Hirimyas 51:51 - Hanunuu

⁵¹ Pagsabihun niyu, ‘Magkay-a kami. Pagpuyaan kami ag pag-ipauli sa makakaray-a dahil ti Balay Diyus Panginuun inuringan manga day-uhan.’

Hirimyas 51:51 Iomraidhean Croise

Kanta 109:29

Sida ti magbangdan sa kangku matabunan kakay-ahan parihu sa rutay matabunan sa bilug.

Kanta 71:13

Mana ti manga magbangdan sa kangku mangay-a ag midamhak. Mana ti magkaibug manakit sa kangku, mangay-a ag puyaan.

Kanta 79:1

Diyus, ginira manga taga iba nasyun ti magkaapu nimu pag daga. Inuringan nida kanmu banal pag Balay Diyus ag winayak ti Hirusalim.

Kanta 79:12

Panginuun, balusi pitu ka dubli kanmi katupad manga nasyun sa kanda magpuya sa kanmu.

Kanta 79:4

Pagpakay-ahun kami ag pagpuyaan manga nasyun sa kanmi sangput.

Kanta 89:46

Panginuun, kapira waya lugud tugka kawu pag magpatagu? Tugka aw sa unman may katapusan? Tugka kapira waya lugud kanmu pangagalit ga apuy?

Isayas 13:1

Inda ti pagsabihun tungkul sa Babilunya, ti ipinaburayhaw Panginuun sa kan Isayas kay anak ni Amus:

Isayas 14:1

Kaawaan Panginuun ti Israil ag utru niya piliun bilang kay nasakupan. Utru pauliun niya sida sa kanda sadili daga, ag may manga day-uhan kumuyug mangulian kaibahan sa nasyun Israil.

Isayas 21:1

Inda ti pagsabihun tungkul sa Babilunya, pangawakawaan arani sa saruy dagat: Gumira ti manga kalaban parihu sa buhawi. Lumakaw sa Nigib ginan sa pangawakawaan, sa pagkadalaan pag daga.

Isayas 47:1

Magkun ti Panginuun, “Babilunya, manukawan kawu sa daga. Manukawan kawu unman may tukawan hari. Kawu parihu sa tugnaw pag babayi, balaw yi tawagun mabuut ag maalumanay.

Hirimyas 14:3

Sinugu manga mayaman kanda manga panawuhun kuntay pagtaas danum. Nag-atag ngani sida sa manga bubun dapat ay unman may danum ati. Nakan nagbalik sida unman may sukad kanda manga sukadan, ag pinatumungan nida kanda ulu dahil sa masyadu pag kay-a.

Hirimyas 25:26

ti manga nasyun sa kanaway, ararayu man ngatay ararani, hanggan ti tanan kaharian sa buu kalibutan. Ag ti uryan painman, ti Babilunya.

Hirimyas 31:19

Nagpakarayu kami sa kanmu kaybi, pat-ay nag-ampu yi duy kami taynguna. Pagka naalaman nimi kuntay nagkasala kami, tinaptap duy nimi kanmi manga dubdub sa pag-ampu. Magkay-a kami sa kanmi manga binuwat kaybi sa kanmi kalay-awan.”

Hirimyas 52:13

Inirub niya ti Balay Diyus Panginuun, ti balay hari, ti tanan balay sa Hirusalim, ag ti tanan manga mahalaga pag daraka balay.

Karukuan 1:10

Pinanbuul kalaban ti tanan niya kasiyunan. Nakitan niya sinmaka ti balaw Israilita sa Balay Diyus, manga tawu balaw pagpasnuan Panginuun sumaka sa Balay Diyus.

Karukuan 2:20

Panginuun, bantayi kami. Isip-isipa niyu nu si unu ti pinakurianan nimu parihu kainda. Sa masyadu pag lun-us, kinaun manga ina kanda manga anak kanda pag-alagaun. Ti manughandug hanggan purupita pinanmatay sa kanmu Balay.

Karukuan 5:1

Panginuun, alalahana duy nu hintay gid ti nangyari sa kanmi. Bantayi duy kanmi kauyaan.

Isikil 36:30

Paburakun niku kayamu ti manga puun kayu hanggan paabundahun kanyu manga ani, hampay balaw yi kamu pakay-ahun iba manga nasyun dahil sa lun-us.

Isikil 7:18

Mansulung sida saku ag kuridun nida kanda manga buhuk sa ulu sa pagpakakit nida karukuan. Madala gid sida ag mangay-a.

Isikil 9:7

Bag-u magkun ti Diyus sa kanda, “Uringi niyu kang Balay sa panab-anan pagtumpuk manga bangkay sa manga sugkadan, ag paglakaw rargu kamu.” Nakan naglakaw sida ag nanmatay sa buu banwa.

Danyil 11:31

“Suguun hari Sirya ti manga sundalu hampay uringan ti Balay Diyus sangput alad batu. Paapasun niya ti sirang-sirang pagsagda ag ipauli ti mayagting pag bagay imaw kay kadahilanan mapabay-anan ti Balay Diyus.

Amus 7:9

Wasakun niku ti manga simbahan sa abwat pag manga rugar pagsambahan manga taga Israil linahi ni Isaak. Ipagira niku sa manga kalaban ti Israil, ti kaharian ni Hari Hirubuam.”

Mikas 6:16

Matupad inda sa kanyu dahil sinunud niyu ti balaw mayad pag buwat, manga surundanun, ag manga patigayun ni Hari Umri hanggan niya anak si Hari Akab. Nakan ipadamhak niku kamu; unu-unuhun kamu ag puyaan iba manga nasyun.”

Mikas 7:10

Makitan inda nita manga kalaban ag mangay-a sida. Dahil pagpuyaan nida kita kaybi. Magkun sida, ‘Naan yi ti Panginuun niyu Diyus?’ Udyi dugay makitan nita ti kadamhakan nida. Bumaliw sida ga lutuk tatatataan sa karsada.”