

Hirimyas 7:20

Nakan aku, ti Panginuun Diyus, magsabi, “Ipaagum niku sa inda pag rugar ti masyadu pag pangagalit niku — sa manga tawu, sa manga hayup, sa manga puun kayu, hanggan sa manga tanum. Kang pangagalit ga apuy unman magkapsa.

Hirimyas 9:20

Taynguna, kamu pag manga babayi, patingihi niyu ti pagsabihun Panginuun. Patingihi gid niyu inda kaayad. Tudlui niyu kanyu manga anak babayi hanggan kanyu kaparihu kuntay paglumi hanggan pag-amiraw.

Hirimyas 9:21

Rinmas-ug ti kamatayan sa kanta magtal-anakan hanggan sa mapag-un pag bahagi nita banwa. Minatay ti manga anak magbuybuya sa manga baklayan hanggan ti manga kalay-awan lalaki magtiripnan sa manga buruybuyahan.

Karukuan 1:15

Dinayu Panginuun ti tanan niku manga sundalu. Nanipun siya manga sundalu sa pagpadamhak sa kang kalay-awan manga lalaki. Ti manga mag-uli sa Huda ga manga ubas ipinaslud sa gilingan ag tinatatataan Panginuun.

Karukuan 2:21

Nagkarawayak sa manga karsada ti manga bangkay manga anak ag gurangun. Nagkaramatay sa girahan ti manga kalay-awan lalaki ag babayi. Pinanmatay nimu sida unman may awa dahil sa kanmu pangagalit.

Isikil 3:14

Kinabyaw aku Ispiritu ag dinara tag sa arayu. Galit aku ag magtuhay kang naisipan, dapat pinigilan aku Panginuun.

Isikil 3:3

Magkun siya sa kangku, “Ta, kan-a tunda tugka sa mabsug kawu.” Pagka kinaun yi niku, parihu inda ga daykut kay katagsing.

Isikil 9:6

Panmatya niyu ti manga gurangun, ti manga kalay-awan lalaki ag manga babayi, ti manga ina, ag ti manga anak, dapat danga paglabuta ti may manga marka. Pag-umpisa kamu sa kang Balay.” Nakan inuna nida pinanmatay ti manga paggurangunun ati sa atubangan Balay Diyus.

Mikas 3:8

“Dapat aku pag-ulianan di Ispiritu Panginuun imaw ti mag-ayaw sa kangku kapangyarihan hampay maipatupad niku ti katadlungan, ag mag-ayaw sa kangku mabisug nalub-anan hampay masabi sa nasakupan Israil ag Huda kuntay nagsalan sida.

Lukas 17:34

Kang pagsabihun sa kanyu, sa ati katpung pag yabi aban may duwa ka tawu minsan sa igyaan, bul-un kay usa, tayakan kay usa.

Binwat 17:16

Sa kay mag-alagad waya ni Pablu sa kanda ni Silas ni Timutiyu sa Atinas, naaburidu gid kay tagipusuun dahil nakitan niya pasay yi may diyus-diyusan sa banwa.

Binwat 18:5

Pagka rinmas-ug sida ni Silas ni Timutiyu ginan sa Masidunya, purus yi si Pablu sirang-sirang sa kay magtudlu Mayad pag Barita. Pag-itultul niya sa manga Hudiyu si Hisus imaw yi ti Pinili Diyus Manugribri pag Hari.

Binwat 4:20

Nu kami bay duy, dayu gid kami umapas kanmi magtultul tungkul sa kanmi nakitan ag kanmi nadnugan.”

Ipinakakit 16:1

Nadnugan niku ti daka pag bagaw ginan sa sulud Balay Diyus magsugu sa pitu ka anghil magkun, “Pag-ati yi kamu, buhusan niyu sa daga ti pangagalit Diyus ginan sa basad pitu ka pinggan malukung.”