Hirimyas 51:22 - Hanunuu

²² Sa panab-anan nimu, rurisun niku ti manga lalaki ag babayi, gurangun hanggan ti anak, ag ti manga kan-akan ag daraga.

Hirimyas 51:22 Iomraidhean Croise

2 Krunika 36:17

Ipinagira niya sida sa manga taga Babilunya. Pinanmatay manga taga Babilunya kanda manga kalay-awan lalaki una sa Balay Diyus. Unman gid sida may pangaawa una sa kantapu, lalaki man ngatay babayi, anak man ngatay gurangun, masakitun man ngatay bukun. Ipinabahala Diyus ti tanan niya nasakupan kan Nabukudunusur.

Isayas 13:15

Ti kada madakup pag bun-un tugka sa mamatay.

Isayas 13:16

Kanda manga lapsag gutay-gutayun sa kanda atubangan. Pamul-un kanda manga kasiyunan sa kanda manga balay ag lugusun kanda manga asawa.

Isayas 13:18

Matyun manga taga Midya sa ugyung ti manga kalay-awan lalaki. Hanggan ti manga anak balaw nida kaawaan.

Isayas 20:4

Dahil bihagun hari Asirya ti manga taga Ihiptu hanggan ti taga Itiyupya, anak man ngatay gurangun. Bihagun sida uba ag unman may lapak. Makitan kanda manga buli, ungud ngani mangay-a gid ti Ihiptu.

Hirimyas 44:7

“Nakan aku, ti Panginuun Diyus Makamaskihan, ti Diyus Israil magpaingana, ‘Hayga niyu pagdautun kanyu sadili? Gustu aw niyu maruris ti manga tawu sa Huda — ti manga lalaki, ti babayi, ti anak hanggan manga lapsag?

Hirimyas 50:37

Mitama inda sa kay manga kabayu, manga kalisa, ag sa tanan magkampi sa kanya. Bag-u lumumuy sida ga babayi! Mitama diman inda sa manga kayamanan niya ag pamul-un inda tanan.

Hirimyas 51:23

Rurisun diman niku sa panab-anan nimu ti manga manada hanggan kay manga manug-alaga, ti manga manugtanman hanggan ti manga baka, ti manga pinunu ag iba waya manga manugpamahala.

Hirimyas 6:11

Masyadu diman ti galit magkaramdaman niku parihu sa Panginuun ag balaw niku maampara.” Magkun ti Panginuun, “Ipadamdam niku kang galit hanggan sa manga anak magbuybuya sa karsada, sa manga kalay-awan lalaki magtiripnan, sa manga may asawa ag hanggan yi sa manga gurangun.

Karukuan 2:11

Nagkarabaga kang manga mata sa lumi. Masakit kang mag-asaydan. Ga mabka kang dubdub dahil sa kadamhakan niku kasimanwa. Nagkaralipung sa manga karsada banwa ti manga anak hanggan ti manga lapsag.

Karukuan 2:21

Nagkarawayak sa manga karsada ti manga bangkay manga anak ag gurangun. Nagkaramatay sa girahan ti manga kalay-awan lalaki ag babayi. Pinanmatay nimu sida unman may awa dahil sa kanmu pangagalit.

Isikil 9:6

Panmatya niyu ti manga gurangun, ti manga kalay-awan lalaki ag manga babayi, ti manga ina, ag ti manga anak, dapat danga paglabuta ti may manga marka. Pag-umpisa kamu sa kang Balay.” Nakan inuna nida pinanmatay ti manga paggurangunun ati sa atubangan Balay Diyus.

Diyuturunumiyu 32:25

Sa luwas nida balay mayamu ti magkaramatay sa irisgan, ag sa sulud humari ti dala. Magkaramatay ti manga gurangun, ti manga kalay-awan, hanggan ti manga anak.

1 Samwil 15:3

Nakan taynguna, giraha niyu ti manga Amalikita. Rurisa niyu lubus ti tanan ati. Matyun niyu sida tanan, manga lalaki, babayi, anak ag manga lapsag, hanggan yi kanda manga baka, karanidu, kambing, kamilyu ag manga asnu.’ ”