Hirimyas 52:12 - Hanunuu

¹² Katpung ikasampulu pag sirang sa ikalima pag bulan, pagka sa ika-19 pag timpu kay maghari ni Nabukudunusur sa Babilunya, nag-atag sa Hirusalim si Nibusaradan kumandir manga guwardiya hari Babilunya.

Hirimyas 52:12 Iomraidhean Croise

Gimpuunan 37:36

Ati sa Ihiptu, ipinabili manga Midyanita si Husi sa kan Putipar usa sa manga takinan hari Ihiptu. Kapitan siya manga guwardiya sa balay hari.

2 Hari 24:12

Sinmuku sa kanya si Hari Hihuyakin, kaibahan kay ina, ag kay manga suruguun, ag kay bantug pag manga tawu, hanggan kay manga takinan. Pagka sa ikawalu pag timpu kay maghari ni Nabukudunusur sa Babilunya, binihag niya si Hihuyakin.

2 Hari 25:8

Pagka sa ikapitu pag sirang sa ikalima pag bulan, katpung 19 pag timpu kay maghari ni Nabukudunusur sa Babilunya, nag-atag sa Hirusalim si Nibusaradan ti kumandir manga guwardiya hari Babilunya.

Isra 5:12

Dapat dahil ginalit nimi manga ginurang ti Diyus sa langit, pinabay-anan niya sida sakupun ni Nabukudunusur usa ka Kaldiyu, hari Babilunya. Dinaut ni Nabukudunusur inda pag Balay Diyus ag binihag niya kanmi manga ginurang tabug sa Babilunya.

Nihimyas 2:3

dapat nagsagut aku sa hari, “Umaba waya mana kanmu buhi, Mahal Hari! Magruku aku dahil ti banwa linubngan niku manga ginurang naguba hanggan kay manga sabian inda sunug apuy.”

Kanta 79:1

Diyus, ginira manga taga iba nasyun ti magkaapu nimu pag daga. Inuringan nida kanmu banal pag Balay Diyus ag winayak ti Hirusalim.

Hirimyas 1:3

Parargu kay magpakaun tultulanun ti Panginuun sa kan Hirimyas tugka sa panahun maghari ni Hihuyakim kay anak ni Usyas, hanggan waya sa ika-11 pag timpu kay maghari ni Sidikyas kay anak diman ni Usyas. Pagka sa ikalima pag bulan sa ati pag timpu, binihag ti manga taga Hirusalim.

Hirimyas 32:29

Irubun nida inda, hanggan ti manga balay kay bubung pagsunugan manga kamangyan para kan Baal ag pagsagdahan manga handug irinmun para tuhay pag manga diyus-diyusan subra niku pag-ikagalit.

Hirimyas 39:11

Nagsugu si Hari Nabukudunusur sa kan Nibusaradan takinan manga guwardiya tungkul sa kan Hirimyas. Magkun siya,

Hirimyas 39:9

Sa magpanguna ni Nibusaradan takinan manga guwardiya, ipinadara sa Babilunya ti manga tawu natayak sa banwa hanggan ti manga tawu magkampi sa kan Nibusaradan.

Hirimyas 52:14

Sa pagdumara niya, ginuba manga sundalu Babilunya ti manga alad batu masangputan sa Hirusalim.

Danyil 1:1

Sa ikatlu pag timpu sa kay maghari ni Hihuyakim sa Huda, ginira ni Hari Nabukudunusur taga Babilunya hanggan niya manga sundalu ti Hirusalim.

Danyil 2:14

Bag-u nagpakihampang si Danyil sa kan Aryuk sa kapitan manga bantay hari. Tunda si Aryuk imaw ti sinugu hari sa pagmatay sa manga dunungin pag manga tawu sa Babilunya. Madahan nagpaingana si Danyil sa kanya, “Hayga nagsugu kainda kabuyat ti hari?” Nakan tinultulan siya ni Aryuk sa nangyari.