Hirimyas 51:58 - Hanunuu

⁵⁸ Magkun waya ti Panginuun Makamaskihan, “Wasakun ti madamul pag alad batu sa Babilunya ag irubun ti arabwat niya pag sabian. Bumaliw unman may pulus ti tanan binudlayan niya manga nasakupan dahil ti tanan tida mairub lang.”

Hirimyas 51:58 Iomraidhean Croise

Kanta 127:1

Nu unman ti awat Panginuun, unman may kabuluhan ti pagpatindug balay ngatay ti pagbantay sa daka pag banwa,

Isayas 13:2

Pagtur-ug kamu usa ka bandira ati sa katayungtungan bantud balaw may puun kayu. Bag-u pagringgit kamu mabisug sa manga sundalu ag paamani niyu sida hampay girahun ag suldun ti manga banwa manga kilala ag makamaskihan pag tawu.

Isayas 47:13

Pagbudlayun yi kawu sa mayamu nimu paraan. Pagpaawat kawu sa kanmu manga tawuhan mag-adal tungkul sa manga pamgasan hanggan manughula kada bulan tungkul sa magpangyari sa kanmu.

Isayas 65:23

Balaw sida manarabahu sa ud may makinabang hanggan kanda manga anak balaw may malakawan kamalasan. Dahil sida manga tawu pagpapaladan Panginuun. Hanggan kanda manga anak kaibahan nida papaladan diman.

Hirimyas 50:15

Paghuyaw kamu laban sa kanya sa tanan pag rugar! Bantayi niyu! Nag-ampu yi ti Babilunya! Magkawayak yi kay manga bantayaw ag nagkarapugdak yi ti manga alad batu niya. Ti Panginuun ti nagbalus sa kanya. Nakan balusan niyu siya ag buwatun niyu sa kanya ti binuwat niya sa iba.

Hirimyas 51:30

Umapas ti manga sundalu Babilunya sa paglaban ag mamirmaminti yi lang sida sa kanda kampu. Manlumuy sida ga malumuy pag babayi. Mairub ti manga balay sa Babilunya ag madaut ti manga sabian.

Hirimyas 51:44

Parusahan niku si Bil pag diyus-diyusan sa Babilunya. Ipasuka niku sa kanya kay manga hinalun. Balaw yi siya duludun manga nasyun hampay sambahun. Nagpu yi ti manga alad batu sa Babilunya.

Hirimyas 51:64

Ag sabihun nimu, ‘Katunda ti mangyari sa Babilunya, mitagbung ag udyi lumutaw waya dahil sa manga kadamhakan ipalakaw Panginuun sa kanya. Magkaramatay kay nasakupan niya.’ ” Inda ti uryan pag itinultul ni Hirimyas.

Hirimyas 51:9

Magkun ti manga Israilita mag-ulian ati, “Binulung nimi ti Babilunya dapat unman yi siya nabulung. Pabay-anan yi lang nita siya, muli yi kita sa kanta manga rugar. Dahil tugka yi sa langit kay kadautan nakan parusahan yi siya Panginuun.

Hirimyas 9:5

Ti kada usa magdaya sa kay kaparihu, unman una di usa ti magbagaw katutuuhanan. Naanad yi magpudil kanda dila, pagbudlayun nida kanda sadili sa pagbuwat kasalanan.

Karukuan 5:5

Pagpatarabahuun kami ga manga hayup pag singkawan. Unman gid kami pagpaharyun.

Habakuk 2:13

Dapat tunda kanyu ipinabwat sa binihag niyu pag manga tawu sunugun lang waydi, nakan unman diman may pulus kanda binudlayan. Itinagka yi inda Panginuun Makamaskihan.