Hirimyas 51:25 - Hanunuu

²⁵ “Kalaban niku kawu, Babilunya, kawu ti pag-ingarnan Bantud Manugwayak! Winayak nimu ti buu kalibutan. Gamitun niku kang kamaskihan hampay dautun ag irubun kawu.

Hirimyas 51:25 Iomraidhean Croise

Kanta 138:7

Una asan aku sa kakurian, pag-alagaan nimu kang buhi sa pangagalit niku manga kalaban. Pag-iribri nimu aku sa panab-anan nimu kapangyarihan.

Isayas 13:2

Pagtur-ug kamu usa ka bandira ati sa katayungtungan bantud balaw may puun kayu. Bag-u pagringgit kamu mabisug sa manga sundalu ag paamani niyu sida hampay girahun ag suldun ti manga banwa manga kilala ag makamaskihan pag tawu.

Hirimyas 25:12

“Dapat pagkalawuy 70 ka timpu, parusahan diman niku ti hari Babilunya hanggan ti manga nasakupan niya dahil sa manga kasalanan nida. Ag buwatun diman niku maruku kanda nasyun hanggan aban.

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 50:25

Binukasan niku kang taraguan manga armas ag ipinalwas niku ti manga armas dahil sa kang pangagalit. Dahil aku, ti Panginuun Diyus Makamaskihan may buwatun sa kanmu, Babilunya.

Hirimyas 50:31

“Aku, ti Panginuun Makamaskihan, magsabi kalaban niku kawu, Babilunya marapadayaw! Rinmas-ug yi ti sirang parusahan niku kawu.

Hirimyas 51:53

Una umaput waya sa langit ti manga alad batu Babilunya, ag una papag-unun waya nida inda, mamadara diman aku manugwayak. Aku, ti Panginuun, ti magsabi inda.

Hirimyas 51:58

Magkun waya ti Panginuun Makamaskihan, “Wasakun ti madamul pag alad batu sa Babilunya ag irubun ti arabwat niya pag sabian. Bumaliw unman may pulus ti tanan binudlayan niya manga nasakupan dahil ti tanan tida mairub lang.”

Hirimyas 51:7

Ga siya ungut gintu sa kang kamang punu intus. Pinainman niya ti manga nasyun sa buu kalibutan, bag-u sida nalangu ag nagbaliw paung.

Danyil 4:30

magkun siya, “Tutuu gid ungud makapangyarihan yi ti Babilunya, ti kang ipinatindug pag kaharian banwa sa panab-anan niku sadili kabisugan ag para sa kang kadayawan.”

Sakaryas 4:7

Ag una waya parihu kay kadaka sa bantud ti hadlang kanmu pag-atubangun, patagun di tunda. Mamhan di gid ti Balay Diyus, habang pag-ipauli ti pinaka-uryan pag batu inda, manringgit ti manga tawu, ‘Panginuun, papaladan duy nimu inda.’”

2 Pidru 3:10

Rumas-ug ti kaudasan Panginuun parihu sa mananakaw. Sa tunda pag udas madnugan ti matnug gid pag tunug ag madura ti manga langit. Mairub ti init, ti bulan, hanggan ti manga pamgasan. Ti daga hanggan ti tanan bagay sa babaw daga madura diman.

Ipinakakit 8:8

Pagka inyup ikadwa pag anghil kay budyung nidugsak sa dagat ti ga bantud laun malabdaban. Nagbaliw yi dugu kay ikatlu pag bahagi dagat.