Hirimyas 51:27 - Hanunuu

²⁷ Paabwatan ti bandira tanda sa paggira! Patunugan ti budyung sa manga nasyun! Ialistu sida hampay girahun ti Babilunya. Sugua man-gira ti manga sundalu sa Ararat, Mini ag Askinas. Pagpili kamu takinan hampay girahun ti Babilunya. Pagpadara kamu manga kabayu parihu kay kayamu sa manga apan.

Hirimyas 51:27 Iomraidhean Croise

Gimpuunan 10:3

Si Gumir may imaw diman manga anak lalaki sida ni Askinas, ni Ripat ag ni Tugarma.

Gimpuunan 8:4

Pagka sampulu may pitu pag sirang sa ika pitu pag bulan, nisayad ti barku sa kabaantudan Ararat.

2 Hari 19:37

Usa ka sirang, habang magsamba si Sinakirib sa simbahan niya diyus si Nisruk, minatay siya niya duwa ka anak lalaki sida ni Adramilik ni Sarisir sa panab-anan baladaw, ag rargu nalagiw sida sa Ararat. Kay usa niya ka anak si Isarhadun imaw ti nag-ublus sa kanya sa kay pagka hari.

1 Krunika 1:6

Si Gumir may manga anak diman sida ni Askinas, ni Ripat, ag ni Tugarma.

Isayas 18:3

Kamu tanan mag-ulian sa kalibutan, bantayi niyu ti pag-abwat bandira sa babaw bantud, ag patingihi niyu ti tunug budyung.

Isayas 37:38

Pagka sa usa ka sirang, habang magsamba si Sinikarib sa balay niya diyus si Nisruk, minatay siya niya duwa ka anak lalaki sida ni Adramilik ni Sarisir sa panab-anan baladaw bag-u linmayas sida atag sa Ararat. Kay usa niya ka anak si Isarhadun imaw ti nag-ublus kay pagka hari.

Hirimyas 25:14

Buwatun sida suruguun sa mayamu manga nasyun hanggan manga makapangyarihan pag hari. Parusahan niku sida angay sa kanda manga binuwat.”

Hirimyas 46:23

Matyun nida ti manga taga Ihiptu ga magpukan lang maraybung pag manga puun kayu. Ti manga kalaban inda mas mayamu kaysa apan balaw mabilang.

Hirimyas 50:2

“Ipadakit sa manga nasyun ti barita sa unman may pag-ilihim! Ag paabwatan ti bandira tanda pagkawasak Babilunya! Marunut ag mangay-a ti manga diyus-diyusan niya hanggan kay diyus-diyusan si Bil ag si Marduk.

Hirimyas 50:3

Dahil girahun ti Babilunya usa ka nasyun ginan sa kanaway, ag bumaliw mapung-aw inda pag rugar. Unman yi may mangulian sitay dahil malagiw kay manga nasakupan hanggan ti manga hayup.

Hirimyas 50:9

Dahil ipagira niku ti Babilunya sa gurupu manga makapangyarihan pag nasyun ginan sa kanaway baliwa. Girahun nida ti Babilunya ag masakup nida inda. Anad kanda manga manugpana ag unman may paltus kanda magpana.

Hirimyas 51:12

Ipaabwat niyu ti bandira mustara sa paggira sa Babilunya. Dugangi niyu ti manga manugbantay; ag ipalastar ti manga manugbantay. Sangputan niyu ti banwa! Udas yi hampay buwatun Panginuun ti gayak niya laban sa manga taga Babilunya.”

Hirimyas 51:14

Nanumpa ti Panginuun Makamaskihan sa kay sadili niya magkun siya, “Ipagira gid niku kamu sa kayamuan kalaban parihu kay kayamu sa apan, ag manhuyaw sida panalu laban sa kanyu.”

Hirimyas 51:28

Paalistuhun nimu ti manga hari sa Midya, hanggan kanda manga pinunu ag manga manugpamahala, hanggan ti tanan sakup nida pag nasyun hampay girahun ti Babilunya.

Hirimyas 6:1

“Manga lahi ni Binhamin, pagpalagiw kamu ag pag patagu! Pag-ighit kamu ginan sa Hirusalim! Patunugun niyu ti budyung sa Tikuwa ag paamanan niyu ti Bit Hakirim, dahil rumas-ug yi ti kadamhakan ginan sa kanaway.

Huwil 3:9

Sabihun niyu sa manga nasyun, magkun: “Pag-alistu kamu sa paggira. Sabihi niyu kanyu manga sundalu hampay man-gira.

Amus 3:6

Balaw aw lugud pagtakigan sa kadalaan ti manga tawu kada patunugun ti budyung sa pagpasandam may manga kalaban maggira? Nu rumas-ug ti kadamhakan sa usa ka banwa, unman aw ti Panginuun ti nagpadara tunda?

Sakaryas 14:2

Dahil tipunun Panginuun ti tanan nasyun hampay lumaban sa Hirusalim. Agawun nida inda pag banwa, pamul-un nida ti manga kasiyunan sa manga balay, ag lugusun nida ti manga babayi. Darahun nida sa iba rugar ti katunga manga mag-ulian sa banwa, dapat kay iba tayakan di.

Talaghusay 6:5

Magsalakay sida dara kanda manga turda ag manga hayup parihu kay kayamu sa manga apan. Udyi gid mabilang kanda kayamuun hanggan kanda manga kamilyu. Dinaut nida ti rugar manga Israilita.