Hirimyas 51:44 - Hanunuu

⁴⁴ Parusahan niku si Bil pag diyus-diyusan sa Babilunya. Ipasuka niku sa kanya kay manga hinalun. Balaw yi siya duludun manga nasyun hampay sambahun. Nagpu yi ti manga alad batu sa Babilunya.

Hirimyas 51:44 Iomraidhean Croise

2 Krunika 36:7

Dinara diman ni Nabukudunusur sa Babilunya ti iba pag manga kagamitan sa Balay Diyus Panginuun ag ipinauli sa kay balay hari.

Hub 20:15

Ti kayamanan kay pinanakaw isuka niya parihu sa karan-unun. Ipasuka inda Diyus sa kanya una inda ati yi sa kay tiyan.

Isayas 2:2

Sa manga uryan pag sirang, ti bantud pagtindugan Balay Diyus Panginuun bumaliw pinakamahalaga sa tanan pag bantud. Rumas-ug siyun ti manga tawu ginan sa tuhay-tuhay pag nasyun.

Isayas 21:9

Taynguna, bantayi niyu! May magras-ug manga kalisa guyud-guyud duwa ka kabayu.” Ag magkun waya ti manugbantay, “Nawayak yi ti Babilunya! Ti tanan niya manga histuda diyus-diyusan nag-iridugsak sa daga ag nagkarawayak tanan.”

Isayas 60:5

Nu makitan yi nimu tunda, makabaya kawu ag subra-subra gid kanmu kabayaan, dahil ti kayamanan nasyun darahun tabug sa kanmu.

Hirimyas 50:15

Paghuyaw kamu laban sa kanya sa tanan pag rugar! Bantayi niyu! Nag-ampu yi ti Babilunya! Magkawayak yi kay manga bantayaw ag nagkarapugdak yi ti manga alad batu niya. Ti Panginuun ti nagbalus sa kanya. Nakan balusan niyu siya ag buwatun niyu sa kanya ti binuwat niya sa iba.

Hirimyas 50:2

“Ipadakit sa manga nasyun ti barita sa unman may pag-ilihim! Ag paabwatan ti bandira tanda pagkawasak Babilunya! Marunut ag mangay-a ti manga diyus-diyusan niya hanggan kay diyus-diyusan si Bil ag si Marduk.

Hirimyas 51:18

Unman inda may pulus ag mayagting. Rumas-ug ti sirang midamhak sida tanan.

Hirimyas 51:34

Magkun ti manga taga Hirusalim, “Si Hari Nabukudunusur sa Babilunya ga daragun kay naghalun sa kanmi. Nabsug niya kay tiyan manga kayamanan nimi. Tinayakan niya ti banwa nimi unman may isinawad, ga tapayan unman may sukad. Tinabug niya kami ag unman nimi alam nu unu ti buwatun nimi. Buwatun diman mana sa Babilunya kay binuwat niya sa kanmi hanggan sa kanmi manga anak. Bayadan mana nasakupan Babilunya ti manga minatay nida.”

Hirimyas 51:47

Rumas-ug ti udas parusahan niku ti manga diyus-diyusan sa Babilunya. Mangay-a ti buu Babilunya, ag mabugtangan ti tanan bangkay nasakupan niya.

Hirimyas 51:53

Una umaput waya sa langit ti manga alad batu Babilunya, ag una papag-unun waya nida inda, mamadara diman aku manugwayak. Aku, ti Panginuun, ti magsabi inda.

Hirimyas 51:58

Magkun waya ti Panginuun Makamaskihan, “Wasakun ti madamul pag alad batu sa Babilunya ag irubun ti arabwat niya pag sabian. Bumaliw unman may pulus ti tanan binudlayan niya manga nasakupan dahil ti tanan tida mairub lang.”

Danyil 1:2

Binihag niya si Hari Hihuyakim angay sa kagustuhan Panginuun. Bin-ul diman niya ti iba pag manga kagamitan sa Balay Diyus ag dinara sa Babilunya. Ag ipinauli niya inda sa haramnuan gamit ati sa balay diyus-diyusan niya.

Danyil 3:29

Nakan pag-isugu niku una si unu pag tawu una naan pag nasyun hanggan linahi, ngatay pamagaw ti mamagaw daut laban sa Diyus nida ni Sadrak, ni Misak, ag ni Abidnigu pamuldun kay bilug ag dautun kay manga balay. Dahil unman gid may iba diyus manribri parihu ga kanda Diyus.”

Danyil 4:1

Nagbuwat si Hari Nabukudunusur usa ka pabarita para sa tanan tawu sa tuhay-tuhay pag nasyun hanggan linahi, ag pamagaw sa kalibutan. Kaindaay ti nakasurat: “Pagsa kanyu ti kahusayan ag pag mayad gid kanyu kahamtangan.

Danyil 4:22

balaw may iba nu unman kawu, Mahal Hari. Nagbaliw makapangyarihan kawu tugka sa inmaput sa langit kanmu kapangyarihan, ag kanmu paghari inmaput una naan baliwa pag suuk kalibutan.”

Danyil 5:19

Dahil sa kapangyarihan ipinakaun Diyus sa kanya, nadala ti manga tawu sa kanya sa tuhay-tuhay pag nasyun hanggan linahi, ag pamagaw. Mahimu niya matyun una si unu kay gustu matyun. Mahimu diman niya balaw matyun una si unu ti balaw niya gustu matyun. Maipaabwat niya ti katungkulan tawu nu gustu niya ipaabwat; maipaababa diman niya ti katungkulan tawu nu gustu niya paababaun.

Danyil 5:26

Indaay kay ibug sabihun: Ti Mini kay kahulugan pagbilangun yi Diyus ti nasawad pag sirang nimu paghari, dahil paapasun yi niya.

Danyil 5:31

Ti nag-ilis sa kanya bilang hari si Daryu taga Midya, kay idad ati katpung 62 ka timpu.