Hirimyas 51:34 - Hanunuu

^34-35 Magkun ti manga taga Hirusalim, “Si Hari Nabukudunusur sa Babilunya ga daragun kay naghalun sa kanmi. Nabsug niya kay tiyan manga kayamanan nimi. Tinayakan niya ti banwa nimi unman may isinawad, ga tapayan unman may sukad. Tinabug niya kami ag unman nimi alam nu unu ti buwatun nimi. Buwatun diman mana sa Babilunya kay binuwat niya sa kanmi hanggan sa kanmi manga anak. Bayadan mana nasakupan Babilunya ti manga minatay nida.”

Hirimyas 51:34 Iomraidhean Croise

Hub 20:15

Ti kayamanan kay pinanakaw isuka niya parihu sa karan-unun. Ipasuka inda Diyus sa kanya una inda ati yi sa kay tiyan.

Kanta 74:13

Tinunga nimu ti dagat sa panab-anan nimu kamaskihan, ag kawu ti nagrunut manga ulu daraka pag manga hayup sa dagat.

Kabagawan 1:12

Buhi sida kainda ag mayad kay bilug dapat matyun nita sida; miparihu sida sa manga tawu miamut sa ulian manga namatay.

Isayas 34:11

Bumaliw ulian inda manga bukaw ag manga uwak. Ginayak yi inda Panginuun ipalakaw sa inda pag daga ti kaguluhan ag kadamhakan.

Isayas 42:22

Dapat taynguna kay manga nasakupan tinakawan, inagawan kasiyunan, ilinagpak sa kali ngatay ipinaslud sa pirisuhan, ag ud may nanribri sa kanda.

Hirimyas 50:17

“Ti manga Israilita ga manga karanidu namululagan pagbukadun manga liyun. Kabag-u, siniba hari sa Asirya, rargu ti pinaka-uryan nag-arit-it kanda manga but-ul si Hari Nabukudunusur sa Babilunya.

Hirimyas 50:7

Siniba sida manga nakakit sa kanda. Magkun ti manga kalaban nida, ‘Nagsalan sida sa Panginuun imaw ti tutuu nida paraharyan ag pagsarigan manga kaumputan nida nakan unman kita may kasalanan sa kanta paggira sa kanda.’

Hirimyas 51:44

Parusahan niku si Bil pag diyus-diyusan sa Babilunya. Ipasuka niku sa kanya kay manga hinalun. Balaw yi siya duludun manga nasyun hampay sambahun. Nagpu yi ti manga alad batu sa Babilunya.

Hirimyas 51:49

“Kailangan wasakun ti Babilunya dahil sa pagmatay niya sa manga Israilita ag sa iba waya manga tawu sa buu kalibutan.”

Karukuan 1:1

Mapanglaw yi ti banwa Hirusalim, sa kabag-u mayamu tawu. Bantug inda kaybi sa buu kalibutan, dapat kainda parihu sa usa ka babayi buranday. Sa kabag-u imaw inda ti magpanguna pag banwa, dapat taynguna panawuhun yi.

Karukuan 2:16

Ti tanan niyu kalaban magpamuya sa kanyu. Magsagutsut sida bag-u pagpangarutun kanda ngipun ag magsabi, “Nadaut yi nita ti Hirusalim! Imaw yi inda ti sirang kanta pag-alagdun; ag taynguna nakitan gid nita!”

Isikil 36:3

“Nakan anak tawu, sabihi ti manga bantud Israil kuntay aku, ti Panginuun Diyus magkun: Ginira kamu tuhay-tuhay pag manga nasyun una naan ginan baliwa, bag-u taynguna sida ti mag-apu sa kanyu. Pinuyaan nida kamu ag pagpakay-ahun.

Husyas 8:8

Ti Israil ga kinaun iba nasyun. Taynguna magpaamut yi siya sa kanda, parihu siya sa gamit unman may pakinabang.

Amus 8:4

Patingihi niyu inda, kamu pag mag-api sa manga pugri ag maggayak rurisun sida.

Nahum 2:2

Dahil una kanyu rinuris ti Israil hanggan ti Huda parihu sa nagkaramatay manga pananum ubas, ibalik di Panginuun ti kapangyarihan Israil.

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.