Hirimyas 52:3 - Hanunuu

³ Sa galit Panginuun, tinulak niya ginan sa atubangan niya ti manga taga Hirusalim ag taga Huda. Ag taynguna naglaban si Sidikyas sa hari Babilunya.

Hirimyas 52:3 Iomraidhean Croise

Gimpuunan 4:14

Malu, taynguna aku kanmu yi itinulak ginan sa inda pag daga hanggan ginan sa kanmu atubangan. Bag-u aku malakaw-lakawan wadi, udyi may pirmaminti ulian. Nakan una hintay ti makakit sa kangku barang aku matyun.”

Gimpuunan 4:16

Bag-u nighit si Kain ginan sa atubangan Panginuun, ati siya sa Nud pag nangulian baliwa sa may butlakan init sa halamanan Idin.

2 Samwil 24:1

Nangisug maan ti Panginuun sa manga taga Israil, nakan inudyukan niya si Dabid kuntay isinsus ti nasakupan Israil ag Huda.

1 Hari 10:9

Dayawun ti Panginuun nimu Diyus, magbaya sa kanmu ag nagpauli sa kanmu sa kaharian Israil. Dahil unman may katapusan ti pagmahal Panginuun sa Israil, binwat niya kawu hari hampay humari kawu may katuwiran ag katadlungan.”

2 Hari 17:18

Nangisug gid ti Panginuun sa manga taga Israil ag pinaighit niya sida sa kanda rugar pakarayu sa atubangan niya. Ti lahi lang ni Huda ti nasawad,

2 Hari 17:20

Nakan ipinurya Panginuun ti tanan nasakupan Israil. Pinarusahan niya sida, ipinakaun sida sa manga maggira sa kanda tugka sa pinaighit niya sida sa kanda rugar pakarayu sa atubangan niya.

2 Hari 17:23

tugka sa pinaighit sida Panginuun sa kay atubangan, angay sa kay ipinasandam sa kanda sa panab-anan niya manga manugsirbi pag manga purupita. Nakan binihag Asirya ti nasakupan Israil, ag ati sida pag nangulian tugka taynguna.

2 Hari 24:20

Nakan pagka sa uryan pinaighit Panginuun ti manga taga Hirusalim hanggan ti taga Huda pakarayu ginan sa kay atubangan. Nangyari inda dahil sa pangagalit Panginuun sa kanda. Taynguna, naglaban si Sidikyas sa hari Babilunya.

2 Krunika 36:13

Naglaban diman siya kan Hari Nabukudunusur, una ipinasumpa niya siya sa ngaran Diyus kuntay balaw siya manlaban sa kanya. Nagbaliw maganit gid kay tagipusuun ni Sidikyas, ag dayu siya mamabalik sa Panginuun, ti Diyus Israil.

Isra 4:15

hampay usisaun nimu ti manga kasuratan itinagu nimu manga ginurang. Ag dahil siyun, maalaman nimu ti manga tawu sa banwa Hirusalim palalaban ginan waya kaybi. Nakan ngani rinuris tunda pag banwa dahil pagkakurian inda manga hari hanggan manga rugar magkaibug sumakup siyun.

Kabagawan 28:2

Nu ti usa ka nasyun makasalanan, pirmi pag-ilisan kanda takinan. Dapat pumarargu marig-un ti usa ka nasyun nu kay takinan madunung.

Manugtudlu 10:16

Kaawaawa ti usa ka nasyun kay hari anak buut ag kay manga takinan lunsay karan-an ti pagbuwatun.

Isayas 19:4

Ipasakup niku sida sa usa ka mahigpit pag hari.” Tunda ngani ti pagsabihun Panginuun Makamaskihan.

Isayas 3:1

Pagpatingi kamu! Bul-un Panginuun Diyus Makamaskihan ti tanan pagsarigan manga taga Hirusalim hanggan taga Huda: ti karan-unun ag ti danum nida,

Isayas 36:5

Pagsabihun nimu may kakayahan ag mabisug kanmu manga sundalu, dapat unman may kabuluhan ti manga pagsabihun nimu. Si unu lugud kanmu pag-ipadayaw nakan maglaban kawu sa kangku?

Hirimyas 15:1

Magkun sa kangku ti Panginuun, “Una sida ni Muysis ni Samwil waya ti mamakiawa sa kangku para sa inda pag manga tawu, balaw gid niku sida kaawaan. Nakan pakarayuan nimu sida sa kangku. Paighita nimu sida!

Hirimyas 7:15

Kamu palayasun niku ginan sa kang atubangan parihu sa binwat niku sa manga katawuhan niyu, ti nasakupan Israil.’