Hirimyas 51:29 - Hanunuu

²⁹ Ga tawu pagtakigan ag magpabaring-baring sa sakit ti Babilunya, dahil buwatun Panginuun kay gayak laban siyun, unman yi may mangulian ag bumaliw mapung-aw tunda pag rugar.

Hirimyas 51:29 Iomraidhean Croise

Isayas 14:16

Turunun kawu kaayad manga namatay ag sabihun nida, ‘Bukun aw inda pag tawu ti pagkadalaan manga tawu sa kalibutan ag ti nagtandug sa manga kaharian?

Isayas 24:20

Mandaplahay inda ga langu ag ga payag magkahalu-halu sa bagyu. Ti kalibutan magkabyatan dahil sa kasalanan, ag mawayak inda udyi utru bumangun.

Hirimyas 10:10

Dapat ti Panginuun imaw ti tutuu pag Diyus. Siya ti buhi pag Diyus ag Hari unman may katapusan. Nu magkagalit siya magkatandug ti kalibutan, unman may nasyun makapadugay sa masyadu gid pag galit niya.

Hirimyas 50:13

Dahil sa galit niku, udyi may mangulian sa Babilunya ag bumaliw mapung-aw inda. Madiklahan gid ag manhikrab ti tanan lumawuy sitay dahil sa tanan nangyari sa inda pag nasyun.

Hirimyas 50:36

Mitama diman inda sa kay manga pudilun pag purupita niya ag bumaliw manga kurang-kurang sida! Mitama diman inda sa manga sundalu niya ag madala sida!

Hirimyas 50:43

Nabaritaan inda hari Babilunya ag nanlulubay siya. Nakadamdam siya dala ag sakit parihu sa babayi magkaanak yi.

Hirimyas 50:45

Nakan patingihi nimu kang gayak buwatun laban sa Babilunya. Una kanda manga anak bihagun ag gub-un kanda manga balay.

Hirimyas 50:46

Sa pagkaplid Babilunya, matandug ti daga ag masaydan sa iba nasyun kanda lulumian.”

Hirimyas 51:26

Unman may una hintay pag batu ti mab-ul sa kanmu hampay gamitun sa pagpatindug balay. Bumaliw maruku ti kahamtangan nimu hanggan waya aban. Aku, ti Panginuun, ti magsabi inda.”

Hirimyas 51:28

Paalistuhun nimu ti manga hari sa Midya, hanggan kanda manga pinunu ag manga manugpamahala, hanggan ti tanan sakup nida pag nasyun hampay girahun ti Babilunya.

Hirimyas 51:37

Wasakun niku inda pag nasyun! Bumaliw karasarin-an ag makasurumpa inda pag nasyun, ag unman yi may mangulian sitay nu unman manga talun idu.

Hirimyas 51:43

Bumaliw maruku ti manga banwa niya ga pangawakawaan yi unman may mag-uli ngatay udyi may lumawuy siyun.

Hirimyas 8:16

Ti ham-us kabayu manga kalaban mag-adnugan ginan sa Dan. Sa harihi di waya kabayu nida, pagtakigan yi ti buu daga. Rinmas-ug sida hampay wayakun inda pag daga hanggan ti tanan atay — ti manga banwa ag ti tanan manga mag-uli sitay.’ ”

Huwil 2:10

Magkatandug ti daga hanggan ti langit sa kanda magras-ug. Magdulum ti init hanggan ti bulan, ag magkadura kay rayaw ti manga pamgasan.

Amus 8:8

Dahil siyun, palinugun niku kanyu daga ag manlulumian kamu. Matandug gid masyadu kanyu daga, parihu sa pag-awas ag paghubas Sapa Nilu sa Ihiptu.

Ipinakakit 18:2

Nangungud siya namagaw daka magkun, “Nawasak yi siya, nawasak yi ti bantug pag banwa Babilunya. Taynguna ulian yi manga labang tunda pag daga, tunda yi ti paratag-an manga labang. Asan diman ti purugadan manga manuk mayagting ag manga pag-ampuan tawu.