Hirimyas 6:10 - Hanunuu

¹⁰ Namaingana aku, “Dapat Panginuun, si unu duy kang pakan-an pasandam? Si unu duy nguna ti mamatingi sa kangku? Pinut-an duy nida kanda manga tuli hampay balaw sida makadnug. Pagkadat-an duy nida ti bagaw Panginuun, nakan dayu sida mamatingi.

Hirimyas 6:10 Iomraidhean Croise

Kanta 1:2

Bagkus ngap, magbaya siya magsunud sa bilin Panginuun, sirang yabi kay pag-isip-isipun inda.

Kanta 119:16

Magbaya aku sa kanmu manga surundanun ag balaw niku pagkalimtan kanmu bagaw.

Kanta 119:174

Panginuun, mag-isip aku iribri nimu aku. Kanmu kasuguan magpakaun sa kangku kasulungan.

Kanta 119:24

Kanmu manga tudlu imaw ti magpakaun kabayaan sa kangku; imaw inda ti magpatigayun sa kangku.

Kanta 119:35

Giyahi aku sa pagsunud sa kanmu manga sugu, dahil sa inda may kabayaan aku.

Kanta 119:70

Inda pag manga marapadayaw unman may pan-intindi sa kanmu kasuguan, dapat aku magbaya sa pagsunud sa inda.

Kanta 119:77

Kaawai aku hampay parargu aku mangabuhi; dahil magbaya aku sa pagsunud sa kanmu kasuguan.

Kanta 40:8

Diyus niku, gustu niku tupadun kanmu kagustuhan. Kanmu kasuguan paghamnuun niku sa kang tagipusuun.”

Pag-ighit 6:12

Dapat magkun si Muysis sa Panginuun, “Ti manga Israilita ngani dayu magpatingi sa kangku, ti hari Ihiptu aw waya? Lalu busal waya aku magbagaw!”

Isayas 42:20

Mayamu yi kanyu mag-akitan dapat balaw niyu pagpansinun. Magdungug kamu dapat unman kamu magpatingi!”

Isayas 53:1

Si unu ti nagpaniwala sa kanmi ibinarita? Ag sa kantapu pag ipinaburayhaw Panginuun kay kamaskihan?

Hirimyas 4:4

Lumpiyuha niyu kanyu manga tagipusuun sa atubangan Panginuun, kamu pag manga taga Huda ag taga Hirusalim, dahil nu balaw katida malakawan niyu ti isug niku ga apuy unman magkapsa dahil sa binwat niyu pag kadautan.

Hirimyas 5:21

Patingihi niyu inda, kamu pag manga luku-luku ag supakil. May manga mata kamu, dapat unman makakit, may manga tuli dapat unman makadnug.

Hirimyas 7:13

Habang pagbuwatun niyu ti daut pag manga bagay, paulit-ulit niku kamu pinaandaman, dapat unman kamu namatingi. Pagtawagan niku kamu, dapat ay unman kamu magsagut.

Hirimyas 7:26

Dapat ay unman niyu sida pagpatingihan ngatay pagbatiun. Mas maganit waya kanyu manga ulu ag mas daut waya kanyu manga binwat kaysa kanyu manga ginurang.

Isikil 3:7

Dapat ti nasakupan Israil unman mamatingi sa kanmu, dahil balaw sida magkaibug magpatingi sa kangku. Tanan sida manga maganit kay ulu ag lapastangan.

Isikil 33:3

Nu makitan manga bantay magras-ug yi ti manga kalaban, patunugun niya ti budyung para pasandaman ti manga tawu.

Isikil 33:9

Dapat nu pinaandaman nimu tunda pag daut tawu hampay bugyahan kay daut ugali, dapat unman siya nagpaniwala sa kanmu sinabi, mamatay siya dahil sa kay kasalanan, dapat kawu diman, ribri kanmu buhi.

Amus 7:10

Taynguna, si Amasiyas manughandug sa Bitil nanpadara tultulanun sa kan Hirubuam ti hari Israil. Magkun siya, “Maggayak daut si Amus laban sa kanmu atay sa Israil. Balaw yi maagwanta manga tawu kay manga pagsabihun.

Matiyu 3:7

Pagka nakitan ni Huwan aduk pag manga Parisiyu hanggan Sadusiyu ti nagdulud diman sa kay magtulbaw, magkun siya sa kanda, “Kamu ga lahi manga ulay. Si unu ti magsabi sa kanyu kuntay makapalagiw kamu sa sintinsiya Diyus aban?

Lukas 11:45

Ti usa ka manugtudlu Kasuguan nagsabi sa kan Hisus magkun, “Maisturu, sa kanmu sinabi kis-ab duy kami hanggan nahaplitan.”

Lukas 20:19

Ti manga manugtudlu Kasuguan hanggan ti manga pangulu manughandug naghanap paraan hampay madakup si Hisus ati katpung, dahil nasalman nida sida ti pinatamaan sa kay pahalimbawa niya. Dapat nadala sida sa manga tawu.

Huwan 7:7

Ti manga tawu taga kalibutan unman may pag-ikadaut sa kanyu. Dapat aku kanda pagkadat-an, dahil pirmi pag-ipaburayhaw niku kanda manga buwat daut.

Huwan 9:40

May manga Parisiyu diman ati sa kan Hisus nakadnug diman sa kay binagaw. Pinmaingana sida sa kanya magkun, “Balaw nguna kanmu gustu sabihun kuntay kami hanggan buta?”

Binwat 7:51

Sigi waya gid kan Istiban paalaala sa Katipunan manga Pinunu magkun, “Tutuu maganit kanyu manga ulu. Kanyu tagipusuun parihu lang ga tawu unman nagsarig sa Diyus. Unman niyu pagpatingihan ti katutuuhanan. Unman waydi kamu magpaniwala sa pagsabihun Ispiritu Banal. Parihu yi lang gid kamu ga kanyu manga ginurang.

Binwat 7:60

Nagluhud siya bag-u nanawag daka magkun, “Panginuun, danga ipakaun nimu sa kanda inda pag kasalanan nida.” Pagka sinabi niya katida, naugtasan yi siya arup.

Ruma 7:22

Sa basadan niku tagipusuun pagbayaun gid niku kay manga bilin Diyus.

Diyuturunumiyu 29:4

Dapat tugka taynguna kanyu nakitan ag nasaydan unman waya pag-ipalinaw Panginuun sa kanyu.

Kulusas 1:28

Nakan ngani pag-itudlu nimi si Kiristu sa tanan tawu. Pagpaala-lahanan nimi sida, malinaw gid kanmi pagtudluan sida angay sa kanmi makakaya hampay mipaatubang nimi sa Diyus ti kada usa kang-ud ag unman may ikasabi dahil sa kanda magpakiusa sa kan Kiristu.

2 Timutiyu 4:3

Dahil rumas-ug aban ti udas balaw yi patingihan manga tawu ti katutuuhanan pag tudlu. Bagkus ngap sundun nida kanda sadili kagustuhan. Manhanap sida manga manugtudlu balaw may iba itudlu nu unman ti kanda lang magustuhan manga manugpatingi.

Hibriyu 11:7

Dahil sa kay pagsarig ni Nuwi, nakan naniwala siya sa kay ipinasandam Diyus tungkul sa manga bagay udwaya mag-akitan. Nag-alistu si Nuwi usa ka sakayan hampay makaribri kay buu magtal-anakan. Dahil sa kay sarig ipinurya ni Nuwi ti manga taga kalibutan, ag kinilala Diyus siya matadlung dahil sa kay sarig.