Hirimyas 51:24 - Hanunuu

²⁴ “Manga nasakupan niku, ipakakit niku sa kanyu kang pagbalus sa Babilunya hanggan sa kay nasakupan inda dahil sa tanan kadautan binwat nida sa Hirusalim. Aku, ti Panginuun, ti magsabi inda.

Hirimyas 51:24 Iomraidhean Croise

Kanta 79:10

Danga pagpahintuluti sumabi sa kanmi ti iba pag manga nasyun, “Naan yi lugud kanyu Diyus?” Habang magbantay kami, ipaisip nimu sa manga nasyun kuntay bumalus kawu sa kanda pagmatay sa kanmu manga manugsirbi.

Isayas 48:14

“Pagtipun kamu tanan pagpatingi: Si unu sa manga diyus-diyusan ti naghula kuntay mangyari? Unman gid! Pinili niku kang ampud hampay girahun ti Babilunya hampay sundun kang pag-ipabuwat laban sa tunda pag nasyun.

Isayas 61:2

Sinugu diman niya aku hampay ibarita kuntay taynguna yi pag panahun pag-iribri Panginuun kay manga nasakupan ag parusahan kanda manga kalaban. Sinugu diman niya aku hampay libangun ti manga maruku sa Siun, sa halip mamauli sida dapug, kurunahan ngap ngatay paulian lana kanda ulu tanda nida kabayaan. Bumaliw sida ga puun kayu matibay itinanum Panginuun. Kilalan-un sida matadlung pag tawu para sa ikadayaw Panginuun.

Isayas 66:6

Mag-asaydan aw niyu ti ingay sa banwa hanggan sa Balay Diyus? Ingay tunda Panginuun habang pagbalusan niya kay manga kalaban.

Hirimyas 25:14

Buwatun sida suruguun sa mayamu manga nasyun hanggan manga makapangyarihan pag hari. Parusahan niku sida angay sa kanda manga binuwat.”

Hirimyas 50:10

Pamul-un nida ti manga kasiyunan Babilunya ag pihu gid manalaw sida. Aku, ti Panginuun, ti magsabi inda.

Hirimyas 50:15

Paghuyaw kamu laban sa kanya sa tanan pag rugar! Bantayi niyu! Nag-ampu yi ti Babilunya! Magkawayak yi kay manga bantayaw ag nagkarapugdak yi ti manga alad batu niya. Ti Panginuun ti nagbalus sa kanya. Nakan balusan niyu siya ag buwatun niyu sa kanya ti binuwat niya sa iba.

Hirimyas 51:11

Mamalus ti Panginuun sa Babilunya dahil sa pagguba sa Balay Diyus niya. Ginanyat Panginuun ti manga hari sa Midya hampay wasakun ti Babilunya dahil inda ti turunu niya. Magkun siya, “Asaa niyu kanyu manga ugyung ag alistuhan kanyu manga panangga.

Hirimyas 51:23

Rurisun diman niku sa panab-anan nimu ti manga manada hanggan kay manga manug-alaga, ti manga manugtanman hanggan ti manga baka, ti manga pinunu ag iba waya manga manugpamahala.

Hirimyas 51:49

“Kailangan wasakun ti Babilunya dahil sa pagmatay niya sa manga Israilita ag sa iba waya manga tawu sa buu kalibutan.”

Hirimyas 51:56

Rumas-ug ti manga manugwayak sa Babilunya ag bihagun kay manga sundalu, ag mabari kanda manga ugyung. Dahil aku, ti Panginuun, ti Diyus magparusa sa daut. Ag parusahan niku ti Babilunya angay lang sa kanya.

Karukuan 3:64

Balusi sida, Panginuun, angay sa kanda binuwat.

Ipinakakit 18:20

“Kawu duy pag langit pagbaya sa nangyari sa banwa Babilunya. Pagbaya kamu pag manga pinili Diyus, manga apustul hanggan manga purupita. Nasintinsiyahan yi Diyus ti banwa Babilunya sa kaparusahan dahil sa binwat niya sa kanyu.”

Ipinakakit 18:24

Siyun diman waydi pag banwa pag minatay ti manga purupita, ti manga pinili Diyus hanggan ti tanan minatay sa kalibutan.”

Ipinakakit 6:10

Magpamurus sida sa tawag magkun, “Panginuun, kawu ti makamaskihan, ti banal hanggan ti masarigan. Kabitay waya kadugay kami pag mag-alagad. Kapira waya pag sintinsiyahan nimu sa kaparusahan ti manga tawu mag-uli sa babaw daga dahil sa kanda nagmatay sa kanmi.”